Xonotic
![]() | ||||
---|---|---|---|---|
![]() | ||||
Desendolcador | Team Xonotic | |||
Distribuidora | Team Xonotic | |||
Motor |
DarkPlaces (es) ![]() | |||
Plataforma | Microsoft Windows, MacOS y Linux | |||
Publicación | 8 setiembre 2011 | |||
Xéneru | disparos en primer persona | |||
Mou | multixugador, un xugador y duelu a muerte | |||
Preséu d'entrada | mur y tecláu | |||
Más información | ||||
Páxina web oficial | xonotic.org | |||
| ||||
![]() |
Xonotic (/zoʊˈnɒtɪk, ksoʊ-/)[1] ye un videoxuegu de disparos en primer persona gratuitu y de códigu abiertu[2]. Desendólcase como una biforcación de Nexuiz tres la polémica qu'hebo alredor d'esti últimu. El xuegu funciona sobro una versión permodificada del motor de Quake conocíu como DarkPlaces. El so estilu de xuegu inspírase n'Unreal Tournament y Quake pero con dellos elementos únicos.
Estilu de xuegu
[editar | editar la fonte]Hai 16 moos de xuegu estremaos en Xonotic qu'inclúin moos clásicos como toos escontra toos y captura de banderes. Pa desbloquiar más moos, los xugadores han completar niveles de xuegu estremaos, y pa puntuar, los xugadores han matar al enemigu usando armes futuristes al empar que completen los oxetivos. El xuegu ye perrápidu pola mor de que los xugadores son a movese a velocidaes altes y a saltar erráticamente. Mentanto que'l conceutu ta influyíu por otros xuegos del mesmu xéneru, hai dellos elementos únicos. L'énfasis ta na movición y les físiques, xunto con un focu na velocidá, saltos grandes y la dominación de la xeometría de los niveles. Esto faise con téuniques qu'inclúin saltos por desplazamientu llateral, saltos grandes, y saltos con cohetes. Les armes tienen habilidaes especiales como moos múltiples de disparu qu'aumenten les opciones táutiques disponibles de los xugadores.
El xuegu usa una estética futurista con mapes asitiaos n'entornos espaciales de teunoloxía moderna y funciona sobro'l motor DarkPlaces, polo que l'allumáu y solombres dinámiques xunto col bloom, mapeáu por paralaxe y HDR tán sofitaos. Los desendolcadores aseguren que la calidá gráfica ye comparable a un videoxuegu comercial que s'espublizare ente los años 2006 y 2007.[3]
Los xugadores tamién puen personalizar l'HUD acordies colos gustos individuales.[4]
Desendolcu
[editar | editar la fonte]![](http://178.128.105.246/cars-http-upload.wikimedia.org/wikipedia/commons/thumb/1/1b/Captura_del_men%C3%BA_de_Xonotic%2C_versi%C3%B3n_0.8.2autobuild.png/220px-Captura_del_men%C3%BA_de_Xonotic%2C_versi%C3%B3n_0.8.2autobuild.png)
En marzu de 2010 xurdió una polémica col xuegu orixinal Nexuiz que l'estudiu de videoxuegos IllFonic llicenció pa crear una versión comercial. El creador orixinal, Lee Vermeulen, fizo un alcuerdu secretu con una compaña conocida como IllFonic que s'apropió de la marca Nexuiz. De magar estos acontecimientos inesperaos pola comunidá y la mayoría de desendolcadores de Nexuiz, estos últimos prometieron crear una biforcación controlada d'una forma abierta pola comunidá.[5][6][7] Siete meses dempués aproximadamente, el códigu fonte espublizóse per git. Llanzóse una versión de previsualización el 23 d'avientu de 2010.[7][8]
La versión 0.5 llanzóse'l 8 de setiembre de 2011. Incorporaba'l sofitu de traducciones, siete mapes nueves, sofitu pa vehículos y ameyores n'armes xunto con otros cambeos.[9] De magar esta versión, l'equipu de Xonotic propunxo como oxetivu «crear el meyor xuegu FPS veloz y de códigu abiertu posible».[10]
El 8 de marzu de 2012 llanzóse la versión 0.6. Vieno col renderizáu de mapes de lluces sRGB, una interfaz nueva, cuatro mapes nuevos, un sistema d'estadístiques integráu (XonStats), un mou d'edición aisllada, y la carauterística tan esperada de ClientSide QuakeC (CSQC) networked players. Tamién s'iguaron fallos y se ficieron optimizaciones.[11]
El 8 de xunu de 2012 llanzóse la versión 0.7. Vieno col renderizáu de xugadores de llau del veceru, cuatro mapes nuevos y una reescritura completa del sistema de charra nel xuegu. Arriendes d'ello, l'equipu migró al compilador de QuakeC gmqcc que xenera ficheros más rápido y más optizaos.[12]
La versión mayor siguiente que s'espublizó del xuegu foi la 0.8 y llanzóse'l 16 de xineru de 2015. Inclúi, amás de munches coses, un arma nueva, monstruos, buffs y mapes nuevos.[13]
Tres d'eso, siguieron dos llanzamientos menores: la versión 0.8.1, que se llanzó'l 26 d'agostu de 2015[14] y la 0.8.2 el 1 d'abril de 2017.[15] Amestáronse mapes, estilos pal menú y carauterístiques de xuegu nuevos. Amás, refactorizóse'l códigu del xuegu.
Receición
[editar | editar la fonte]Phoronix allabanció los gráficos y los moos de xuegu de Xonotic, y declaró que'l xuegu yera "unu de los de códigu abiertu más vistosos visualmente pa [munches plataformes]". Larabel dixo, "Pa tar fechu pola comunidá de códigu abiertu y ensin el sofitu d'estudios desendolcadores grandes, Xonotic ye de lo meyor."[9][16] Xonotic tamién foi xulgáu como "the Best Free Multiplayer FPS Linux Can Muster" por Softpedia.[17] Falando de la comunidá de xugadores y desendolcadores del xuegu, About.com destacó, «adientrate nelli faite sentir parte de dalgo más grande qu'un videoxuegu.»[18] Linux Format esbilló a Xonotic n'abril de 2015 como «HotPick».[19]
Referencies
[editar | editar la fonte]- ↑ «Xonotic FAQ: How do you pronounce the name Xonotic?». Consultáu'l 2018-07-07.
- ↑ «Xonotic: Legal». Archiváu dende l'orixinal, el August 14, 2014. Consultáu'l 2013-05-08.
- ↑ Dan (2011-09-28). «Xonotic 0.5 – Free Shooter Based Off Nexuiz». TuxArena. Consultáu'l 2016-10-30.
- ↑ «Xonotic». LibreGameWiki (2015-09-26). Consultáu'l 2016-10-30.Plantía:Self-published source
- ↑ «Nexuiz Founder Licenses It For Non-GPL Use». Slashdot (2010-03-22). Consultáu'l 2016-10-30.
- ↑ «Nexuiz Related FAQs».
- ↑ 7,0 7,1 Larabel (2010-12-23). «A Xonotic Preview Release Comes For Christmas». Phoronix. Consultáu'l 2016-10-30.
- ↑ «Xonotic 0.1 Preview Released». Team Xonotic. 2010-12-23. http://xonotic.org/posts/2010/xonotic-0-1-preview-released/. Consultáu'l 2016-10-30.
- ↑ 9,0 9,1 Larabel (2011-09-08). «Xonotic, The Successor To Nexuiz, Is Primed». Phoronix. Consultáu'l 2016-10-30.
- ↑ «Xonotic 0.5 Release». Team Xonotic (2011-09-08). Consultáu'l 2016-10-30.
- ↑ «Xonotic 0.6 Release». Team Xonotic. 2012-03-08. http://xonotic.org/posts/2012/xonotic-0-6-is-now-available/. Consultáu'l 2016-10-30.
- ↑ «Xonotic 0.7 Release». Team Xonotic. 2013-06-08. http://xonotic.org/posts/2013/xonotic-0-7-release/. Consultáu'l 2016-10-30.
- ↑ «Xonotic 0.8 Release». Team Xonotic. 2015-01-16. http://xonotic.org/posts/2015/xonotic-0-8-release/. Consultáu'l 2016-10-30.
- ↑ «Xonotic 0.8.1 Brings New Maps, New Gameplay Features». Phoronix. 2015-08-26. https://www.phoronix.com/scan.php?page=news_item&px=Xonotic-0.8.1-Released. Consultáu'l 2016-10-30.
- ↑ «Xonotic 0.8.2 Release». Team Xonotic. 2017-04-01. http://xonotic.org/posts/2017/xonotic-0-8-2-release/. Consultáu'l 2017-04-01.
- ↑ Larabel (2012-04-11). «The Best Looking Open-Source Game?». Phoronix. Consultáu'l 2016-10-30.
- ↑ Stahie (2013-06-10). «Xonotic 0.7 Is the Best Free Multiplayer FPS Linux Can Muster». Softpedia. Consultáu'l 2016-10-30.
- ↑ Rankin. «5 Open Source First-Person Shooter Video Games». About.com. Consultáu'l 2016-10-30.
- ↑ Linux Format 196 April 2015 page 64