Deaxol (Capra falconeri)
Markhor deaxol ![]() Capra falconeri | |||||||||||||||
![]() | |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Volveydansok | Vertebrata | ||||||||||||||
Pula | Mammalia | ||||||||||||||
Volveypula | Theria | ||||||||||||||
Tolvolveypula | Eutheria | ||||||||||||||
Veem | Artiodactyla | ||||||||||||||
Yasa | Bovidae | ||||||||||||||
Volveyyasa | Caprinae | ||||||||||||||
oxi | |||||||||||||||
Capra | |||||||||||||||
Linnaeus, 1758 | |||||||||||||||
katca | |||||||||||||||
Capra falconeri | |||||||||||||||
Wagner, 1839
| |||||||||||||||
|
![](http://178.128.105.246/cars-http-upload.wikimedia.org/wikipedia/commons/thumb/a/ae/Capra_falconeri_map.gif/310px-Capra_falconeri_map.gif)
Deaxol (Capra falconeri), okon Markhor deaxol, tir tana moukolafa katca ke Capra oxi vey Bovidae yasa ( Caprinae volveyyasa ) ke ARTIODACTYLA veem.
Gan Wagner bak 1839 taneon zo pimtayar.
Pimtara
[betara | va krent betá]Markhor deaxol sotir kwaf deaxol blickis moe pistafa krimpa ke taltefa Himalaya rodega ise gu derdakoraf noleem is tibutaf yinaxot zo kagruper. Im va batakafa ik orikalerkafa uka dem lukoptafa ik lerkafa tcaza nedir. Va lukastam abrotcaf gu 20 cm- is yinaxotam vas 15 cm- moe epiteem is ault dere sodir.
Ton milbavusikany, mo gama ke aal gruticumackar.
Va werd is luc gimalestur : fayruxa is jotafa anga is toa is geilt.
Markhor deaxol ( Capra falconeri ) sotir tela logijafa govitafa deaxolinda. Noleem tir derdakoraf aname lya bro griaretlasiki icde lanyona apta. Dum jontikar deaxoldunol, rotorigit da kruldera tir griawisa kiren inafo katcaxo en tir tcastapafo is roidanafo.
Markhor deaxol tir tec prantaf deaxelol mafelaf gu cuisaf gem ke deaxolye. Fentugalon, bat gem tir abrotcaf is vaf keve ge is ast is berga is vatite eliweem. Lukast dere tir abrotcapaf. Lum ke cug-unaykaf noleem rotir vas cugon 1.6 m- ; kota nola sotir derdakorafa ; ota ke derdeem tir gedrafa kare apta. Tazuk ke nola gubeon tir vekoraf ok ukoraf.
Markhor deaxol koe meftava ke istefa Asia, male Uzbeka kale Barata blir. Inafo irubaxo tir gedrapafo, vome kima ke aala. Va arestafa krimpa is titsuyaf ecor is gurafa raporka is bist albar. Va kota ruxinda ( werd is webek is toa is jotafa anga is geilt ) malestur. Koe lanyona gola ( Kashmir ), nite ke fentugalafa malestusa vertuma dalon tir dem toa ke persa dace ontinapon rotebiduna. Markhor deaxol en tir gruticumanyas numen ticumason beno drim va gama tigisa arte 7 ik 8 m- vamoe sid rodevangir.
Seltafa grustara va Markhor deaxol tir milafa dam tela ke aryona deaxolinda. Neken milkava sye tir lopinafa, dem cugon tol-sanoy olkik. Bak kwanterugal, deaxolye va deaxolyatum kevlanir azen lan ardil zo inker. Kwantese deaxolye poke wasiesa sulemya zavzagir ise nesatason va lanyona pilkovafa anda vanikatcur.
Kira
[betara | va krent betá]- Veem : Artiodactyla
- Yasa : Bovidae
- Lum : upene vas 0.85 ik 1.0 m- ke deaxolye ; -olya tir lodomafa
- Aldo : 80 ik 100 kg- ke deaxolye ; 40 ik 45 kg- ke -olya
- Talgeem : 32 talga
- Nazbarugal : santoleaksat
- Ocagugal : 6 aksat
- Occek : 2
- Ikralukruca : 2 tanda ke deaxolya ; 4-5 tanda ke -olye
- Blirugal : 15 ik 20 tanda
Vexala dem apteem
[betara | va krent betá]Sedme Mammal Species of the World (siatos ke 2005), bata katca vas 3 apta ruldar :
- Deaxol (Capra falconeri falconeri) (Wagner, 1839)
- Deaxol (Capra falconeri heptneri) (Zalkin, 1945)
- Deaxol (Capra falconeri megaceros) (Hutton, 1842)
Pulasa vuestexa is xantaza
[betara | va krent betá]
- (en) vuest- : Mammal Species of the World (v- 3, 2005) : Capra falconeri (Wagner, 1839)
- (en) vuest- : CITES : Capra falconeri
- (en) vuest- : UICN : katca Capra falconeri (Wagner, 1839)
- (en, fr) vuest- : ITIS : Capra falconeri (Wagner, 1839)
- (en) vuest- : Tree of Life Web Project : Capra falconeri
- (en) vuest- : Catalogue of Life : Capra falconeri (Wagner, 1839)
- (en) vuest- : Paleobiology Database : Capra falconeri (Wagner, 1839)
- (en) vuest- : Animal Diversity Web : Capra falconeri
- (en) vuest- : NCBI : Capra falconeri
Ara vuestexa
[betara | va krent betá]- Deaxol (Capra falconeri) dene Wikispecies
Kotavafa vuestesa xantaza
[betara | va krent betá]- Kotava winugaf moukolaf ravlemak (Kotava, Latinava, 2019)
- Markhor deaxol dene www.europalingua.eu