Pogdol (Trichechus manatus)
Pogdol ![]() Trichechus manatus | ||
![]() | ||
giltafa pulara | ||
Bliind | Animalia | |
Dansok | Chordata | |
Volveydansok | Vertebrata | |
Pula | Mammalia | |
Volveypula | Theria | |
Tolvolveypula | Eutheria | |
Veem | Sirenia | |
Yasa | Trichechidae | |
oxi | ||
Trichechus | ||
Linnaeus, 1758 | ||
katca | ||
Trichechus manatus | ||
Linnaeus, 1758 | ||
|
![](http://178.128.105.246/cars-http-upload.wikimedia.org/wikipedia/commons/thumb/c/ca/Mapa_distribuicao_Trichechus.png/316px-Mapa_distribuicao_Trichechus.png)
Pogdol (Trichechus manatus) tir tana katca ke Trichechus oxi vey Trichechidae yasa ke SIRENIA veem.
Gan Linnaeus bak 1758 taneon zo pimtayar.
Pimtara
[betara | va krent betá]Karibaf pogdol ( Trichechus manatus ) sotir dunol vuwaf gu wekixol. Astaf pujekeem tir gijaf is dem kotceem. Sulem koe krimtaf mid lidam reca is narilt is aryona milafa voa ke bwaxo is levebwaxo talte Atlantika welfa blir. Koe Florida is Kariba bira is Mexika bira is mone lentefa krimta ke Geefa Amerika kale artexo ke Amazonas bost rotrasit.
Karibaf pogdol me nutir milkavafamaf ; fentugalon ton tum koe lava dile zo kakever lize yanka cugunaykon tir idulafa. Sye ton tolonga ok tumam blir ; logubefa tuwavafa gesia tir dem gadikya is oc. Oc koe mid zo vanaktar aze arti tanda zo ulkoyar kore mali konak aksat va delaf tor dere toz malestur.
Amazonas pogdol ( Trichechus inunguis ) is afrikaf pogdol ( Trichechus senegalensis ) tid toloya ara milkatcafa apta. Amazonas pogdol tir pinamaf loon dam karibaf pogdol, ise va lum vas mon 2.8 m- dir. Isk ke kotca bene pujek is pibuca ke alma is tira ke batakafa kretsapa keve eliweem ke aldo sotid adalafa kira. Koe idulaf mid soblir ise koe kuksaxo ke Amazonas bost isu Orinoco anton tigir. Afrikaf pogdol koe kuksa is krimtaf mid ke taltefa Afrika blir.
Kira
[betara | va krent betá]- Veem : Sirenia
- Yasa : Trichechidae
- Lum : varafe abrotce vas 3.4 m-
- Aldo : cugon 600 kg- ( 15-20 kg- ba koblira )
- Ocagugal : mon 13 aksat
- Occek : 1 ( vugviele 2 )
- Ikralukruca : 2 ik 4 tanda, vielu lum tir vas 2.6 m-
Vexala dem apteem
[betara | va krent betá]Sedme Mammal Species of the World (siatos ke 2005), bata katca tir aptiskafa.
Pulasa vuestexa is xantaza
[betara | va krent betá]
- (en) vuest- : Mammal Species of the World (v- 3, 2005) : Trichechus manatus (Linnaeus, 1758)
- (en) vuest- : CITES : Trichechus manatus
- (en) vuest- : UICN : katca Trichechus manatus (Linnaeus, 1758)
- (en, fr) vuest- : ITIS : Trichechus manatus (Linnaeus, 1758)
- (en) vuest- : Tree of Life Web Project : Trichechus manatus
- (en) vuest- : Catalogue of Life : Trichechus manatus (Linnaeus, 1758)
- (en) vuest- : Paleobiology Database : Trichechus manatus (Linnaeus, 1758)
- (en) vuest- : Animal Diversity Web : Trichechus manatus
- (en) vuest- : NCBI : Trichechus manatus
Ara vuestexa
[betara | va krent betá]- Pogdol (Trichechus manatus) dene Wikispecies
Kotavafa vuestesa xantaza
[betara | va krent betá]- Kotava winugaf moukolaf ravlemak (Kotava, Latinava, 2019)
- Pogdol dene www.europalingua.eu
![]() |
![]() | ||||
---|---|---|---|---|---|
Wekixol (Dugongidae) ⇒ Wekixol (Dugong) • Wekixol (Hydrodamalis) | Pogdol (Trichechidae) ⇒ Pogdol (Trichechus)
|