Co İnqles
Co İnqles ing. Joe Ingles | |
---|---|
![]() | |
Mövqeyi | qısa hücumçu[d] |
Boyu | 203 sm |
Çəkisi | 98 kq |
Vətəndaşlığı | |
Doğum tarixi | 2 oktyabr 1987 (36 yaş) |
Doğum yeri | |
![]() |
Co İnqles (əsl adı: ing. Joseph Howarth; d. 2 oktyabr 1987; Adelaida, Cənubi Avstraliya) — Atıcı və mərkəz mövqelərində oynayan Avstraliyalı basketbolçudur. Hal-hazırda NBA komandalarından "Yuta Caz"da oynayır. İngilis əsillidir. Solaxay olan basketbolçu mərkəzdə oynamasına baxmayaraq atıcılıqda çox məşhurdur. 2,3 metr boyu və 98 kq (217 Ib) çəkisi olan İnqles Avstraliya milli komandasının ən dəyərli oyunçularından biridir. Milli komandası ilə birlikdə 2009-cu ildə gümüş, 2011-ci ildə FİBA Okeaniya Çempionatında qızıl medal qazanmışdır.
İlk illəri
[redaktə | mənbəni redaktə et]Co İnqles universitet karyerası ərzində Kanberra şəhərində olan Lake Ginninderra kollecində basketbol oynayıb. Daha sonra göstərdiyi oyunlarla əlaqədar maraqları qazanan uğurlu oyunçu kollec karyerasını bitirdikdən sonra Avstraliya 1. liqasında "Cənub Əjdahalar" tərəfindən seçildi.
Peşəkar karyerası
[redaktə | mənbəni redaktə et]İnqles peşəkar karyerasına 2006-cı ildə "Cənub Əjdahalar" komandası ilə başladı. İnqles 18 yaşı olarkən əjdaha forması geyindiyi ilk oyununda 15/11 isabətilə 29 top ataraq NBL-da ilk oyununda ən çox top atan avstraliyalı oyunçu oldu. Avstraliya basketbolçu NBL-da keçirtdiyi ilk mükəmməl mövsümündə 2007 NBL İlin Ən Yaxşı Yeni Oyunçusu mükafatını qazandı.[1] Həmçinin 2008–2009 mövsümündə komandası ilə basketbol liqası çempionu olmuş və ilin ən yaxşı 5 oyunçusu arasında yer almışdır.
![](http://178.128.105.246/cars-http-upload.wikimedia.org/wikipedia/commons/thumb/f/f1/Joe_Ingles.jpg/240px-Joe_Ingles.jpg)
30 iyun 2009-cu ildə o, Las-Veqasda təşkil ediləcək 2009 NBA Yaz Liqasında "Qolden Steyt Uorriorz" komandası ilə oynamayacağını açıqladı.[2] Ancaq 1 il sonra, 2010-cu ildə "Qolden Steyt Uorriorz" forması ilə 2010 NBA Yaz Liqasında mübarizə aparmışdır.[3]
İnqles 2009-cu ildə "Qranada" komandasına transfer olmuş və 3 illik müqavilə imzalamışdır. 2009–2010-cu ildə komandanın lideri olmuş və keçirtdiyi 34 qarşılaşmanı 11.1 xal 2.4 asist 4.3 ribaund 1.1 top ilə bitirmişdir[4].
Avstraliyalı basketbolçu 2010–2011 mövsümündə yaralanan Qianluca Basiledəki boşluğu doldurmaq istəyən İspaniya nəhəng komandası "Barselona"ya transfer oldu və komanda ilə 3 illik müqavilə imzaladı.[5][6] Avstraliya basketbolçu 2010–11 mövsümündə orta hesabla 5.0 xal, 1.1 ribaund və 1.2 asist ilə oynayıb.[4] 30 noyabr 2012-ci ildə "Beşiktaş" ilə oynanan Avroliqadə yüksək göstərici ilə oynayıb və karyera rekordunu qırıb. Komandanın ən yaxşı basketbolçu olub və qalibiyyətlərində mühüm bir rol oynayıb. İnqles 2013-cü ilin iyun ayında "Barselona" ilə müqavilənin sonunda komandadan ayrılmağa qərar verdi.[7]
24 avqust 2013 tarixində İsrail basketbol liqası komandalarından "Makkabi Tel-Əviv" ilə illik 1 milyon dollar qarşılığında 1+1 illik kontrakt imzaladı.[8]
Milli komanda
[redaktə | mənbəni redaktə et]İnqles 2007–08 mövsümündə Pekində təşkil edilən 2008 Yay Olimpiya oyunlarında hələ 18 yaşında olarkən karyerasında ilk dəfə Avstraliya milli komandasına dəvət edildi. Xüsusi ilə özləri üçün son oyunda 116–85 məğlub olduqları oyunda NBA-da oynama şansını zədələmədi. Həmçinin avstraliyalı basketbolçu Türkiyədə təşkil edilən 2010 FİBA Dünya Basketbol Çempionatında milli komanda heyətində yer aldı. Turnirdə 6.4 xal 4.0 asist ilə oynamışdır.
İnqles milli komandası ilə birliktə FİBA Okeaniya Çempionatı 2009-cu ildə gümüş, 2011-ci ildə qızıl medal qazanmışdır. 2012 Yay Olimpiya Oyunlarında milli komandanın formasını geyinmiş və forma geyindiyi 6 qarşılaşmada 15 xal 5 ribaund 4.2 asist ilə oynayaraq Peti Milsdən sonra komandanın ən yaxşı oyunçusu olmuşdur.
Mükafatları
[redaktə | mənbəni redaktə et]Cənub Əjdahalar
[redaktə | mənbəni redaktə et]- Avstraliya Basketbol Liqası (2008–2009)
- İspaniya Basketbol Liqası (2010–2012)
- İspaniya kuboku (2011, 2013)
- İspaniya kral kuboku (2010, 2011)
Fərdi
[redaktə | mənbəni redaktə et]- Avstraliya basketbol liqası (2007)
- Avstraliya basketbol liqası "Ən çox top atan basketbolçu" (2007)
- Avstraliya basketbol liqası "Ən yaxşı 5 oyunçudan biri" (2008)
İstinadlar
[redaktə | mənbəni redaktə et]- ↑ "Joe Ingles – andthefoul.net". 2013-10-29 tarixində orijinalından arxivləşdirilib. İstifadə tarixi: 2018-04-01.
- ↑ "Squad To Play Five Games At NBA Summer League In Las Vegas". 2013-05-30 tarixində arxivləşdirilib. İstifadə tarixi: 2018-04-01.
- ↑ "NBA Summer League Rosters – Vegas". 2015-10-21 tarixində arxivləşdirilib. İstifadə tarixi: 2018-04-01.
- ↑ 1 2 "Ingles carrer stats". 2013-10-29 tarixində orijinalından arxivləşdirilib. İstifadə tarixi: 2018-04-01.
- ↑ "Barcelona gives Joe Ingles shot at big time". 2011-06-15 tarixində orijinalından arxivləşdirilib. İstifadə tarixi: 2018-04-01.
- ↑ "Regal FC Barcelona lands Joe Ingles". 2013-10-29 tarixində arxivləşdirilib. İstifadə tarixi: 2018-04-01.
- ↑ "Joe Ingles won't return to FC Barcelona". Sportando.net. 2013-10-29 tarixində arxivləşdirilib. İstifadə tarixi: 1 aprel 2018.
- ↑ "Maccabi Tel Aviv announced Joe Ingles". Sportando.net. 24 iyul 2013. 2013-10-29 tarixində arxivləşdirilib. İstifadə tarixi: 1 aprel 2018.