Konqo DR bayrağı
Konqo DR bayrağı | |
---|---|
![]() |
|
Təfərrüatlar | |
Proporsiya | 3:4[1] |
![]() |
Konqo Demokratik Respublikası bayrağı (fr. Drapeau de la République démocratique du Congo) — Afrikada yerləşən müstəqil dövlət Konqo Demokratik Respublikasının dövlət bayrağı. Bayraq mavi fonda yerləşən sarı beşguşəli ulduzdan və bayrağı dioqanal kəsən sarı cizgili qırmızı xətdən ibarətdir. Bayraq 20 fevral 2006-cı ildə qəbul olunub. 2005-ci ilin dekabrında təsdiqlənmiş yeni konstitusiya 1963-1971-ci illərdə istifadə olunmuş bayrağa çox oxşar bu bayrağın istifadə edilməsinə dəstəkləyib. 1963-1971-ci illərdə istifadə olunmuş bayraq ilə yeni bayraq arasındakı fərq yeni bayraqda göy rəngin daha açıq olmasıdır. Bayraqda göy rəng sülhü, qırmızı ölkə uğrunda ölən şəhidlərinin qanını, sarı rəng ölkənin zənginliyini, sarı ulduz isə ölkənin işıq saçan gələcəyini simvolizə edir.[2]
Əvvəlki bayraqlar
[redaktə | mənbəni redaktə et]Bundan əvvəlki bayraq 2003-cü ildə qəbul olunub və bu bayraq 1960-1963-cü illərdə istifadə olunana çox bənzəyir. Bayraq Kral Leopoldun Beynəlxalq Afrika Assosasiyası üçün 1877-ci ildə istifadə etdiyi bayraq əsasında yaradılıb. II Leopoldun Berlin konfransında Konqo Müstəqil Dövlətinin yaradıldığını bildirdikdən sonra bu bayraq Konqo üçün istifadə olunmağa başlanıb. Konqo 30 iyun 1960-cı ildə Belçikadan müstəqillik qazananda da, yeni qəbul edilmiş bayraqda əvvəlki bayrağın cizgiləri saxlanıldı. Bu bayraq isə 1963-cü ilə qədər istifadə olundu.
Konqo krizisində Mobutu Sese Sekonun hakimiyyətə çıxmasından sonra indiki bayrağa çox bənzər bayraq qəbul edilib. İndikindən fərqli olaraq bu bayraqda ulduz daha kiçik, göy rəng daha tünd və qırmızı xətt daha nazik idi. Qırmızı rəng qanı, sarı rəng firavanlığı, göy rəng ümidi, ulduz isə birliyi təmsil edirdi. Ölkənin adının Zair olmasından sonra bu bayrağın əvəzinə yaşıl fonun mərkəzində sarı dairə olan və dairənin içində məşəl tutan qolun təsvir olunduğu tamamilə başqa bayraq qəbul olundu. Bu bayraq isə Birinci Konqo müharibəsinə qədər istifadə olundu.
Rənglər
[redaktə | mənbəni redaktə et]Rəng | HTML | Mənası |
---|---|---|
Mavi | #007FFF | Sülh |
Qırmızı | #CE1021 | Şəhid qanı |
Sarı | #F7D618 | Zənginlik |
Qalereya
[redaktə | mənbəni redaktə et]-
Belçika Konqosu bayrağı[3]
-
Zair bayrağı (1971-1997)
-
İndiki bayraq
İstinadlar
[redaktə | mənbəni redaktə et]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- ↑ "Construction sheet". 2023-07-25 tarixində arxivləşdirilib. İstifadə tarixi: 2015-08-28.
- ↑ "News story about the change". 2012-04-06 tarixində arxivləşdirilib. İstifadə tarixi: 2015-08-28.
- ↑ "www.crwflags.com". 2021-11-30 tarixində arxivləşdirilib. İstifadə tarixi: 2015-08-28.
Xarici keçidlər
[redaktə | mənbəni redaktə et]- Konqo DR Flags of the World saytında