Oğlanlar (teleserial, 2019)
Naviqasiyaya keç
Axtarışa keç
Oğlanlar | |
---|---|
The Boys | |
![]() | |
![]() Serialın birinci mövsümünün təbliğat afişası | |
Janr |
Superqəhrəman Qara yumor |
Əsaslanır |
Qart Enis və Darik Robertsonun "The Boys" komiks seriyası |
İlk baxış tarixləri | 26 iyul 2019 |
Prodüser | Hartli Qorenşteyn |
Yaradıcısı | Erik Kripke |
Rollarda |
|
Yaş reytinqi | +18 |
Bəstəkar | Kristofer Lennertz |
İstehsalçı ölkə |
![]() |
İl | 2019 |
Studiya |
Sony Pictures Television Amazon Studios Kripke Enterprises Point Grey Pictures Original Film Kickstart Entertainment KFL Nightsky Productions |
Dil | ingiliscə |
Rəng | rəngli |
Mövsüm sayı | 4 |
Seriya sayı | 32 |
Seriya vaxtı | 55-66 dəq.[1] |
Davametmə müddəti | 60 dəq. |
Telekanal | Prime Video |
IMDb | ID1190634 |
primevideo.com/detail/0K… | |
![]() |
Oğlanlar (ing. The Boys) - Qart Enis və Darik Robertsonun eyni adlı komiks seriyası əsasında istehsal edilən superqəhrəman veb-serialı. Erik Kepke tərəfindən Prime Video üçün yaradılan serialda, superqəhrəmanlara qarşı mübarizə aparan "Oğlanlar" adlı dəstənin macəralarından bəhs edilir.
Serialın premyerası 26 iyul 2019-cu ildə baş tutmuş[2] və qısa müddət sonra Amazon, serialın ikinci mövsümünün istehsal ediləcəyini açıqlamışdır.[3]
Aktyor və personajlar
[redaktə | mənbəni redaktə et]Əsas Heyət
[redaktə | mənbəni redaktə et]"Oğlanlar" dəstəsi
[redaktə | mənbəni redaktə et]- Billi "Qəssab" Butçer (Karl Urban) — "Oğlanlar" dəstəsinin lideri. Xarizmatik və sarkastik olan Butçer məqsədinə çatmaq üçün bütün vasitələrdən istifadə etməyə hazırdır. Məharətlə insanlarla manipulyasiya edə bilsə də, alicənablıqdan da məhrum deyildir. Superqəhrəmanlara nifrət edir, Patriotu isə həyat yoldaşı Bekkinin ölümündə günahlandırır. Dinlə bağlı sərt mövqeyə malikdir. Birinci mövsümün sonunda Bekkinin sağ olduğunu və Patriotdan dünyaya gətirdiyi uşağı böyütməklə məşğul olduğunu öyrənir.
- Hyu "Hyui" Kempbell (Cek Kueyd) — Sevgilisi Robinin A-Qatar adlı superqəhrəmanla toqquşma nəticəsində ölməsindən sonra "Oğlanlar"a qoşulmuş gənc adam. Birinci mövsüm boyunca panika hücumundan əziyyət çəksə də, mövsümün sonunda artıq bu əziyyətdən xilas ola bilir. Mehriban və səmimi oğlandır. Qəddar hərəkətlərdən uzaq durmağa çalışsa da, lazım olduqda özünü ələ ala bilir. Ona Robinin ölümünü qəbul etməy kömək etmiş Starlaytla münasibətlərini inkişaf etdirir.
- Marvin/Ana südü (Laz Alonso) — "Oğlanlar" dəstəsinin üzvü. Həbsxanada nəzarətçi işləyən qaradərili Marvinin böyük ürəkli və böyük cüssəlidir. Fransıza qarşı aqressiv olan Mervin, onu Mellorinin nəvələrinin ölümündə günahlandırır. Qəssabın etibar etdiyi şəxsdir.
- Fransız/Frençi (Tomer Kapon) — "Oğlanlar" dəstəsinin üzvü. Silahlar üzrə mütəxəssisdir, kimya sahəsində biliklərə malikdir. Uşaq vaxtı bipolyar pozğunluqdan əziyyət çəkən atası onu qaçırdaraq əziyyət verib və yuxuda ikən yastıqla boğmağa çalışıb. İlk gündən Qadına kömək etməyə çalışır və onu tərk etməyə qarşı çıxır. Butçer ona 300 000 dollar borcludur. Hyuiyə yaxşı münasibət göstərir.
- Kimiko/Qadın (Karen Fukuhara) — "Oğlanlar" dəstəsinin üzvü. Əvvəllər məcburən terror qruplaşmasında iştirak edib, qardaşını həmin dəstədən çıxarmağı arzulayır.Sakit, lakin aqressic olan Kimiko yalın əli ilə silahlı adamı öldürməyə qadirdir. Regenerasiya qabiliyyətinə, güc və döyüş texnikasına malikdir. Ancaq Fransıza etibar edir və özünə toxunmağa icazə verir.
"Yeddi" komandası
[redaktə | mənbəni redaktə et]![](http://178.128.105.246/cars-http-upload.wikimedia.org/wikipedia/az/thumb/3/32/Yeddi_komandas%C4%B1_O%C4%9Flanlar_serial%C4%B1nda.jpg/300px-Yeddi_komandas%C4%B1_O%C4%9Flanlar_serial%C4%B1nda.jpg)
- Vətənpərvər/Con (Entoni Starr) — Yeddi komandasının lideri və dünyanın ən güclü superqəhrəmanıdır. Uça bilir, qeyri-insani gücə malikdir, gözündən lazer şüası ilə atəş açır. Özünü xoş xasiyyətli kimi göstərsə də, əslində maniakal sosiopatdır. Uşaqlığından laboratoriya şəraitində, valideyn qayğısından uzaqda böyüdüldüyünə görə, bir sıra psixi zədələrə malikdir. Edip kompleksindən əziyyət çəkir.
- Starlayt/Enni Cenyueri (Erin Moriarti) — Yeddi komandasının yeni üzvü olan qadın superqəhrəman. Vücudundan parlaq işıq çıxarır. Bir çox kolleqalarından fərqli olaraq həqiqətən də insanlara kömək etməyi arzulayır. Birinci mövsüm ərzində Hyui ilə sevgi əlaqəsi inkişaf etdirir və mövsümün sonunda onu, Qatar-A-dan xilas edir.
- Kraliça Meyv (Dominik Makelliqott) — Yeddi komandasının ən köhnə üzvlərindən biri, nüfuzuna görə, Vətənpərvərdən sonra ikincidir. Biseksualdır. Əsasən gəlir və məşhurluğa görə superqəhrəmanlıqla məşğul olsa da, mehriban qəlbə malikdir. Əvvəl Vətənpərvərlə romantik münasibəti olub. Fiziki baxımdan fövqəlgücə malik və məğlubedilməzdir. Terroristlər tərəfindən ələ keçirilmiş təyyarənin sərnişinlərini xilas edə bilmədiyinə görə depressiyaya düşür. Starlaytı öz müdafiəsi altına götürür.
- Qatar-A (Cessi T. Aşer) — Yeddi komandasının üzvü. Çətin uşaqlığı olub. Fövqəlinsan sürətinə malikdir və dünyanın ən sürətli insanıdır. Birinci mövsümün əvvəlində təsadüfən Hyuinin sevgilisi Robini öldürür. "Vought International" tərəfindən titulunu itirəcəyi halda komandadan uzaqlaşdırılacağı ilə hədələndikdən sonra, supergücləri artıran "V" adlı narkotik maddə qəbul etməyə başlayır. Popklou adlı superqəhrəman qadınla romantik münasibəti olsa da, "Vought International"ın göstərişi ilə onu öldürməli olur. Buna hörə Hyuini cəzalandırmaq istəsə də, Starlayt tərəfindən qarşısı alınır.
- Dərinlik/Kevin (Çeys Krouford) — Yeddi komandasının özünü "Dənizlərin kralı" elan etmiş üzvüdür. Fiziki olaraq güclüdür, su altında nəfəs ala bilir və sürətlə üzür. Dəniz canlılarını anlayır, lakin, zəif özünüqiymətləndirmədən əziyyət çəkir və buna görə axmaq hərəkətlər edir. Birinci mövsümün əvvəlində komandada yer alması üçün Starlaytı oral seksə məcbur etsə də, sonradan peşman olur. Qara Nuar və Kraliça Meyv xaric bütün komanda üzvləri onu faydasız hesab edir və dəniz canlıları ilə danışmaq bacarığını ələ salırlar. Buna baxmayaraq yaxşı insan olmağa çalışır. Təbiət müdafiəçisidir, xüsusilə delfinlərin müdafiəsini təbliğ edir. Cazibədar xarici görünüşü və sosial aktivliyinə görə, Starlaytın ictimai açıqlamasından əvvəl sevilən superqəhrəman olur. Birinci mövsümün sonunda depressiya və özünənifrət hissindən əziyyət çəkir.
- Qara Nuar (Natan Mitçell) — Yeddi komandasının üzvü, qara geyimli sakit superqəhrəmandır. Yaxşı hazırlıqlı əsgərdir. Təkbətək döyüşdə asanlıqla Qadını məğlub edir ki, bu da onun fiziki hazırlıq səviyyəsini göstərir. Döyüş zamanı bıçaqlardan istifadə etməyə üstünlük verir. Dilli alətlərdə ifa edir və Yaponiya mədəniyyəti ilə maraqlanır.
- Şəffaf (Aleks Hessell) — Yeddi komandasının üzvü. İstədiyi vaxt dərisi karbon tərkibli xüsusi maddə ifraz edir və həmin maddə sayəsində gözəgörünməz olur. Bu vəziyyətdə ona yalnız elektrik enerjisi təsir edir. Oğlu var. Gözəgörünməz olaraq daima insanları izləyir və çoxlu sirlər bilir. "Oğlanlar"ın ilk qurbanı olur.
"Vought" korporasiyası
[redaktə | mənbəni redaktə et]- Medelin Stiluel (Elizabet Şu) — "Vought International"ın vitse-prezidenti. Yeni doğulmuş uşağı var və hər vasitə ilə onu qorumağa çalşır. Vətənpərvər uşaqdan Medelinə qarşı istifadə edir. Birinci mövsümün sonunda Vətənpərvər tərəfindən öldürülür.
İkinci plan heyəti
[redaktə | mənbəni redaktə et]- Syuzen Reynor (Cennifer Espozito) — FTB direktorunun müavini. Qəssab ilə gərgin münasibətləri var.
- Hyu Kempbell (Saymon Peqq) — Hyuinin atası. Birinci mövsümün sonuna kimi oğlunu ciddi qəbul eləmir. Hyuinin xahişi ilə FTB tərəfindən təhlükəsiz yerdə gizədilir.
- Bekka Butmer (Şantel VanSanten) — Qəssabın həyat yoldaşı. Serialdakı hadisələrin başlamasından əvvəl yoxa çıxıb.
İstinadlar
[redaktə | mənbəni redaktə et]- ↑ "The Boys". Amazon. 2019-07-02 tarixində arxivləşdirilib. İstifadə tarixi: 11 avqust 2019.
- ↑ Petski, Denise. "'The Boys' Trailer: First Look At Amazon's Superhero Drama Series". Deadline Hollywood. April 17, 2019. April 17, 2019 tarixində arxivləşdirilib. İstifadə tarixi: 11 avqust 2019.
- ↑ Petski, Denise. "'The Boys' Renewed For Season 2 By Amazon; Aya Cash Closes Deal As Stormfront". Deadline Hollywood. July 19, 2019. July 19, 2019 tarixində arxivləşdirilib. İstifadə tarixi: 11 avqust 2019.
Xarici keçidlər
[redaktə | mənbəni redaktə et]- Oğlanlar — Internet Movie Database saytında