Kobér Argéntina

Républik Argéntina
Pemakaian	Kobér nasional; kobér kapal negara miwah perang
Perbandingan	5:8
Kaanggen	27 Pébruari 1812 (sujati), 1861 (soroh mangkin), Nopémber 2010 (standardisasi)
Rancangan	Tritipa ngandang mawarna pelung nguda (duur lan sor) lan putih antuk Surya Méi ring tengah pita putih.
Perancang	Manuel Belgrano
	Soroh Kobér Républik Argéntina
Pemakaian	Kobér miwah kobér kapal sipil
Perbandingan	5:8 or 9:14
Kaanggen	27 Pébruari 1812
Rancangan	Triband ngandang mawarna pelung nguda (duur lan sor) lan putih (tengah)
Perancang	Manuel Belgrano

Kobér nasional Républik Argéntina, ketah kasengguh dados Kobér Argéntina (Spanyol: bandera argentina), inggih punika triband, kawangun antuk tiga pita ngandang sané pateh linggah nyané mawarna pelung nguda lan putih. Wénten makudang-kudang interprétasi indik alasan warna-warna punika. Kobér puniki kakaryanin olih Manuel Belgrano, manut ring pakaryan Kokade Argéntina, lan kapertama kaunggahang ring kota Rosario duk tanggal 27 Pébruari 1812, duk warsa Yuda Kamahardikaan Argéntina. Memorial Kobér Nasional salantur nyane kawangun ring situs punika. Triumvirat Kapertama nénten ngresepang kawigunan kobér, nanging Asamblea del Año XIII ngicenin kawigunan kobér pinaka kobér yuda. Salanturné inggih punika Kongrés Tucumán sané pamuputné netepang pinaka dados kobér nasional, saking warsa 1816. Warna kuning Surya Méi kawewehin saking pusat saking warsa 1818.

Kobér jangkep sané ngenahang surya kasengguh Kobér Upacara Resmi (Spanyol: Bandera Oficial de Ceremonia). Kobér tanpa surya kaanggep dados Kobér Hias (Bandera de Ornato). Yadiastun makakalih versi punika pateh kabaos kobér nasional, soroh hias mangda setata kaangkat ring sor Bendera Upacara Resmi. Ring istilah vexillologi, Kobér Upacara Resmi inggih punika bendera sipil, negara, lan yuda lan ensign, nanging Kobér Hiasan inggih punika kobér sipil lan kobér alternatif. Wénten kontrovérsi indik warna sané sujati saking kobér kapertama pantaraning palelintihan lan warih Manuel Belgrano pantaraning warna pelung lan pelung nguda.

Puniki silih sinunggil saking limang kobér sané nganggén rasio 5:8, sané lianan inggih punika Guatemala, Palau, Polandia, lan Swédia.