Chanukka
![](http://178.128.105.246/cars-http-upload.wikimedia.org/wikipedia/commons/thumb/5/5a/Hanuka-Menorah-by-Gil-Dekel-2014.jpg/220px-Hanuka-Menorah-by-Gil-Dekel-2014.jpg)
Chanukka, aundare Schreibweisn: Hanukkah oda Chanukkah, boar. Liachtafest, (hebräisch חֲנֻכָּה /חנוכה [xanʊˈkaː] Chanukka?/i; Weich, Eihweichung) is a jidisches Festl, wos jeds Joah im Dezemba gfeiad wiad und 8 Dog laung dauat. Des Fest is a Aundenkn aun de Wiedaeihweichung vaum zweitn Tempe in Jerusalem im Joah 164 v. Kr. Aufaunga duads aum 25. Dog vaum Monat Kislew (Novemba/Dezemba).
De Liachta vau da Menora, in siemoamign Leichta (dea oft nein Oame hod), haum im Tempe nia ausgeh deafn. Zua Zeid vau da Wiedaeihweichung vom zweitn Tempe hods Kriag mid de Seleukidn gem. Des Öö fia de Liachta hod nua no fia aan Dog greicht. Wia duach a Wunda haum de Liachta owa trotzdem 8 Dog laung brennt, bis a neichs Öö gweicht wuan is. Beim Liachtafest wiad im Aundenkn do drau, mid aan Liachtal augfaungt und jedn Dog kummt a weidas dazua. Ois Öö wiad meistns Olivnöö vawendt sowia in da uaspringlichn Menora im ehemolign Tempe.
Brauchtum
[Werkeln | Am Gwëntext werkeln]Des Festl wiad vua oim dahaam gfeiad, mid da Famülie und mid Freindn. De Liachta wean jedn Omd auzindt. Daun wean Hanukkah Liada gsungan, vua oim es Maos Zur. De Kinda griang Gschenke und Noscharein. Gspüüd wiad traditionö midn Dreidl (jidisches Drahdiwawal).
Essn gibts aus da traditionöön jidischn Kuchl, vua oim aus Öö bochane Speisn, oiso Frittiads. Des dainnad ans Öö fia de Ööliachtal im Tempe.
-
Latkes bzw. Lewivot (klaane Raiwadadschi)
-
Sufganiyah (jidische Kropfn)
Termin vom Festl
[Werkeln | Am Gwëntext werkeln]Termin im gregorianischn Kalenda (in Klauman de jidischn Joahreszoin):
- 2016 (5777): 25. Dezemba 2016 bis 1. Jenna 2017
- 2017 (5778): 12. bis 20. Dezemba 2017
- 2018 (5779): 2. bis 10. Dezemba 2018
- 2019 (5780): 22. bis 30. Dezemba 2019
- 2020 (5781): 10. bis 18. Dezemba 2020
- 2021 (5782): 29. Novemba 2021 bis 6. Dezemba 2021
- 2022 (5783): 19. bis 26. Dezemba 2022
Im Netz
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- talmud.de: Chanukkah – Das Lichterfest
- de.chabad.org: Chanukka (Seite nicht mehr abrufbar; Suche in Webarchiven)
- Jüdisches Bildungszentrum Karlsruhe: Chanukkaliada
- J. Jean Ajdler: The Order of Lighting the Hanukkah Candles: The Evolution of a Custom and the Influence of the Publication of the Shulhan Arukh; in: Hakirah 7 2009, S. 205–226 (pdf; 276 kB)