Kufstoa
Der Artikl is im Dialekt Tirolarisch (Untalond) gschriem worn. |
Kufstoa Kufstein | ||
![]() |
| |
Basisdatn | ||
---|---|---|
Bundeslond: | Tiroi | |
Flächn: | 39,37 km² | |
Koordinatn: | Koordinaten: 47° 35' N, 12° 10' O 47° 35' N, 12° 10' O | |
Höhe: | 504 m i. A. | |
Inwoner: | 19.930 | |
Bevölkerungsdichtn: | 506 Inwoner pro km² | |
Sunschtige Datn | ||
Poschtloatzol: | 6330 | |
Vurwol: | 05372 | |
Gmeindevawoltung: | Unterer Stadtplatz 22 6330 Kufstoa | |
Websaitn: | ||
Politik | ||
Birgermoaschter: | Martin Krumschnabel (Die Parteifreien) | |
Loge vun da Bezirkshauptstådt Kufstoa Kufstein | ||
![]() |
Kufstoa (åmtlich: Kufstein) is a Stådtgmoa in Tiroi, knåpp a da Grenzn zum Freistååt Bayern, und is da Vawåitungssitz vom Bezirk Kufstoa. Sie ligg im Untainntoi und is mid 19.930 Einwohnan (01.01.2023) de zwoatgrässte Stådt vo Tiroi hinta da Låndeshauptstådt Innschbrugg.
Geografie
[Werkeln | Am Gwëntext werkeln]Låg
[Werkeln | Am Gwëntext werkeln]De Stådt ligg auf åi zwoa Seitn vom Inn auf knåpp 500 Meta üwan Mea. Z'findtn is' am Ausgång vom alpinen Inntåi und is gråd a påår Kilometa wekk vom boarischn Åipnvoalånd.
Im Stådtgebiet gehn an Haufn Bäch in an Inn eini, wia zum Beispüü de Weißåchn, im Sidn da Kaisabåch, da Mitterndorfabåch, da Kienbåch und da Kreizbåch.
Stådttoala
[Werkeln | Am Gwëntext werkeln]Kufstoa låsst si in fünf Stådttoala gliedan:
- Endach
- Sparchen
- Weissach
- Zell
- Zentrum
Nåchbårgmoana
[Werkeln | Am Gwëntext werkeln]Ebbs, Ellmau, Kiefasfödn, Kirchdorf in Tiroi, Långkåmpfn, Scheffau am Wüdn Kaisa, Schwoich, Söll, Thiasee
Bevölkarung
[Werkeln | Am Gwëntext werkeln]In Kufstoa lem deazeit meara wia 19.000 Menschn und zwischn 1991 und 2001 is de Bevölkarung um 14 % gstiing, deazeit um etwa 1 % jealich. Im Groaßraum Kufstoa lem rund 45.000 Menschn.
In Kufstoa wead a westmiddlboarischa Dialekt gsprochn, dea si relativ stårch vom Innschbrugga Dialekt untascheidet.
Kuitua und Sengswiadigkeitn
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/c/cc/Festung_kufstein.jpg/220px-Festung_kufstein.jpg)
Sengswiadigkeitn
[Werkeln | Am Gwëntext werkeln]- As bedeitenste und bekånnteste Bauwerk is de Festung Kufstoa aufn 90 Meta hoachn Festungsbeag im Zentrum da Stådt, de im 13. Jåhrhundat zum easchtn Måi awähnt woan is. Im 18. Jåhrhundat wäarend da Besatzungszeit nåchm Zwoatn Wödkriag håt sie vor ållem als Gfängnis diant.
- Die stådtweit horchbåre Heldnorgl auf da Festung Kufstoa is de greaßte Freiorgl da Wöd.
- Die Burgruine Thierbeag und as Schloss Hohenstaffing befindn si aufn Thierbeag.
- Teile da Oidstådt, vor ållem a as Rathaus mit de Woppn da Tirola Städte Innschbrugg, Stearzing, Imscht, Vils, Lianz, Råttnberg, Brixn, Bruneck, Schwåz, Klausen, Kitzbichi, Glurns, Bozn, Låndeck, Meran, Hall unta da Gieblspitze Kufstoa.
- Da barocke Turm da St. Vitus-Kirchn.
- In da gånzn Stådt gibs vüü Denkmäla, zum Beispüü des vom Friedrich List.
- Im Jåhr 1998 is de Innschifffåhrt wiedaeigfüaht woan, de vom Fischergries üba Kiefasfödn, Ebbs und Niedandoaf bis nåch Obaaudoaf in Bayern fiat. Es is plant woan, de Linie bis nåch Rosnheim z'valängan, des is jedoch wegn an dazwischnliegendn Kråftweak und den manglndn Passagierzåin, de im Summa 2010 sogoa fi de Diskussion fi de Eistöung gsorgt håm, sea schwiarig.
Musi
[Werkeln | Am Gwëntext werkeln]As Kufstoaliad, des im Jåhr 1947 vom Karl Ganzer gschrim woan is, is as wödweit meistgsunngenne und as meistvakaffte Volksliad. As Liad håt da Stådt an Nåm Di Peale Tirouls gem und am Inn dåå an Beinåm Da greane Inn.
Parks
[Werkeln | Am Gwëntext werkeln]- Stådtpark (im Stådtzentrum)
- Innpark (am Fischergries)
- Kinkpark (in Endach)
- Zellabeag (in Zell mit a Foastmeile und an Natualehrpfad)
- Kalvarienbeag (am Kienbichl mit'n Andreas-Hofer-Denkmal)
- Innpromenade (beidaseits des Inns im gsåmtn Stådtgebiet)
Effntliche Eirichtunga
[Werkeln | Am Gwëntext werkeln]- Beziakshauptmånnschåft Kufstoa
- Beziaksgericht Kufstoa
- Stådtweake Kufstoa
- Finanzåmt Kufstoa Schwåz
- Beziakspolizeikommando Kufstoa (Bundespolizei)
- Beziakskrånknhaus Kufstoa
- Polizeiinschpektion Kufstoa (Bundespolizei)
- Fåchhochschui Kufstoa, Bundesrealgymnasium (BG/BRG Kufstoa), und de Heachere Learånståit fi wiatschåftliche Berufe
- Stådtpolizei Kufstoa (Gmoawåchkörpa)
Freizeit
[Werkeln | Am Gwëntext werkeln]Reglmäßige Vaonståitungen
[Werkeln | Am Gwëntext werkeln]- Da Kufstoana Vorsilvester findet jäalich am 30. Dezemba stått.
- Tåg da 1.000 Liachta
- Tånzsumma
- Kaisafest
- WoasstEh!-Wundaliche Kultuatåg in Kufstoa
- Weifest
- Kufsteiner Operettensommer (seit 2007 auf da Festung Kufstoa)
- Ostermarkt
- Night'shopping
- Låndlem in Kufstoa (Bauern- und Håndweakamårkt)
- Weihnachtszauber auf da Festung
- Åimåbtrieb
- Herbstmårkt
- Ritter-Fest (seit 2009 auf da Festung Kufstoa)
Spoat
[Werkeln | Am Gwëntext werkeln]Da FC Kufstoa spüüt in da Regionalliga. Die Sport-Union Kufstein Vikings san 2002 und 2004 Moasta in da Austrian Baseball League woan. Die HC Kufstein-Dragons spüün in da Tirola Elite-Liga.
In da Kufstoa-Arena findet jäalich da Generalie Bambini Cup stått, zu dem vüü Nåchwuchs-Tennisspüüa aus da gånzn Wöd kemman.
2005 und 2007 wår Kufstoa a Etappnzüü da Deitschlånd Tour.
Nåchtlem
[Werkeln | Am Gwëntext werkeln]Vüü Lokale gibs vom Båhnhof üba an Unteren und Oberen Stådtplåtz bis zum Franz Josefs Plåtz und zua Georg Pirmoser-Stråss. Am neadlichn Stådtende in Sparchen und Eichelwang gibs a einige Lokale.
Vakea
[Werkeln | Am Gwëntext werkeln]Stråss
[Werkeln | Am Gwëntext werkeln]Kufstoa håt auf da A12 Inntåiautobåhn zwoa Ånschlussstöön (Kufstoa Noad und Kufstoa Süd). Die A12 fiat vo Rosnheim bis in Tirola Obainntåi. Die B171 fiat ebenfois durch Kufstoa.
Öffntlicha Personalvakea
[Werkeln | Am Gwëntext werkeln]Da Stådtbus Kufstoa wead vo de Stådtweake Kufstoa und vo da Firma Achhorner betriem. Es vakeahn drei Linien im 20-Minutn-Takt. Außadem is Kufstoa a Ausgångspunkt vo vüü Regionalbuslinien in de Umgebung.
Schienenvakea
[Werkeln | Am Gwëntext werkeln]Da Båhnhof Kufstoa is da deitsch/estareichische Grenzbåhnhof da Westbåhn und håt a Fåhrgastaufkommen vo 5.000 Reisendn pro Tåg. Vo eam geht a de Untainntåibåhn Kufstoa - Innschbrugg aus und di wichtige Streckn Minga-Innschbrugg-Verona durchqueat an Båhnhof.
Fi 2012 is de Arrichtung vo a Båhnstation Kufstoa Süd g'plant.
Schifffåhrt
[Werkeln | Am Gwëntext werkeln]Im Summa findet de Innschifffåhrt zwischn Kufstoa und Obaauddorf stått.
Luftvakea
[Werkeln | Am Gwëntext werkeln]Wenig außahåib da Stadt gibs an Flugplåtz Kufstoa-Långkåmpfn (LOIK), vo dem voa ållem Seglfliaga startn.
Bruggn
[Werkeln | Am Gwëntext werkeln]Im Stådtgebiet gibs folgende Bruggn iwan Inn:
- Autobåhnzuabringa (A12)
- Endacher Steg (Fuaßgänga und Radlfåhra)
- Wendlinga Bruggn (B171)
- Båhnhofsbruggn (Mingna Stråßn)
- Fischergries-Steg (Fuaßgänga und Radlfåhra)
- Wildbichler Bruggn (A12 und B175)
Städtepartnaschåftn
[Werkeln | Am Gwëntext werkeln]Rovereto, Treant-Sidtirol
Frauenfeld, Thurgau
Berihmtheitn
[Werkeln | Am Gwëntext werkeln]- Siegfried Dillersberger
- Karl Ganzer, Dichta vom Kufstein-Lied
- Max Grießer, Schauspüüa
- Franz Kneissl, Grinda vo da Firma Kneissl-Ski
- Joseph Madersperger, Afinda vo da Nahmaschiin
- Hans Reisch, Grinda da SPAR Estereich
- Karl Wendlinger, Rennfåhra und ehemåiga Formel-1-Fåhra
Im Netz
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)