Orbita
![](http://178.128.105.246/cars-http-upload.wikimedia.org/wikipedia/commons/thumb/8/87/Eye_orbit_anatomy_anterior2.jpg/220px-Eye_orbit_anatomy_anterior2.jpg)
De Orbita (vo lat. Orbis = Kroas) oda Augnhöhln is a paarig oglegte Vadiafung vom Schedl, wo d Augn und de zuaghearign Strukturn zum findn san.
Afbau
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/8/8d/Orbital_bones.png/220px-Orbital_bones.png)
gealb: Os frontale
dunklblau: Os zygomaticum
road: Os sphenoidale
heallblau: Os palatinum
braun: Os ethmoidale
grea: Os lacrimale
lila: Os maxillare
greagrau: Os nasale (Dogstellt aba ned Teil vo da Orbita)
Boana
[Werkeln | Am Gwëntext werkeln]D' Augnhöhln wiad vo sim vaschiedene Boana built. Des san:
- Os frontale
- Os zygomaticum
- Os sphenoidale
- Os palatinum
- Os ethmoidale
- Os lacrimale
- Os maxillare
Beim Menschn is de Orbita ca. 4-5 cm diaf.
Effnunga und Duachtrittstean vo da Orbita
[Werkeln | Am Gwëntext werkeln]D' Augnhöln hod zohlreiche Lecha ven Duachtritt vo vaschiedenste Nervn und Gfäßn, sowia am Tränengang:
- Foramen ethmoidale anterius: Durchtrittsstean ven N. ethmoidalis anterior und A. ethmmoidalis anterior. Mündet in d' voadane Schedlgruam.
- Foramen ethmoidale posterius: Durchtrittsstean ven N. ethmoidalis posterior und A. ethmoidalis posterior. Mündet in d' voadane Schedlgruam.
- Canalis opticus: Durchtrittsstean ven Sehnerv (N. opticus, II) und A. ophthalmica
- Fissura orbitalis superior: Duachtrittstean ve N. occulomotorius (III), N. trochlearis (IV), N. abducens (VI) und N. opthalmicus (V1). Ollalei Nerven ve d' sensible Innervation vo Augn, Augnhöhln und Stirn (N. ophthalmicus (V1)) und motorische Innervation vo de Augnmuskln (Rest).
- Fissura orbitalis inferior: Duachtrittstean ven N. zygomaticus und N. infraorbitalis. Mündet in d' Fossa pterygopalatina.
- Canalis nasolacrimalis: Duachtrittstea ven Ductus lacrimalis (Tränen-Nosngang). Mündet in Meatus nasi inferior (untana Nosngang)
- Canalis infraorbitalis: Duachtrittstean ve N. infraorbitalis (aus da Fissura orbitalis inferior) und A. infraorbitalis (aus da Fissura orbitalis inferior). Mündet untam Augn im Foramen infraorbitale.
Inhoat
[Werkeln | Am Gwëntext werkeln]In da Orbita befindt se neba de obn gnanntn Gfäße und Nervn da Augnopfe (Bulbus) und de Augnmuskln, sowia d' Tränadrüßn. Da Plotz dazwischndrin wiad vo Fettgweb ausgfuid. Des is aa da Grund, warum stark ogmogade Leid so diaf sitzade Augn hom, wei da Kerpa des ganze Fett hinta d Augn nacha scho abbaut hod.
Augnmuskln
[Werkeln | Am Gwëntext werkeln]In da Orbita gibts sim Muskln:
Muskl | Funktion | Innervation |
---|---|---|
M. levator palpebrae superioris | Ohebn vom Augnlid | N. oculomotorius (III) |
M. rectus superior | Ohebn Sehachsn, Adduktion und Innanrotation Bulbus | N. oculomotorius (III) |
M. rectus inferior | Obsenkn Sehachsn, Adduktion und Außnrotation Bulbus | N. oculomotorius (III) |
M. rectus lateralis | Abduktion Bulbus | N. abducens (VI) |
M. rectus medialis | Adduktion Bulbus | N. oculomotorius (III) |
M. obliquus inferior | Ohebn Sehachsn, Abduktion und Außnrotation Bulbus | N. oculomotorius (III) |
M. obliquus superior | Obsenkn Sehachsn, Abduktion und Innanrotation Bulbus | N. trochlearis (IV) |
Nachdem da M. levator palpebrae superioris ned am Augnopfe osetzt, zaed man normal ned zu de 'echtn' Augnmuskln dazua. Mid da Ausnahme vom M. obliquus inferior und am M. obliquus superior entspringan alle Augnmuskln am Anulus tendineus communis (a Zinn-Sehring), a Sehnenring am hintan End vo da Orbita.
Tränanapparat
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/d/d2/Tear_system.svg/220px-Tear_system.svg.png)
a: Tränendrüsn
c: Canaliculus lacrimalis superior
d: Saccus lacrimalis (Tränansack)
f: Canaliculus lacrimalis inferior
g: Ductus nasolacrimalis (Tränan-Nosngang)
D' Tränandrüsn is a lateral iwan Augnopfe glegne rein seröse Drüsn. D' Afgab dafo is de kontinuierliche Produktion vo Tränanflüssigkeit, um as Augn voam Ausdrickan zum bewahrn und voa Bakterien zum schützen (desinfizierade Wirkung vo Tränanflüssigkeit). Des weitan gleicht da Tränanfuilm kloane Unebnheitn zwischn de oanzlna Zealln vo da Hornhaut aus. De Tränanflüssigkeit wird durchn Lidschlag gleichmäßi vateilt. Übaschüssige Tränanflüssigkeit wiad nasal iwa de Canaliculi lacrimales in Saccus lacrimalis (Tränansog) entsorgt. De Tränanflüssigkeit fliasst vom Saccus lacrimalis (Tränansack) iwan Ductus nasolacrimalis (Tränan-Nosngang) in untan Nosngang, vo wo aus des ganze in Rachn und letztli in Mogn eine fliaßt.
Literatua
[Werkeln | Am Gwëntext werkeln]- Paulsen, Waschke: Sobotta Atlas der Anatomie des Menschen Kopf, Hals und Neuroanatomie, 23. Auflage, Elsevier, München 2010, ISBN 978-3-437-44073-1