Tabernakel
![](http://178.128.105.246/cars-http-upload.wikimedia.org/wikipedia/commons/thumb/7/7a/PI019.jpg/220px-PI019.jpg)
![](http://178.128.105.246/cars-http-upload.wikimedia.org/wikipedia/commons/thumb/1/18/Stiftshuette_Modell_Timnapark.jpg/220px-Stiftshuette_Modell_Timnapark.jpg)
![](http://178.128.105.246/cars-http-upload.wikimedia.org/wikipedia/commons/thumb/b/b3/Tabernacle_Camp.jpg/220px-Tabernacle_Camp.jpg)
A Tabernakel (hebräisch משכן, Mischkan, Residenz) is im Judntum a transportables Heulichtum (a heuligs Zöt bzw. a heulige Hittn), des wos des Voik Israel nochm Auszug aus Ägypten auf seine Waundarungen ständig mitgfiat hod. Es woa da Inbegriff fia den Präsenz vaum Heagod, bevua de Judn wieda sesshoft wuan san und Tempe baut haum. Des Tabernakel woa, vaafocht ausdrickt, a Oat vau transportabla Synagogn.
Des Wuat Tabernakel kummt ausm Lateinischn und is vom Wort taberna obgleit, des wos Hittn oda Wiatshaisl haast. Da Luther hod fias Tabernakel s Wuat Stiftshittn prägt.
Gschicht
[Werkeln | Am Gwëntext werkeln]Des Zötheulichtum haum de Israelitn nochm Auszug aus Ägypten und de Wüstnwaundarungen bis zua Zeit vaum Kenig David ois Begegnungsstättn mitn Heagod gnutzt. Späda hod mas im Zentrum vau Israel, in Schilo, aufgstöd. Wiar da David Jerusalem vau de Jebusita eaobat ghobt hod, hod a des Tabernakel duathin bringan lossn. Nochhea is woascheinlich in zlegta Fuam im salomonischn Tempe aufghom wuan. Spädastns mid da Zastearung vaum Tempe is des Tabernakel vaschwundn gwen.
Aufbau
[Werkeln | Am Gwëntext werkeln]Nochn Tanach woa des Tabernakel ca. 15 Meta (30 Ellen) laung, 5 Meta (10 Ellen) braad und 5 Meta hoch. De Konstruktion woa a Oat Fochweakraumen aus Akazienhoiz, des wos mid Goid iwazong woa. Iwan Fochweakraumen san vaschiedane Deckn ghängt woan. Aum Eingaung vaum Tabernakel san fümf goidane Sain gstaundn. Im Innan vau da Mischkan woa no a Bereich vaum "Ollaheuligstn" mid Deckn vaum "Heulign Bereich" otrennt.
Im Ollaheuligstn is de Bundeslodn gstaundn. Im heulign Bereich woan de goidanen Leichta, da goidane Raichaoitoa, da Schraubrodtisch und goidane Geräte. Des Ollaheuligste is nua amoi im Joa zum Jom Kippur vau de Priesta betretn woan.
Des Tabernakel (de heulige Hittn) woa vau an Vuahof umgem, dea wos ca. 250 Meta laung woa. Außen woa da Vuahof vau an 2,5 Meta (5 Ellen) hochn Zaun umgem, dea wos vau kupfanan Sain ghoidn wuan is. Im Vuahof hods an Oitoa fia Braunopfa gem und a kupfans Wossabeckn fia de Prista zum Händwoschn.
Im Netz
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)