Salog Aklan
Salog Aklan | |
---|---|
![]() An Salog Aklan sa Madalag, Aklan | |
bunganga kan Salog Aklan | |
Filipinas | |
Western Visayas | |
Aklan | |
Pinagkukuanan | Central Panay Mountain Range |
- kinamumugtakan | Bukid Baloy Tapaz, Capiz |
Bunganga | Dagat Sibuyan |
- kinamumugtakan | Kalibo, Aklan |
- tagboan | 11°44′15″N 122°22′00″E / 11.73750°N 122.36667°ETagboan: 11°44′15″N 122°22′00″E / 11.73750°N 122.36667°E |
- Kalangkawan | 0 m (0 ft) |
Mga pigpapahiling kan basin | |
Mga sanga nin salog | |
- wala |
An Salog Aklan iyo an pinakahalabang salog sa probinsya kan Aklan, Filipinas, asin an pangatulong pinakahalabang salog sa isla nin Panay (pagkatapos kan Salog Panay sa Capiz asin Salog Jalaur sa Iloilo). An basin nin kanal iyo an pangatulong pibakahalabang salog sa Panay. An pinagkukuanan kan salog, nakamugtak sa Central Panay Mountain Range on Bukid Baloy sa sulnupan na posyon kan Capiz sa bisinidad kan Tapaz. Nagbubulos ini paamihanan gikan sa mga mabukid na porsyon kan Jamindan, dangan pa-amihanan-subangan paduman sa banwaan kan Libacao sa probinsya nin Aklan. Binabagtas kan salog an mga banwaan kan Madalag, Malinao, Banga, Lezo, Numancia, asin Kalibo bago maubos ininsa bunganga kaini sa Dagat Sibuyan.[1] An pangaran kan salog iyo an pinaghalian kan terminong Aklan, asin gikan ini sa kataga na akae, na kun sain an boot sabihon iyo an pakalagaan o pagbula. Nin huli ta sa rikas kan sulog kan salog, an tubig kan salog nin Aklan, garo baga nagkakalagakaga o mabula. Sa ibong kaiyan, an boot sabihon kan "Akean" iyo an "kun sain igwang nagkakalagakaga o magbula."
An 2 panginot na mga tribunaryo iyo an Salog Timbaban (Salog Madalag) asin Salog Dumalaylay. Protektado an porsyon kan basin kan salog sa Aklan River Watershed Forest Reserve. Naporma ining 23,185 hectares (57,290 acres) na reserba sa mga banwaan kan Madalag asin Libacao kan 1990 sa paagi kan Proklamasyon Nu. 600, na an tuyo iyo an protektahan, mantinir, o maparahay an ani kan tubig asin nagtatao nin mekanismo kan pagpupugol para sa dai nauuyon na pag-aabuso sa kadlagan asin nakakagambalang paggamit kan daga.[2]
Mga tribunaryo
[baguhon | baguhon an source]Lista kan mga tribunaryo kan Salog Aklan sa pa-iraya na pagkasunod-sunod:[3]
- Salog Malinao
- Salog Timbaban
- Salog Kinalanga
- Salog Dumalaylay
- Salog Dit-ana
![](http://178.128.105.246/cars-http-upload.wikimedia.org/wikipedia/commons/thumb/d/dd/Aklan_River_Sunrise.jpg/220px-Aklan_River_Sunrise.jpg)
Mga toltolan
[baguhon | baguhon an source]- ↑ National Geospatial-Intelligence Agency. "Aklan River: Philippines". Bethesda, MD, USA: Geographic.org. Retrieved 7 February 2013.
- ↑ "Proclamation No. 600, s. 1990". www.gov.ph. Official Gazette of the Republic of the Philippines. Archived from the original on 24 June 2021. Retrieved 28 March 2017.
- ↑ "Water Source Development" (PDF). openjicareport.jica.go.jp. Retrieved 5 March 2021.
Mga panluwas na takod
[baguhon | baguhon an source] Igwang relatibong medya para sa Salog Aklan duman sa Wikimedia Commons