Suba' nin San Miguel
Suba' nin San Miguel | |
---|---|
![]() An paglubog kan saldang sa suba' nin San Miguel | |
Lokasyon | Rawis kan Bikol, Luzon, Filipinas |
Tagboan | 13°59′5.64″N 123°13′13.44″E / 13.9849000°N 123.2204000°ETagboan: 13°59′5.64″N 123°13′13.44″E / 13.9849000°N 123.2204000°E |
Tipo | Suba' |
Mga pig-iistaran |
An Suba' nin San Miguel, sarong dakulaon na Suba' sa Rawis kan Bikol sa isla nin Luzon sa Pilipinas. Nalilibutan kaini an probinsiya kan Camarines Norte asin Camarines Sur. Ini mahihiling sa norteng parte kan banwaan nin Calabanga, sa Sulnupan kan Tinambac, sa Subangan kan Cabusao asin sa Sur-sulnupan kan banwaan nin Siruma. An suba' dagya' sa mga yamang-tubig arog kan kaság, aniit, pasayan, siráng salay, abo asbp.
Uusipon
[baguhon | baguhon an source]Kan panahon nin Gerang Pilipino-Amerikano
[baguhon | baguhon an source]Dakulaon an nagin papel kan suba' tanganing masakop an enterong Ambos Camarines kan mga Amerikano.
Kan Pebrero 19, 1900 nin alas siete nin aga, pinangenotan kan mga armadas o plota kan mga Amerikano haling Suba' nin Sugut an paglayag paduman sa Suba' nin San Miguel, dangan uminagi an bentekwatro oras inihulog na ninda an saindang mga angkla sa Suba'. An Orden kan mga ini, makatungtong tolos nin sarabay-sabay sa duwáng mga punto; An banwaan nin Calabanga asin sa banwaan nin Barceloneta na nagibo man kan agang ito, dangan an banwaan nin Cabusao sa minasunod na aldaw. Sinda Tenyente Kolonel Parker, na pigbibilog nin saróng batalyon kan Regiment 45, sa irarom ni Major Cole asin an iba pa kan Regiment 40, sa irarom ni Major Casey an enot na dae piglalaoman na nakatongtong sa Kadagáan nin Camarines Sur. [1].
Linog
[baguhon | baguhon an source]Kan ika-11 kan Nobyembre 1993 tuminama an 4.5 mb na igwang rarom na 14.5 km sa suba', an episentro kaini nasa tagboan na 13.73,123.203 harani sa barangay Sabang, sa Calabanga alagad dae man ini nakaapektar sa mga lugar na harani sa sentro kan linog [2]
Mga ladawan
[baguhon | baguhon an source]Mga Toltolan
[baguhon | baguhon an source]- ↑ pigkua sa librong The Philippine Revolution in the Bicol region (Volume II); pahiná 92. An librong ini hale sa librong Lucha Y Libertad na pigpalis sa ingles ni Hilario A. Lim
- ↑ http://www.quakebulletin.com/quake/ev/usp00063h2[permanent dead link]