Аляксандар Мах
Аляксандар Мах | |
Alexander Mach | |
![]() | |
Род дзейнасьці | палітык |
---|---|
Дата нараджэньня | 11 кастрычніка 1902 |
Месца нараджэньня | Паларыкава |
Дата сьмерці | 15 кастрычніка 1980 (78 гадоў) |
Месца сьмерці | Браціслава, Чэхаславакія |
Месца пахаваньня | |
Занятак | журналіст, пісьменьнік, палітык |
Аляксандар Мах (11 кастрычніка 1902 году, в. Паларыкава — 15 кастрычніка 1980 году ў Браціславе) — славацкі палітык нацыяналістычнай арыентацыі.
Аляксандар Мах належаў да Славацкай Народнай партыі, якая мела прафашысцкую арыентацыю[1]. Мах высунуўся на пярэдні плян у 1938 годзе пасьля падпісаньня Мюнхэнскага пагадненьня і стаў блізкім паплечнікам Войтэха Тука і Фэрдынанда Дурканскага[2].
Мах стаў міністрам унутраных справаў ва ўрадзе Войтэха Тука ў Першай Славацкай рэспубліцы, а таксама быў кіраўніком Глінкавай Гвардыі. Ён быў намесьнікам прэм’ер-міністра Караля Сідара з сакавіка 1939 году.
Мах дамагаўся цеснага супрацоўніцтва з нацысцкай Нямеччынай. Быў адказны за дэпартацыю габрэяў і падаўленьне антыфашысцкага руху. 4 красавіка 1944 году зьбег у Аўстрыю, дзе жыў у вёсцы Манзэе і быў схоплены амэрыканцамі. Быў выданы Чэхаславаччыне, дзе сядзеў у праскай турме Панкрац, потым быў пераведзены ў Браціславу. У 1946 годзе пачаўся судовы працэс. У 1947 годзе атрымаў пакараньне ў выглядзе 30 гадоў турэмнага зьняволеньня. 9 траўня 1968 году Мах быў амніставаны прэзыдэнтам Людвікам Слобадай па стане здароўя. Пасьля вызваленьня жыў на дачы сына каля Браціславы. Памёр у 1980 годзе.