Малуша
Малуша | |
![]() | |
Дата нараджэньня | не раней за 940 і не пазьней за 944 |
---|---|
Дата сьмерці | 1000 |
Занятак | Ключнік |
Навуковая сфэра | Ключнік |
Бацька | Мал |
Дзеці | Уладзімер Сьвятаславіч[1] |
Малу́ша (944?—1000) — ключніца й канкубіна кіеўскага князя Сьвятаслава Ігаравіча.
Згодна зь летапісамі, была маці Ўладзімера Сьвятаслававіча й сястрой Дабрыні, дачкой Малка Любячаніна. У 960 княгіня Вольга саслала яе ў Будуціна (Буднік каля Пскова), дзе тая й нарадзіла Ўладзімера. Скандынаўскія сагі апісваюць маці Ўладзімера як прарочыцу, якая жыла 100 гадоў і была прывезеная са свае пячоры, каб прадказваць будучыню.
Паколькі ў летапісах нічога не казалася пра паходжаньне Малушы, высоўваліся розныя гіпотэзы пра ейнае паходжаньне. Археоляг Дзьмітры Празароўскі меркаваў, што Малуша была дачкой драўлянскага князя Мала. Імя ж Любячанін, паводле яго, паходзіла ад гораду Любеч, куды, верагодна, быў сасланы Мал пасьля драўлянскага пагрому. Аляксей Шахматаў лічыў яе дачкой Мсьцішы Свэнэльдавіча, сына ваяводы Свэнэльда. Па-скандынаўску яе імя мусіла гучаць як Мальфрыда, імя ж бацьку праз палітычныя прычыны было зьмененае на Малк Любячанін. Іншы расейскі гісторык Дзьмітры Ілавайскі вырашыў, што імя Мальфрыда было анямечаным варыянтам імя Малуша. Украінскі гісторык Міхайла Грушэўскі крытыкаваў абедзьве вэрсіі.
Тым ня менш, сёньня лічыцца, што яна была дачкой князя Мала.
Памерла, згодна зь летапісамі, у 1000. Паколькі ў гэты год памерла Рагнеда, прынята лічыць, што яна была іншай сваячніцай Уладзімера, магчыма, жонкай ці маці.
Крыніцы
[рэдагаваць | рэдагаваць крыніцу]- ^ А. Э. Владимир Святославич (рас.) // Энциклопедический словарь — СПб: Брокгауз — Ефрон, 1892. — Т. VIа. — С. 653—655.