З Вікіпедыі, свабоднай энцыклапедыі
А́га (Bufo marinus) — адна з самых буйных рапух. Сустракаецца ў Паўднёвай і Цэнтральнай Амерыкі.
Даўжыня яе цела да 25 см (звычайна 15-17 см), вага — больш за кілаграм. Самцы крыху драбнейшыя за самак. Скура агі моцна арагавелая, папілонападобная. Афарбоўка някідкая: зверху цёмна-бурая або шэрая з вялікімі цёмнымі плямамі; чэрава жаўтаватае, з частымі бурыми плямінкамі. Характэрныя вялікія калявушныя залозы па баках галавы, якія выпрацоўваюць атрутны сакрэт, і касцяныя надвочныя грабяні. Скураныя перапонкі ёсць толькі на задніх лапах. Мае найбольш развітыя сярод земнаводных лёгкія.
Актыўная ноччу. Вельмі пражэрлівая: корміцца насякомымі, малюскамі і іншымі дробнымі жывёламі.
Самка адкладвае да 35 тыс. ікрынак.
Разводзяць для знішчэння шкоднікаў на плантацыях цукровага трыснягу, завезена ў Вест-Індыю, Аўстралію, Японію, на Гавайскія астравы, Новую Гвінею, Тайвань, Філіпіны і інш.
Атрутнымі выдзяленнямі скурных залоз агі змазваюць наканечнікі стрэл.