Вентыляцыя
![](http://178.128.105.246/cars-http-upload.wikimedia.org/wikipedia/commons/thumb/c/c5/HK_QWB_Harcourt_Park_HK_Police_HQs.jpg/220px-HK_QWB_Harcourt_Park_HK_Police_HQs.jpg)
Вентыляцыя (ад лац.: ventilatio — праветрыванне) — рэгулюемы паветраабмен у памяшканні, а таксама прылады, якія яго ствараюць. Вентыляцыя забяспечвае неабходную чысціню, тэмпературу, вільготнасць і рухомасць паветра. Гэтыя патрабаванні вызначаюцца гігіенічнымі нарматывамі: наяўнасць шкодных рэчываў у паветры (газы, пары, пыл) абмяжоўваецца гранічна дапушчальнымі (бясшкоднымі для здароўя людзей) канцэнтрацыямі, а тэмпература, вільготнасць і рухомасць паветра ўстанаўліваюцца ў залежнасці ад умоў, неабходных для найбольш спрыяльнага самаадчування чалавека. Для многіх вытворчых памяшканняў (цэхі зборкі дакладных механізмаў, радыёэлектронікі і інш.) чысціня паветра, яго тэмпература і вільготнасць вызначаюцца таксама асаблівасцямі тэхналагічнага працэсу.
Віды вентыляцыі[правіць | правіць зыходнік]
- прытокавая,
- выцяжная, прытокава-выцяжная,
- агульнаабменная,
- мясцовая
- аварыйная,
- натуральная,
- механічная.
Гл. таксама[правіць | правіць зыходнік]
![]() |
Вентыляцыя на Вікісховішчы |
---|