Уладзімір Архіпавіч Лабуноў
Уладзімір Архіпавіч Лабуноў | |
---|---|
Дата нараджэння | 16 сакавіка 1939 (85 гадоў) |
Месца нараджэння | |
Грамадзянства | |
Род дзейнасці | фізік, дыпламат |
Навуковая сфера | мікраэлектроніка |
Месца працы | БДУІР |
Навуковая ступень | доктар тэхнічных навук |
Навуковае званне | Акадэмік Нацыянальнай акадэміі навук Беларусі |
Альма-матар | |
Прэміі | |
Узнагароды |
Уладзі́мір Архі́павіч Лабуно́ў (нар. 16 сакавіка 1939, Орша) — беларускі вучоны ў галіне мікраэлектронікі, дыпламат. Акадэмік АН БССР (1986, член-карэспандэнт з 1980), доктар тэхнічных навук (1975), прафесар (1977). Заслужаны вынаходнік БССР (1977).
Біяграфія[правіць | правіць зыходнік]
У 1961 скончыў Беларускі політэхнічны інстытут. З 1966 г. у Мінскім радыётэхнічным інстытуце, з 1975 г. загадчык кафедры. У 1987—1989 гг. акадэмік-сакратар Аддзялення фізікі, матэматыкі і інфарматыкі АН БССР. Народны дэпутат СССР (1989—1991).
З 1994 па 2001 быў прызначаны Надзвычайным і Паўнамоцным паслом Рэспублікі Беларусь у Каралеўстве Бельгія, Нідэрландах, Люксембургу; Пастаянны прадстаўнік ў Еўрапейскім Саюзе і НАТА.
Навуковая дзейнасць[правіць | правіць зыходнік]
Навуковыя працы па пытаннях узаемадзеяння іонаў з паверхняй цвёрдага цела і яго выкарыстання для распрацоўкі тэхналагічных працэсаў у мікраэлектроніцы, па нізкатэмпературных электрахімічных і плазмавых тэхналагічных працэсах. Прэмія Прэзідыума АН СССР па мікраэлектроніцы 1978 г.
Аўтар больш за 200 навуковых прац, у тым ліку манаграфіі і 14 брашур, 460 вынаходстваў.
Сярод апублікаванага:
- Электрохимическая алюмооксидная технология в микроэлектронике (разам з В. А. Сокалам) // Техника средств связи. Сер. Технология производства и оборудование. 1988. Вып. 3.
Узнагароды і прэміі[правіць | правіць зыходнік]
- Дзяржаўная прэмія Рэспублікі Беларусь у галіне навукі і тэхнікі (1992) — за стварэнне і прамысловую рэалізацыю высокаэфектыўнай сістэмнай тэхналогіі масавай вытворчасці звышвялікіх інтэгральных схем.
- Ордэн Кастрычніцкай Рэвалюцыі (1986).
- Ордэн Працоўнага Чырвонага Сцяга (1981).
- Медаль «За працоўную доблесць» (1979)
Літаратура[правіць | правіць зыходнік]
- Лабуноў Уладзімір Архіпавіч // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г. П. Пашкоў [і інш.]. — Мн., 2000. — Кн. 2. — С. 435.
- Лабуноў Уладзімір Архіпавіч // Беларусь: Энцыклапедычны даведнік / Рэдкал.: Б. І. Сачанка і інш. — Мн.: БелЭн, 1995. — 800 с. — 5 000 экз. — ISBN 985-11-0026-9.
Спасылкі[правіць | правіць зыходнік]
- Старонка на сайце Акадэміі Навук Беларусі
- Уладзімір Архіпавіч Лабуноў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
- История кафедры микроэлектроники (руск.) // Сайт БДУІР
- Нарадзіліся 16 сакавіка
- Нарадзіліся ў 1939 годзе
- Нарадзіліся ў Оршы
- Выпускнікі механіка-тэхналагічнага факультэта БНТУ
- Лаўрэаты Дзяржаўнай прэміі Рэспублікі Беларусь
- Кавалеры ордэна Кастрычніцкай Рэвалюцыі
- Кавалеры ордэна Працоўнага Чырвонага Сцяга
- Узнагароджаныя медалём «За працоўную доблесць»
- Заслужаныя вынаходнікі БССР
- Асобы
- Вучоныя паводле алфавіта
- Паслы Беларусі ў Нідэрландах
- Дактары тэхнічных навук
- Выкладчыкі БДУІР
- Паслы Беларусі ў Бельгіі
- Акадэмікі Акадэміі навук Беларускай ССР
- Народныя дэпутаты СССР ад акруг Беларусі