Enez Baffin
Neuz
![](http://178.128.105.246/cars-http-upload.wikimedia.org/wikipedia/commons/thumb/8/83/BaffinIsland.svg/200px-BaffinIsland.svg.png)
![](http://178.128.105.246/cars-http-upload.wikimedia.org/wikipedia/commons/thumb/2/28/Iqaluit-aerial.jpg/250px-Iqaluit-aerial.jpg)
Enez Baffin (Inuktitut: ᕿᑭᖅᑖᓗᒃ, Qikiqtaaluk) zo un enezenn e Meurvor Arktika, e hanternoz Kanada. Enezenn vrasañ Kanada eo Enez Baffin, hag ar pempvet enezenn vrasañ er bed, gant ur gorread a 507 451 km². Annezet eo gant tro-dro 11 000 den (e 2007). Anvet e voe en enor d’ur moraer eus Bro-Saoz, William Baffin, a oa bet o verdeiñ en norzh da Ganada e deroù ar XVIIvet kantved, da glask un tremen da vont eus ar Meurvor Atlantel d’ar Meurvor Habask. Moarvat e oa anavezet Enez Baffin gant ar Vikinged gwechall, hag anvet ganto Helluland. Iqaluit (anvet Bae Frobisher gwechall) eo kêr vrasañ Enez Baffin ha kêr-benn velestradurel tiriad Nunavut.