Falun Gong
Anv er yezh a orin | 法轮功, 法轮大法 ![]() |
---|---|
Anvet diwar | dharmacakra ![]() |
Diazezer | Li Hongzhi ![]() |
Stad | Stadoù-Unanet ![]() |
E tiriad | Deerpark ![]() |
Lec'h | worldwide ![]() |
Daveennoù douaroniel | 41°26′50″N 74°35′25″W ![]() |
Lec'h diazez | Changchun ![]() |
Isaozadur | Q15930737 ![]() |
Sez sokial | Dragon Springs ![]() |
Foundational text | Zhuan Falun ![]() |
Diazezet war | qigong, Chinese folk religion ![]() |
Levezonet gant | Boudaegezh ![]() |
Lec'hienn ofisiel | https://en.falundafa.org, https://www.falundafa.org/ ![]() |
Testenn ar pennreolennoù | Zhuan Falun ![]() |
Dezverket dre | religious philosophy ![]() |
Istor | history of Falun Gong ![]() |
Operating area | worldwide ![]() |
![Map](http://178.128.105.246/cars-https-maps.wikimedia.org/img/osm-intl,a,41.447180555556,-74.590180555556,300x300.png?lang=br&domain=br.wikipedia.org&title=Falun_Gong&revid=2103645&groups=_ef584490f5b88e17f14ae46c9dc1e9c9ad117c5d)
Falun Gong (sinaeg hengounel: 法輪功; sinaeg eeunaet: 法轮功; treuzskrivadur pinyin: Fǎlún Gōng; "Ober gant Rod al Lezenn") pe Falun Dafa (sinaeg hengounel: 法輪大法; sinaeg eeunaet: 法轮大法; treuzskrivadur pinyin: Fǎlún dàfǎ; "Lezenn Veur Rod al Lezenn") a zo ul luskad speredel a orin sinaat. E Sina e vez klasket flastrañ al luskad-mañ rak hervez gouarnamant Republik Pobl Sina ez eus ur sektenn anezhañ.
![](http://178.128.105.246/cars-http-upload.wikimedia.org/wikipedia/commons/thumb/6/65/Toronto_Falun_Gong_Exercises_3.jpg/220px-Toronto_Falun_Gong_Exercises_3.jpg)
![](http://178.128.105.246/cars-http-upload.wikimedia.org/wikipedia/commons/thumb/d/db/Falun_Gong_Logo.svg/220px-Falun_Gong_Logo.svg.png)
Hervez al luskad e-unan ez eo Falun Gong ur skol-breder qigong (氣功; qìgōng) diazezet war kredennoù hengounel Sina kar d'an Taiqi Quan.
Aet eo kalz war gresk abaoe ma oa bet digoret Falun Gong d'an holl ez ofisiel e 1992 gant an den a oa bet krouet gantañ, Li Hongzhi (李洪志) hag a zo o chom hiziv er Stadoù-Unanet) betek tapout tro-dro da 80 milion a izili e Sina e 1998 hervez sifroù ofisiel Sina. Aet eo war vrasaat ivez an niver a izili dre ar bed a-bezh, dreist-holl er Stadoù-Unanet, e Kanada, Aostralia hag Europa.
E Sina e vez klasket mougañ al luskad Falun Gong ha lazhet ez eus bet gant ar gouarnamant un 260 ezel bennaket ha savet ez eus bet luskadoù dre Europa o c'houlenn groñs e chomfe a-sav Sina da heskinat izili Falun Gong.
Hervez gouarnamant Sina ez eo Falung Gong ur sektenn hepmuiken hag hervezañ e vefe an aozadur kiriek da varv ouzhpenn 1600 den bet nac'het reiñ louzoù dezho. N'eo ket gwall sur seurt tamalloù, avat, evit aozadurioù a zifenn gwirioù mab-den evel Amnesty International.
D'an 23 a viz Genver 2001 eo marvet un den goude bezañ lakaet an tan ennañ e-unan e Plasenn Tiananmen, un ezel eus Falun Gong anezhañ hervez gouarnamant Sina.
Marvioù[kemmañ | kemmañ ar vammenn]
Diaes eo kavout sifroù ha dielloù resis a-fed jahinañ marvus e Sina, met istimet e vez niver izili Falun Gong a zo bet lazhet dre flastradennoù. E 2009, The New York Times en devoa embannet, e oa hervez aozadurioù difenn gwirioù Mab-den "d'an nebeutañ 2000" den a zo bet lazhet eeun. Amnesty International en doa embannet e oa bet 100 ezel Falun Gong lazhet er bloavezh 2008, pe en toull-bac'h pe nebeut amzer goude bezañ bet dieubet. Ar c'hazetenner enklask Ethan Gutmann en doa istimet e oa bet lazhet 65 000 Falun Gong a oa bet lazhet evit laerañ organoù etre 2000 ha 2008 hervez atersadennoù hir, ouzhpenn-se ar skolveuridi David Kilgour ha David Matas o doa embannet, "mammenn 41 500 treuzplatadur war ur mare 6 bloavezh etre 2000 ha 2005 a chom hep displegadenn".
Liammoù diavaez[kemmañ | kemmañ ar vammenn]
![]() |
中文世界門戶 Porched ar bed sinaat — 找到關於中國的頁面 Adkavit ar pennadoù a denn d'ar bed sinaat. |