Josip Skoblar
![](http://178.128.105.246/cars-http-upload.wikimedia.org/wikipedia/commons/thumb/4/40/Josip_Skoblar_1971_%28cropped%29.jpg/200px-Josip_Skoblar_1971_%28cropped%29.jpg)
luc'hskeudennet e 1971.
Josip Skoblar, bet ganet d'an 12 a viz Meurzh 1941 e Privlaka (Dalmatia, Rouantelezh Yougoslavia d'an ampoent), a zo bet ur melldroader etrebrodael yougoslaviat aet da c'hourdoner war-lerc'h e amzer c'hoarier (argader e bost dezhañ war an dachenn).
Kroget er c'hleub NK Zadar ( Yougoslavia) e 1958 e paouezas gant e vicher e hini NK Rijeka (
Yougoslavia) e 1977 goude bezañ c'hoariet evit :
- 1959-66 : OFK Beograd (
Yougoslavia),
- 1966-69 : Hannover 96 (
Alamagn ar C'hornaoueg),
- 1966-67[1] ha 1969-75 : Olympique de Marseille (OM) (
Bro-C'hall).
Div wech ha tregont e tougas krez e skipailh broadel ha lakaet unnek pal e-barzh gantañ etre 1961 ha 1967. Kemer a reas perzh e Kib vell-droad ar bed 1962[2] ma voe ranket skipailh Yougoslavia da drivet[3].
E-pad ar c'houlzad 1970-71, d'ar mare ma ranne linenn argadiñ an OM a-gevret gant ar Svedad Roger Magnusson (1945-) hag ar Gall Charly Loubet (1946-), e voe plantet pevar fal ha daou-ugent (ha paket ar Votez aour Europa war un dro) gantañ. Chomet eo rekord ar brasañ niver palioù merket gant ar memes c'hoarier a-hed ur c'houlzad e Kampionad mell-droad Frañs betek-hen !
E ditloù
[kemmañ | kemmañ ar vammenn]- 1961-62 : gounenezet Kib mell-droad Yougoslavia evel c'hoarier e Beograd,
- 1965-66 : gounenezet Kib mell-droad Yougoslavia evel c'hoarier e Beograd,
- 1970-71 : gounezet Kampionad mell-droad Frañs evel c'hoarier e Marselha,
- 1971-72 : gounezet Kampionad mell-droad Frañs ha Kib mell-droad Frañs evel c'hoarier e Marselha.
Liamm diavaez
[kemmañ | kemmañ ar vammenn]Notennoù ha daveennoù
[kemmañ | kemmañ ar vammenn]- ↑ Prestet gant Hannover 96.
- ↑ Dalc'het e Chile adalek an 30 a viz Mae betek ar 17 a viz Mezheven 1962.
- ↑ Trec'h e oa bet skipailh Brazil warnañ 4-2 da-geñver an hanter-c'hourfenn.