Leda hag an alarc'h
![](http://178.128.105.246/cars-http-upload.wikimedia.org/wikipedia/commons/thumb/1/1b/Leda_mosaic_crop.jpg/250px-Leda_mosaic_crop.jpg)
![](http://178.128.105.246/cars-http-upload.wikimedia.org/wikipedia/commons/thumb/f/fd/Leda_et_le_cygne_par_Paolo_Veronese_2.jpg/250px-Leda_et_le_cygne_par_Paolo_Veronese_2.jpg)
Leda hag an alarc'h zo un dodenn gozh el livouriezh, brudet abaoe ar XVIvet kantved, deuet eus ur vojenn eus Hellaz kozh.
Ar vojenn
[kemmañ | kemmañ ar vammenn]![](http://178.128.105.246/cars-http-upload.wikimedia.org/wikipedia/commons/thumb/0/06/Attribu%C3%A9_%C3%A0_Fran%C3%A7ois_Boucher%2C_L%C3%A9da_et_le_Cygne_%28vers_1740%29.jpg/250px-Attribu%C3%A9_%C3%A0_Fran%C3%A7ois_Boucher%2C_L%C3%A9da_et_le_Cygne_%28vers_1740%29.jpg)
![](http://178.128.105.246/cars-http-upload.wikimedia.org/wikipedia/commons/thumb/1/1a/Boucher_Leda_och_svanen.jpg/250px-Boucher_Leda_och_svanen.jpg)
Leda a oa gwreg Tindareos, roue Sparta. Dont a rae Zeus, e stumm un alarc'h da weladenniñ pe d'he gwallañ. Daou vab gevell he devoe Leda, Kastor ha Polideukes, an Dioskured.
Hervez un doare nevesoc'h eus ar vojenn e tougas war un dro Helena ha Polideukes, bugale da Zeus, ha Kastor ha Klitemnestra, bugale d'he gwaz. Hag e tozvas daou vi ma oa pep a zaou vugel.
Hervez un doare all c'hoazh e oa Helena merc'h da Nemesis, doueez an drouziwezh, a ranke kouezhañ war choug ar re a c'houzañve diwar lorc'h Hubris.
Erotegezh
[kemmañ | kemmañ ar vammenn]Er XVIvet kantvede oa dereatoc'h diskouez ur vaouez oc'h embarañ gant un alarc'h eget gant ur gwaz. Dañjerus e vije bet zoken en amzer an Azginivelezh.
Arouez kalc'h ar gour eo pigos an alarc'h.
Livadurioù
[kemmañ | kemmañ ar vammenn]Meur a livour en deus taolennet ar vojenn :
- Correggio.
- Bacchiacca
- Jacopo Pontormo
- Leonardo, taolenn aet da goll, anavezet dre un eillivadur.
- Michelangelo, 1530, taolenn aet da goll, anavezet dre un eillivadur.
- Paolo Veronese, war-dro 1580.
- Div daolenn gant François Boucher.
- François-Édouard Picot
- Paul Cézanne, war-dro 1880-1882,
- Gustave Moreau.
Barzhoniezh
[kemmañ | kemmañ ar vammenn]- La Défloration de Lède, barzhoneg c'hallek gant Ronsard er XVIvet kantved, awenet marteze gant taolenn gollet Michelangelo. Anv a ra eus ar pigos o vont e gouhin Leda [1].
- Leda, barzhonek spagnolek gant ar barzh Rubén Darío, e 1892
- Leda and the Swan, sonedenn saoznek gant William Butler Yeats, embannet e 1928. Kontet eo da vezañ unan eus gwellañ barzhonegoù Yeats .
Istor
[kemmañ | kemmañ ar vammenn]Leonardo da Vinci a grogas d'ober studiennoù e 1504 evit ullivadur, ha ne grogas ket gantañ da vat, ma vije gwelet Leda en he c'hoazez gant he bugale.
E 1508 avat e livas un daolenn all diwar-benn ar vojenn ma weled Leda en he sav, hag enhe noazh, o flourañ an alarc'h, gant an daou goublad gevelled, ha melloù kloroù vioù torret. Aet eo an daolenn da goll, marteze distrujet, gant al livour e-unan pe gant unan all, met anavezet eo dre veur a eillivadur.
Pennad kar
[kemmañ | kemmañ ar vammenn]Livadurioù
[kemmañ | kemmañ ar vammenn]-
Leda hag an alarc'h, eillivadur diwar un daolenn gollet diwar zorn Michelangelo, 1530. National Gallery, Londrez.
-
Leda hag an alarc'h, gant Paolo Veronese.
-
Treset gant Cornelis Bos diwar un daolenn gollet diwar zorn Michelangelo
-
Eillivadur gant Cesare Sesto diwar oberenn gollet Leonardo da Vinci, 1515-1520, Wilton House, Bro-Saoz.
-
Eillivadur gant Giovanni Francesco Melzi diwar oberenn gollet Leonardo, 1508-1515, Galleria degli Uffizi, Firenze.
-
Gant Correggio.
-
Eugenio Cajés (diwar Correggio), Mirdi ar Prado, Madrid.
-
Gant Bacchiacca
-
Gant Benvenuto Cellini
-
Gant Jacopo Pontormo
-
Gant François Boucher.
-
Gant François-Édouard Picot (1786-1868)
-
Leda, gant Gustave Moreau (1826–1898)
-
Leda hag an alarc'h gant Paul Cezanne, war-dro 1880-1882, Barnes Foundation Collection, Merion, Pennsylvania
-
Leda and the Swan. (Georg Pencz)
-
Leda und der Schwan. (Michael Maschka)
Notennoù
[kemmañ | kemmañ ar vammenn]- ↑ Bull p.169