Rijksmuseum Amsterdam
![](http://178.128.105.246/cars-http-upload.wikimedia.org/wikipedia/commons/thumb/0/00/Rijksmuseum1.jpg/300px-Rijksmuseum1.jpg)
![](http://178.128.105.246/cars-http-upload.wikimedia.org/wikipedia/commons/thumb/7/74/Rijksmuseum_night_2003.jpg/300px-Rijksmuseum_night_2003.jpg)
![](http://178.128.105.246/cars-http-upload.wikimedia.org/wikipedia/commons/thumb/0/0b/Rijksmuseum_Amsterdam.jpg/300px-Rijksmuseum_Amsterdam.jpg)
Rijksmuseum Amsterdam eo mirdi broadel pouezusañ an Izelvroioù. Emañ e-kreiz kêr Amsterdam, er Museumplein. Gouestlet eo d'an arzoù ha d'an istor. Pinvidik eo an dastumad livadurioù eus Marevezh Aour ar vro (oberennoù gant Rembrandt, Johannes Vermeer pe c'hoazh Frans Hals), hag arz Azia. Aozet e voe ar mirdi e Den Haag e 1800 hag ennañ e veze diskouezet dastumadoù stathouderien an Izelvroioù. Diwar urzh ar roue Louis Napoleon, hag eñ breur da Napoleon Bonaparte, e voe kaset ar mirdi da Amsterdam e 1808. Neuze e voe ouzhpennet taolennoù perc'hennet gant kêr Amsterdam.
Abaoe 1885 ez eo staliet ar mirdi e Museumplein, e-kichen mirdi van Gogh hag ar Stedelijk Museum. Steuñv ar savadur a zo bet treset gant ar savour izelvroat Pierre Cuypers. Labourioù bras a zo er mirdi abaoe 2005, hag an taolennoù pouezusañ a vez diskouezet memes tra, gant an titl De Meesterwerken (ar pennoberennoù).
-
Bruderezh evit an diskouezadeg
De Meesterwerken
ouzh mogerioù ar Rijksmuseum