Tiegezh Sforza
Neuz
Tiegezh Sforza
Rann eus | Tiegezh Visconti ![]() |
---|---|
Lec'h labour | Lombardia ![]() |
Diazezer | Giacomo Attendolo ![]() |
Stad | Italia ![]() |
![](http://178.128.105.246/cars-http-upload.wikimedia.org/wikipedia/commons/thumb/6/63/Italy_1494_shepherd.jpg/250px-Italy_1494_shepherd.jpg)
Sforza zo anv un tiegezh italian brudet e mare an Azginivelezh, a oa e gavell e Dugelezh Milano.
Orin al lignez
[kemmañ | kemmañ ar vammenn]- Savet e voe al lignez gant Muzio Attendolo, lesanvet Sforza (an hini kreñv) (ganet e Cotignola e-tal Pescara en 1369, marvet en 1424), a oa condottiero o tont eus Romagna, hag a servijas rouaned anjevat Naplez. Al lignez-se eo a reas ar muiañ a verzh.
- E vab henañ a oa Francesco Sforza (1401-1466), a renas Dugelezh Milano er c'h-Quattrocento, hag a dapas an titl dug Milano war-lerc'h marvet an dug Filippo Maria Visconti e 1447, pa zimezas gant Bianca Maria Visconti, pennhêrez, ha war-lerc'h ar Republik Ambrozian (1447-1450). Eus an dimeziñ-se e teu al lignez.
- War-lerc'h Francesco Iañ e voe Galeazzo Maria Sforza (1444-1476), Dug adal 1466 betek e varv, a zimezas da Bona di Savoia.
- E vab Gian Galeazzo Sforza a renas war e lerc'h (1469-1494), nemet dre ma oa re yaouank ne oa ket evit gouarn; dimeziñ a reas da Isabella d'Aragon.
- E penn ar gouarnamant e oa an eontr Ludovico Sforza (il Moro), a voe anvet dug da varv e niz, a vije bet sikouret da vervel. Dimeziñ a reas d'ar briñsez Beatrice d'Este eus Ferrara. Trec'het e voe e 1500 gant armeoù gall ar roue Loeiz XII ha kaset da Vro-C'hall ha bac'het betek e varv.
- Pa voe skarzhet ar C'hallaoued gant ar Suised e teuas Massimiliano Sforza, mab da Ludovico, da vezañ dug. Met dont a reas ar C'hallaoued en-dro, trec'h e voent e Marignan, bac'het e voe an dug ha kaset da Vro-C'hall evel e dad araokañ.
Ar re Sforza, duged Milano
[kemmañ | kemmañ ar vammenn]- Francesco Iañ Sforza 1450-1466
- Galeazzo Maria Sforza 1466-1476
- Gian Galeazzo Sforza 1476-1494
- Ludovico Sforza 1494-1499 ha 1500-1501
- Massimiliano Sforza 1512-1515
- Francesco II Sforza 1521-1524, 1525-1526 et 1529-1535
Gwelout ivez
[kemmañ | kemmañ ar vammenn]- Federico Sforza, anv meur a zen,
- ar c'hont Carlo Sforza, bet o stourm a-enep ar faskouriezh.