کەمانچە

  ئەم وتارە سەبارەت بە جۆزە نووسراوە. بۆ بینینی وتارە هاوشێوەکان بڕوانە کەمان.

که‌مانچه‌ یان جۆزە ئامێرێکی ڕۆژهه‌ڵاتییه‌. ئه‌م سازه‌ بێجگه‌ سک، ده‌سک و سه‌ر، له‌ بنه‌وه‌ پێیه‌کی هه‌یه‌ که‌ له‌ سه‌ر زه‌وی یان چۆکی ژه‌نیار داده‌نرێت. ئه‌م سازه‌ چوار تاڵ ژێی هه‌یه‌ و له‌ بنه‌ڕه‌تدا تایبه‌تی ناوچه‌کانی لۆڕستان بووه‌ و له‌وێوه‌ هاتۆته‌ ناو مووسیقای ئێران و ناوچه‌کانی ڕۆژهه‌ڵاته‌وه‌.

ناوەکانی تری کەمانچە:

• جۆزە
• کەماچە
• تاڵ
• مووزەن
• میکەش

یه‌که‌مین شوێنه‌واری سازی که‌مانچه‌ له‌ مێژوودا ده‌گه‌ڕێته‌وه‌ بۆ کتێبی ( موسیقی الکبیر به‌رهه‌می ئه‌بوو نه‌سری فارابی /سه‌ده‌ی چواره‌می کۆچی)، که‌ به‌ ڕوباب ناوی لێبراوه‌. که‌مانچه‌ له‌ سه‌رده‌می سه‌فه‌وی و قاجاردا ده‌بێته‌ به‌شێک له‌ ده‌زگای مووسیقای ئێرانی . کۆنترین ده‌نگی هه‌ڵگیراوی که‌مانچه‌ بۆ سه‌ره‌تاکانی سه‌ده‌ی بیسته‌م ده‌گه‌ڕێته‌وه‌.

ژه‌نیار به‌ دانیشتنه‌وه‌ پێی که‌مانچه‌که‌ له‌ سه‌ر زه‌وی (یا کورسی) یان چۆکی خۆی داده‌نێت. ئامێر له‌ کاتی ژه‌ندندا نه‌ختێک ده‌سووڕێت و به‌م کاره‌ ئارشه‌ ئاسانتر ژێکان ده‌لاوێنێت. ژه‌نیار، سازه‌که‌ به‌قیتی به‌ ده‌ستی چه‌په‌وه‌ ده‌گرێ و قامکه‌کانی له‌ سه‌ر ده‌سکه‌که‌ ڕاده‌خشێنێت و ئارشه‌ش به‌ ده‌ستی ڕاسته‌وه‌ه ده‌گرێ و به‌ سه‌ر ژێکانیدا ده‌هێنێت.

ژەنیارانی بەناوبانگی کەمانچە بریتین لە:

• ئەردەشێر کامکار
• سەعید فەرەجپووری
• کەیھان کەڵھوڕ
• فەرەج عەلیپوور
• شەھریار جەمشیدی
• فەخرەدین مامەد
• نەعمەت بەھاروەند
• عەلی ئەکبەر شیکارچی
• موجتەبا میرزادە

[١]

• دەروازەی مۆسیقا

کۆمنزی ویکیمیدیا، میدیای پەیوەندیدار بە کەمانچە تێدایە.