Punk
![](http://178.128.105.246/cars-http-upload.wikimedia.org/wikipedia/commons/thumb/6/69/Punks-concierto.jpg/220px-Punks-concierto.jpg)
Punk hè un termine anglese (chì cum'è agettivu significheghja di scarsa qualità, da dui soldi) creatu pa identificà una sottucultura ghjuvanile affiurata in u Regnu Unitu è in i Stati Uniti, à mità di l'anni sittanta.
U termine nascì da a musica punk rock, una musica roza, rumorosa, pocu cumplessa, ribella è diretta, nata à mità di u sittanta in Inghilterra è in i Stati Uniti incù gruppi cum'è The Stooges, Ramones, Sex Pistols, Dead Boys, The Damned o Clash.
Urigine
[mudificà | edità a fonte]U currente però ùn era micca cunnisciuta ancu cum'è punk rock, perchè u termine nascì qualchì annu dopu. Stu muvimentu musicale era dunque identificatu cum'è una cuntinuazione di u garage rock di l'anni sissanta, generu à u quale caratteristica era, per appuntu, un'essenza grezza è tantu diretta, rispettu à altri generi di rock & roll. U generu pudia però esse definitu ancu cum'è hard rock.
I gruppi in quistione eranu cusi ricunnisciuti cum'è garage rock, hard rock, glam rock o simpliciamente rock & roll. Parechji gruppi di i primi anni sittanta infatti, avianu tipichi elementi glam rock, in particulare i New York Dolls, dopu Iggy Pop, ma ancu David Bowie, Roxy Music è altri. Sta prima fasa serà chjamata "proto-punk". Sti gruppi connutavanu elementi stilistichi tipichi di u punk rock, ancu prima di a so nascita è dunque di u so ricunniscimentu. U termine punk rock nascì versu a mità di u sittanta. Trà i primi à esse definiti in tal modu seranu i Ramones, nati in u 1974. Cum'è molti altri gruppi di u currente, i Ramones anu elementi tratti da u garage rock, surf, british invasion è più generalmente rock & roll, uniti à sonurità grezze, distorte è prive di tecnica strumintale. Affiureranu ancu altre gruppi cum'è The Heartbreakers, Dead Boys è i The Voidoids. St'undata, ricunnisciuta cum'è a prima undata di punk rock, serà identificata cum'è Punk 77, vale à dì l'undata di gruppi punk rock, sviluppati versu a siconda mità di l'anni sittanta. St'undata cumprenderà gruppi di parechje naziunalità, ma soprattuttu americani è britannichi.
Vistitura
[mudificà | edità a fonte]L'abbigliamentu hè custituitu da vistiti stracciati, pantaloni ruvinati, anfibi è catene à u collu. In i capelli à spessu s'aghjunghje a cresta. Inoltre hè frequente l'usu di piercing à orechje, guance è sopraccigli, in l'anni 70 era cunsiderata una cosa strana nonustante fusse passata a rivoluzione ghjuvanile di u sissanta.
Tipulugie sottuculturale
[mudificà | edità a fonte]Attualmente ci sò diverse tipulugie di punk, chì si differenzieghjanu per via di a musica è di a vistitura. Pa indettu u crust punk, sottugeneru di u hardcore punk è di u anarcho punk, contaminatu da u metal estremu. Stu generu, natu in Inghilterra in i primi anni uttanta, prisenta à spessu testi pessimisti è cuncintrati annantu à temi suciali è pulitichi. A vistitura hè varia rispettu à u classicu punk. I capelli sò più longhi è spessu accumpagnati da dreadlocks, i vistuti sò simili à u punk originale ma incù l'aghjunta di toppe è spille.