Dull loci
![](http://178.128.105.246/cars-http-upload.wikimedia.org/wikipedia/commons/thumb/9/9a/M-T-Cicero.jpg/220px-M-T-Cicero.jpg)
Mae dull loci (loci yw'r gair Lladin am "lleoedd") yn ddull o wella'r cof sy'n cyfuno llygad y dychymyg a chof gofodol, gwybodaeth gyfarwydd am amgylchedd yr unigolyn, i gofio gwybodaeth yn gyflym ac effeithlon. Mae dull loci hefyd yn cael ei adnabod fel taith y dychymyg, palas y cof, neu dechneg palas y meddwl. Mae'r dull hwn yn ddyfais cofeiriol gafodd ei fabwysiadu mewn traethodau rhethregol Rhufain hynafol a Groeg yr Henfyd (yn Rhetorica ad Herennium, De Oratore gan Cicero, ac Institutio Oratoria gan Quintilian). Mae nifer o bencampwyr cystadlaethau cof yn honni eu bod yn defnyddio'r dechneg hon i gofio wynebau, digidau, a rhestrau o eiriau.
Mae'r eitemau sy'n cael eu cofio yn y system gofeiriol hon yn cael eu cysylltu yn feddyliol â lleoliadau ffisegol penodol.[1] Mae'r dull yn dibynnu ar berthynas ofodol i sefydlu trefn a chreu atgofion. Defnyddir y syniad o 'daith' i gofio trefn benodol, tra bod 'ystafell' neu 'balas' yn cael ei ystyried fwy effeithiol ar gyfer cofio darnau o wybodaeth heb berthynas â'i gilydd.[2]
Ceir portreadau o ddull loci ym mytholeg Roeg. Yn fwy diweddar, roedd dull loci yn amlwg yng nghyfres deledu Sherlock fel y techneg a ddefnyddiai Sherlock Holmes - ar ffurf 'palas y meddwl' - i storio gwybodaeth. Yn straeon gwreiddiol Arthur Conan Doyle, roedd Sherlock Holmes yn cyfeirio at ei ymennydd fel atig.[3] Yn Hannibal Rising gan Thomas Harris, ceir disgrifiad manwl o balas cof y cymeriad Hannibal Lecter.[4][5]
Cyfeiriadau
[golygu | golygu cod]- ↑ Carlson, Neil R. (2010). Psychology the science of behaviour. Pearson Canada Inc. t. 245. ISBN 9780205645244.
- ↑ "The Roman Room Technique". AcademicTips.org. Cyrchwyd 24 Hydref 2013.
- ↑ Zielinski, Sarah. "The Secrets of Sherlock's Mind Palace". Smithsonian (yn Saesneg). Cyrchwyd 6 Mawrth 2018.
- ↑ Harris, Thomas (2006). Hannibal Rising. United States: Delacorte Press. tt. 1–2, 167, 178–179. ISBN 978-0385339414.
- ↑ Martinez-Conde, Susana (26 Ebrill 2013). "Neuroscience in Fiction: Hannibal Lecter's Memory Palace". Scientific American (yn Saesneg).