Geraldine Brooks

Geraldine Brooks
Ganwyd	14 Medi 1955  Sydney
Man preswyl	Sydney
Dinasyddiaeth	Awstralia
Alma mater	Columbia University Graduate School of Journalism Prifysgol Sydney Coleg Bethlehem, Awstralia Prifysgol Columbia
Galwedigaeth	ysgrifennwr, newyddiadurwr, nofelydd, awdur
Cyflogwr	Coleg Radcliffe The Wall Street Journal
Priod	Tony Horwitz
Gwobr/au	Gwobr Pulitzer am Ffuglen, Gwobr Helmerich, honorary doctor of the University of Sydney, Swyddogion Urdd Awstralia, Nita Kibble Literary Awards
Gwefan	http://www.geraldinebrooks.com/

Nofelydd a newyddiadurwr Awstralaidd-Americanaidd yw Geraldine Brooks (ganwyd 14 Medi 1955). Yn 2005 enillodd ei nofel March iddi Wobr Pulitzer am Ffuglen.^[1][2][3][4]

Fe'i ganed yn Sydney ac wedi gadael yr ysgol mynychodd Columbia University Graduate School of Journalism, Prifysgol Sydney, Coleg Bethlehem, Awstralia a Phrifysgol Columbia. ^[5][6]

Yn frodor o Sydney, magwyd Geraldine Brooks yn y faestref orllewinol 'Ashfield'. Roedd ei thad, Lawrie Brooks, yn ganwr gyda band Americanaidd a fu ar daith o amgylch Awstralia pan ddihangodd ei reolwr â chyflog y band; penderfynodd aros yn Awstralia, a daeth yn is-olygydd papur newydd. Roedd ei mam Gloria, o Boorowa, yn swyddog cysylltiadau cyhoeddus gyda gorsaf radio 2GB yn Sydney.^[7]

Wedi iddi raddio ym Mhrifysgol Sydney, bu’n ohebydd i The Sydney Morning Herald ac, ar ôl ennill Ysgoloriaeth Goffa Greg Shackleton, symudodd i Unol Daleithiau America (UDA), gan gwblhau gradd meistr yn Ysgol Newyddiaduraeth Graddedigion Prifysgol Columbia Dinas Efrog Newydd ym 1983. Y flwyddyn ganlynol, ym mhentref Tourrettes-sur-Loup, de Ffrainc, priododd y newyddiadurwr Americanaidd Tony Horwitz a throsi i Iddewiaeth.^[8]

Fel gohebydd tramor The Wall Street Journal, bu’n ymdrin ag argyfyngau yn Affrica, y Balcanau, a’r Dwyrain Canol, gyda’i gohebiaeth o straeon o Gwlff Persia yn 1990 yn derbyn Gwobr Hal Boyle y Wasg Dramor am " Adroddiadau Gwasanaeth Papur Newydd neu Wifren Orau Dramor".^[9] Yn 2006, dyfarnwyd iddi gymrodoriaeth Sefydliad Astudio Uwch Radcliffe Prifysgol Harvard.^[10]

Roedd llyfr cyntaf Brooks, Nine Parts of Desire (1994) (a oedd yn seiliedig ar ei phrofiadau ymhlith menywod Mwslimaidd yn y Dwyrain Canol) yn werthwr-rhyngwladol, ac fe'i gyfieithwyd i 17 iaith. Roedd Foreign Correspondence (Gohebiaeth Dramor) (1997), a enillodd Wobr Lenyddol Nita Kibble am waith gan fenywod, yn gofiant ac yn antur deithio am blentyndod a gyfoethogwyd gan gyfeillion ac edmygwyr o bedwar ban byd, a'i hymgais i ddod o hyd iddynt.

Daeth ei nofel gyntaf, Year of Wonders, a gyhoeddwyd yn 2001, yn werthwr-rhyngwladol. Wedi'i gosod ym 1666, mae'r stori'n darlunio brwydr merch ifanc i achub cyd-bentrefwyr yn ogystal â'i henaid ei hun pan oedd y bu i'r pla biwbonig daro pentref Eyam yn Swydd Derby.

• 2006: Pulitzer Prize for March
• 2008: Australian Publishers Association's Literary Fiction Book of the Year am People of the Book^[11]
• 2009: Helmerich Award^[12]
• 2010: Dayton Literary Peace Prize; Lifetime Achievement Award^[13]
• 2016: Swyddog o Urdd Awstralia

• Year of Wonders (2001)
• March (2005) ISBN 9780143115007, OCLC 1055419299
• People of the Book (novel)|People of the Book]] (2008) ISBN 9781460750858, OCLC 910657795
• Caleb's Crossing (2011) ISBN 9780143121077, OCLC 861687308
• The Secret Chord (2015)

• Nine Parts of Desire: The Hidden World of Islamic Women. 1994. ISBN 0-385-47576-4.
• Foreign Correspondence: A Pen Pal's Journey from Down Under to All Over. 1997. ISBN 0-385-48269-8.
• Boyer Lectures 2011: The Idea of Home (or "At Home in the World"). 2011. ISBN 978-0-7333-3025-4.