Hobo
![](http://178.128.105.246/cars-http-upload.wikimedia.org/wikipedia/commons/thumb/3/3e/ThreeHobosChicago1929.jpg/225px-ThreeHobosChicago1929.jpg)
Yn yr Unol Daleithiau, gweithiwr ymfudol neu grwydryn digartref, yn aml heb yr un geiniog, yw hobo. Mae'n teithio er mwyn chwilio am waith, tra bo trampiaid yn teithio i osgoi gwaith a bums yn tinymdroi yn yr unfan ac yn cardota. Yn aml maent yn teithio drwy sleifio ar drên, a chysylltir hobos yn gryf â'r rheilffyrdd Americanaidd.[1]
Mae gan hobos isddiwylliant eu hunain, sy'n cynnwys iaith gymunedol, côd o arwyddion i roi gwybodaeth i hobos eraill, cynhadledd genedlaethol flynyddol yn Britt, Iowa, a safonau moesegol.
Bu nifer o unigolion enwog yn hobos ar ryw bryd, gan gynnwys Jack Dempsey, Jack London, Woody Guthrie, Boxcar Willie, Louis L'Amour, a Seasick Steve. Delwedd ystrydebol o hobo yw'r dyn mewn dillad anniben yn dal bindle, sef sach fechan wedi'i chlymu ar ffon a gaiff ei chario dros yr ysgwydd.
Cyfeiriadau
[golygu | golygu cod]- ↑ Lennon, John. "Ridin’ the Rails: The Place of the Passenger and the Space of the Hobo", Americana 3(2) Tymor yr hydref 2004.