Marrakech
![]() | |
Math | dinas, dinas fawr ![]() |
---|---|
Poblogaeth | 966,987 ![]() |
Sefydlwyd | |
Pennaeth llywodraeth | Fatima Ezzahra El Mansouri ![]() |
Cylchfa amser | Western European Time, UTC±00:00 ![]() |
Gefeilldref/i | Sousse, Granada, Marseille, Clermont-Ferrand, Tombouctou, Tashkent, Ajaccio, Tours, Dinas Efrog Newydd, Mecca, Paris, Madrid, Odesa, Sidi Bennour, Granby ![]() |
Daearyddiaeth | |
Rhan o'r canlynol | Imperial cities of Morocco ![]() |
Sir | Marrakesh Prefecture ![]() |
Gwlad | ![]() |
Arwynebedd | 230 km² ![]() |
Uwch y môr | 468 metr ![]() |
Cyfesurynnau | 31.62947°N 7.98108°W ![]() |
Cod post | 40000 ![]() |
MA-MAR ![]() | |
Pennaeth y Llywodraeth | Fatima Ezzahra El Mansouri ![]() |
![]() | |
Sefydlwydwyd gan | Abu Bakr ibn Umar ![]() |
![](http://178.128.105.246/cars-http-upload.wikimedia.org/wikipedia/commons/thumb/b/bb/MoroccoMarrakech_townfromhill2.jpg/250px-MoroccoMarrakech_townfromhill2.jpg)
Dinas ym Moroco yw Marrakech neu Marrakesh (Amazigh: Murakush, Arabeg: مراكش Murrākush). Mae'n cael ei hadnabod fel y "Ddinas Goch" ac mae'n un o bedair dinas ymherodrol Moroco, gyda Rabat, Meknès a Fes. Mae ganddi boblogaeth o 1,070,838 (2004), ac mae'n brifddinas talaith Marrakech-Tensift-El Haouz, ger troedfryniau Mynyddoedd yr Atlas yn ne canolbarth Moroco.
Disgrifiad
[golygu | golygu cod]Fel nifer o ddinasoedd yng Ngogledd Affrica a'r Dwyrain Canol, mae Marrakech yn cynnwys hen ddinas gaerog (y medina) a dinas fodern gerllaw (sef y Gueliz neu ville nouvelle). Fe'i gwasanaethir gan Faes Awyr Rhyngwladol Ménara (RAK) a rheilffordd sy'n ei chysylltu â Casablanca a'r gogledd. Marrakech yw'r dryddedd ddinas ym Moroco o ran poblogaeth ar ôl Casablanca a Rabat.
Mae Marrakech yn ddinas hanesyddol a ystyrir yn llawer mwy "Affricanaidd" na'r dinasoedd mawr eraill ac a nodweddir gan ei diwylliant Berber. Cafodd ei sefydlu yn 1062 gan y swltan Almoravid Yusuf ibn Tashfin. Tyfodd i fod yn brifddinas economaidd a diwylliannol de Moroco ac am gyfnod yn yr Oesoedd Canol bu'n brifddinas y wlad gyfan hefyd.
Ceir y souq (marchnad awyr agored) mwyaf yn y wlad yma ac mae'r ddinas yn enwog hefyd am y Djemaa el Fna, sgwâr mawr agored sy'n fwrlwm o acrobatiaid, diddanwyr, chwedleuwyr a cherddorion o fore tan nos pryd mae'n troi'n fath o fwyty fawr agored gyda nifer o stondinau bwyd.
Mae medina Marrakech yn Safle Treftadaeth y Byd ar restr UNESCO.
Ceir sawl parc a gardd yn y ddinas, yn cynnwys Gardd Majorelle a Gerddi Menara.
Llywodraeth leol
[golygu | golygu cod]Marrakech yw prifddinas a chanolfan weinyddol talaith Marrakech-Tensift-El Haouz. Rheolir Marrakech gan Gyngor Dinas o 80 o gynrychiolwyr etholedig. Yn haf 2009, enillodd dinas Marrakech le yn hanes merched Moroco pan etholodd cyfarfod llawn o'r cyngor Mme Fatima Zohra El Mansouri yn faer: dyma'r tro cyntaf i ferch ddod yn faer yn hanes Moroco gyfan.[1]
Enwogion
[golygu | golygu cod]- Ibn al-Banna al-Marrakushi (1256 - tua 1321), mathemategydd a seryddwr
- Élisabeth Guigou (g. 1946), gwleidydd
- Mordechai Vanunu (g. 1954), gwyddionydd
Gefeillddinasoedd
[golygu | golygu cod]Cyfeiriadau
[golygu | golygu cod]- ↑ "Tudalen y Maer newydd ar wefan y ddinas". Archifwyd o'r gwreiddiol ar 2009-08-04. Cyrchwyd 2009-07-22.