Britney Spears
Britney Spears | |
|---|---|
 Britney Spears masagan do monondig sinding dau i kiuhu do "Breathe on Me" di 5 Mikat 2009 did konsert kawalu dau; The Circus Starring Britney Spears | |
| Kinosusuon | Britney Jean Spears Momuhau 2, 1981 McComb, Mississippi, USA |
| Kalaja | |
| Toun mimparagat | 1995–2018 |
| Tanak |
|
| Molohing |
|
| Paganakan |
|
| Gaa | Intangai sanarai poinggonop |
| Musical career | |
| Genre | |
| Instrument(s) | Vokal |
| Website | britneyspears britney |
Britney Jean Spears nopo nga songulun susuminding, monunuat sinding, susumayau om mominsingkono Amerika.Nosusu isido id McComb, Mississippi om nakagayo id Kentwood, Beliau dilahirkan di McComb, Louisiana, kinosusuon British. Nokoimbulai isido id siri televisyen, pogulu minanda tunturu miampai Jive Records ontok di toun 1997. Duo studio Spears, ...Baby One More Time (1999) om Oops!... I Did It Again (2000), nopo nga kinalantayon global om pinoposiliu disido do ahapakan di nointutunan potilombus maso. Sinuku sabaagi "Puteri Pop Dunia", Spears nopo nga noilaan sabaagi ikon pop miampai mamarahung kinoingkokoton pop ahapakan ontok di tumohuri toun 1990-an om koimpuunon toun 2000an.
Minanganu i Spears do tema i lobi nosukod om provokatif montok album kotolu om kaapat, Britney (2001) om In the Zone (2003), miampai momonsoi debut id pinsingkanaan kumoinsan montok filem Crossroads (2002). Tinanud do siri kobolingkangan sosondii om kowoowoyoon di au atantu i nakaanu pongimurian akawas media global, nakasau o pakarajaan disido pogulu pinoposoliwan album kolimo Blackout (2007) i lohowon nogi do album bobos tosonong disido. Kowoowoyoon di au atantu om kinosuangon disido id lamin pongusapan nokosiliu sabab do pinoiliu id siriba Konservatorship i kakal po gisom babaino. Nokotonduli isido id carta miampai sinding koonom om koturu, Circus (2008) om Femme Fatale (2011). Ontok di toun 2012, pinoluput di Forbes do i Spears nopo nga artis tondu di kikoonuan akawas miampai koonuan soginumu US$58 riong. Maamaso popointutun album kawalu om kosiam, Britney Jean (2013) om Glory (2016), minongimpuun i Spears do konsert residen solinaid apat toun, Britney: Piece of Me di Planet Hollywood, Las Vegas, Nevadaiso konsert residen miampai koonuan bobos ogumu maamaso zaman. Ontok di toun 2019, pinopoilo i Spears do tumingkod id pakarajaon disido om minangakun do pinosuang id longkod rehabilitasi kolidasan pomusarahan miampai sinansagan do konservator disido. Minanganu o mahkamah kootuson montok popoindalan ponoriukan di lobi aralom.
Nakaanu i Spears do onom numbul koiso album id Billboard 200, pinopoili disio sabaagi artis tondu kotolu bobos tosonong solinaid timpu id carta dii. Limo single disido nakaanu kinoyonon kumoiso id carta Billboard Hot 100: "...Baby One More Time", "Womanizer", "3", "Hold it Against Me" om "S&M". Single suai, "Oops!... I Did it Again" om "Toxic" nakalantoi id kogumuan carta id taang sompomogunan. Miampai "3" om "Hold it Against Me", Spears nokosiliu sabaagi artis kumoduo kalapas di Mariah Carey id suang do sajara carta Billboard Hot 100 montok debut id kinoyonon kumoiso miampai duo sinding. Spears nogi nga' nakaanu piipiro pongiktirafan om anugerah, kohompit no Michael Jackson Video Vanguard Award turu Billboard Music Awards kohompit do Billboard Millenium Award; Anugerah Grammy; turu Rekod Dunia Guinness; onom MTV Video Music Awards, Anugerah Ikon id Anugerah Radio Disney om rombituon id Hollywood Walk of Fame.
Spears nopo nga' songulun pomuzik di alaku id pomogunan, om nakaanu pinopojual lobi do 150 riong rakaman poinggonop pogun. Persatuan Industri Rakaman Amerika (RIAA) pinopoili disido sabaagi artis tondu kawalu di alaku kopio id suang do sajara tuunion Amerika miampai pinopojual 33.6 riong album om 36.9 riong single id A.S.
Kinalantayon disido sabaagi mononondig pinoposuang disido id suang do piipiro kalaja pongiklanan om sokodung kiprofil takawas kohompit no jenama wongi sondii miampai di Elizabeth Arden miampai pomojualan di nokolobi US$1.5 riong di toun 2012. Nokosogulu nogi i Spears do sanarai selebriti bobos ihumon id intonit solinaid 12 toun, iso rekod kalapas nowonsoi o intonit.