Alessandra Macinghi Strozzi
C'l artìcol chè 'l è scrit in
Carpśàn |
![](http://178.128.105.246/cars-http-upload.wikimedia.org/wikipedia/commons/thumb/e/ef/Palazzo_Strozzi_2.jpg/220px-Palazzo_Strozzi_2.jpg)
![](http://178.128.105.246/cars-http-upload.wikimedia.org/wikipedia/commons/thumb/c/c6/Blason_it_famille_Strozzi.svg/170px-Blason_it_famille_Strozzi.svg.png)
La sgnóra Alessandra Macinghi Strozzi (Firèins, 1407 - lè, 1471) l'éra andèda spóśa apèina ai só quatòrd'ś an a 'l fiurintèin Matteo Strozzi e da lò l'ìva avû nōv fiō. Só marì però al gnìva eśiliê vìa dala sitê in dal 1434 dai Medici e acsè al murìva ed pésta a Péśaro cun trī di só fiō: chièter tri fiō masć, turnê a Firèins cun la mèder, i gh'aràn da 'ndèr vìa dala sitê anca lōr mèinter ch'i dvintèven grand. Un ed chi fiōl chè al murà a Napol in dal 1459, mèinter che chièter dū i turnaràn indrē a Firèins na volta pasèda la buféra. La mama Alesàndra la scrivìva dimòndi lettri ai só fiō mèinter che chilōr i eren vìa e difât a gh'n è armêś infìn ai nòster dè in dal nùmer ed 73, datèdi da 'l 1447 a 'l 1470, masimamèint invièdi a 'l fiōl più grand Filìp là a Nàpol.
Al studiōś Cesare Guasti (1822-1889), in dla só publicasiòun dal 1877 ed Lettere di una gentildonna fiorentina del secolo xv ai figliuoli esuli al s à fât ecgnùser cal mònd lè 'd afêt e 'd ragiunamèint famigliêr dal Quatersèint.
![](http://178.128.105.246/cars-http-upload.wikimedia.org/wikipedia/commons/thumb/e/e2/Florence1493.png/590px-Florence1493.png)
Bibliugrafìa
- ed Cesare Guasti (1822-1889):
- Lettere di una gentildonna fiorentina del secolo xv ai figliuoli esuli (Firenze: G. C. Sansoni, 1877) Macinghi Strozzi, Alessandra, 1407-1471;
- Lettere di una gentildonna fiorentina del secolo xv ai figliuoli esuli. Una lettera della Alessandra Macinghi negli Strozzi in aggiunta alle Lxxii (Firenze: Licosa Reprints, 1972, 1877, 1890).
Colegamèint estèren
- (IT) La só schéda in dla treccani in dla réda.