I tri ninèṅ
C'l artìcul chè 'l è scrit in
Miranduléś |
![](http://178.128.105.246/cars-http-upload.wikimedia.org/wikipedia/commons/thumb/4/43/Reading_and_Literature_First_Reader_%281911%29_%2814596825459%29.jpg/220px-Reading_and_Literature_First_Reader_%281911%29_%2814596825459%29.jpg)
I tri ninèṅ l'è na fòla tradisiunàla européa, a s pénsa ingléśa, publicàda in dal 1843 a 'l incìrca par James Orchard Halliwell-Phillipps in dla racòlta Nursery Rhymes and Nursery Tales.
La Fòla
![](http://178.128.105.246/cars-http-upload.wikimedia.org/wikipedia/commons/thumb/c/c4/Journeys_through_Bookland_-_a_new_and_original_plan_for_reading_applied_to_the_world%27s_best_literature_for_children_%281922%29_%2814596542440%29.jpg/260px-Journeys_through_Bookland_-_a_new_and_original_plan_for_reading_applied_to_the_world%27s_best_literature_for_children_%281922%29_%2814596542440%29.jpg)
Dòp avēr lasâ la cà 'd sò màdar esénd dvintâ grand, tri ninèṅ i gh'aṅ da tiràr sù na cà in du vìvar da par lōr.
Al prim di tri fradèi, palandròṅ e bòṅdagnìnt, al decìd ad far na cà in présia par psēr pò pasàr-'s al tèmp a divertìr-'s e bàsta. Al dróa acsè dla paja.
Al secónd, pìg'r anca lò, al fà sù na cà druànd dal légn e di spróc, giùst par finìr in pôc tèmp.
'L ùltim di ninét, fùrub, pasiènt e cun dl'usta, al tira sù na cà cun dal prédi e dal cimènt, par far-la bèṅ e ch'la staga sù. Al lavōr 'l è lung e 'l gh cósta dimóndi fadìga tant ch'i sò fradèi i al tōś'n in gir.
![](http://178.128.105.246/cars-http-upload.wikimedia.org/wikipedia/commons/thumb/5/50/Queerie_Queers_-_Three_Little_Pigs_008.png/210px-Queerie_Queers_-_Three_Little_Pigs_008.png)
Un dè un lóv pîṅ 'd fam al pasa da 'd lè pascànd dal magnàr. Dòp avēr butâ 'l òć su i tri pòrc, al cur vèrs al cà in du chi lōr i s èṅ lugâ.
La cà 'd paja la vîṅ supiàda via subìt da 'l lóv ch'al pōl acsè magnàr al gugiōł, stés quèl anc par la cà 'd légn ch'l'armàgn sù p'r un pôc ma pò la sa śbrandla tuta listés a fòrsa 'd dai e dai. Dòp avēr magnâ anc al secónd nimâł al lóv al và subìt vèrs la cà 'd prédi. Par butàr-la śò al tira bèṅ al fiâ e pò al taca a supiàr fòrt ma la cà la reśìst e la n cróda minga.
Al lóv al próa pò a inganàr al ninèṅ fùrub par far-as vèrar la pòrta ma a n gh'è gnint da far. Anc al sò atri traplàdi i n funsiónan briśa. La bistiàsa la ténta acsè 'd insfilsàr-as dèntar andànd su 'l téǵ e pasànd pò p'r al camèṅ.
Al ninét, che però al gh'à fat a mènt, 'l impìsa 'l fōg miténd-ag insìma un parōl pîṅ 'd àqua. Al lóv al gh casca dèntar e 'l mōr bujî.