Tiziano Ferro
Aspetto
C'l artìcul chè 'l è scrit in
Miranduléś |
«
E tutto ciò che so te lo dirò e tutto ciò che non sai dire spiega il mare, sento qualcosa di grande più di questa città e la bugia che rompe ogni silenzio è la bugia che dico solo se non penso, ti prego non fermarti proprio adesso perché dopo non si può... Stop! Dimentica, questo silenzio non vale neanche una parola né una sola e quindi... Stop! Dimentica perché tutto il resto andrà da sé, dimentica perché, dimentica per me.»
(IT)(Stop! Dimentica, 2006)
«
E tut qvél ch'a sò a t al dirò e tut qvél ch'ta n sà briśa dir a spiéga 'l mâr, a sènt quèl ad grand da piò ad cla sità chè e la buśìa ch'la śbraga tut i silénsi l'è la bala ch'a dig sōl s'a n pèns minga, par piaśēr minga farmàr-at pròpria adès parchè dòp a n s pōl mia... Abàsta! Daśméndga, cal silénsi chè al n vâl gnanc na paròla briśa una e dònca... Abàsta! Daśméndga parchè tut al rèst 'l andrà a pòst da par lò, daśméndga parchè, daśméndga par mè.»
(MUD)
![](http://178.128.105.246/cars-http-upload.wikimedia.org/wikipedia/commons/thumb/6/6a/Tiziano_Ferro.jpg/300px-Tiziano_Ferro.jpg)
Tiziano Ferro (Latìna, 21 ad Favràr dal 1980) 'l è 'n cantànt e prudutōr muśicàł itagliàṅ.
In dal cōrs dla sò caréra 'l à cantâ anc in spagnōl, ingléś, francéś e purtughéś. 'L à vindû da piò ad quìndas migliòṅ ad disc in tut al mónd, specialmènt in Európa e in Amèrica Latìna, vinsénd dimóndi prèmi.
Fra i sò pès più famóś a 'rcurdém Xdono, al sò prim sucès, Imbranato, Rosso relativo, al lènt Sere nere, Non me lo so spiegare, Stop! Dimentica, Ed ero contentissimo, E Raffaella è mia (dedicàda a la Raffaella Carrà), Alla mia età, La differenza tra me e te, Potremmo ritornare e Il conforto (cantàda insém a la Carmen Consoli).
Discugrafìa
Àlbum in studi
- 2001 – Rosso relativo
- 2003 – 111
- 2006 – Nessuno è solo
- 2008 – Alla mia età
- 2011 – L'amore è una cosa semplice
- 2016 – Il mestiere della vita
Racòlti
- 2014 – TZN - The Best of Tiziano Ferro