Brunrubanda emberizo
![]() | ||||||||||||||
---|---|---|---|---|---|---|---|---|---|---|---|---|---|---|
![]() Brunrubanda emberizo
![]() | ||||||||||||||
Biologia klasado | ||||||||||||||
| ||||||||||||||
Emberiza aureola (Pallas, 1773) | ||||||||||||||
Konserva statuso | ||||||||||||||
Aliaj Vikimediaj projektoj
| ||||||||||||||
La Brunrubanda emberizo, Emberiza aureola, estas birdo de la grupo de emberizoj el la ordo de paseroformaj birdoj kaj genro de la familio de Emberizedoj kiu iam estis enmetitaj en Fringedoj.
Aspekto
[redakti | redakti fonton]![](http://178.128.105.246/cars-http-upload.wikimedia.org/wikipedia/commons/thumb/5/55/%D0%9F._%D0%91%D0%BE%D1%80%D0%B8%D1%81%D0%BE%D0%B2._%D0%97%D0%BE%D0%BB%D0%BE%D1%82%D0%B8%D1%81%D1%82%D1%8B%D0%B9_%D0%BF%D0%BE%D0%B4%D0%BE%D1%80%D0%BE%D0%B6%D0%BD%D0%B8%D0%BA.jpg/220px-%D0%9F._%D0%91%D0%BE%D1%80%D0%B8%D1%81%D0%BE%D0%B2._%D0%97%D0%BE%D0%BB%D0%BE%D1%82%D0%B8%D1%81%D1%82%D1%8B%D0%B9_%D0%BF%D0%BE%D0%B4%D0%BE%D1%80%D0%BE%D0%B6%D0%BD%D0%B8%D0%BA.jpg)
![](http://178.128.105.246/cars-http-upload.wikimedia.org/wikipedia/commons/thumb/4/47/Emberiza_aureola_ornata_MHNT.ZOO.2011.11.219_China.jpg/220px-Emberiza_aureola_ornata_MHNT.ZOO.2011.11.219_China.jpg)
Tiu birdo estas simila laŭ grando al la Kanemberizo, sed pli longbeka. La reprodukta masklo havas brilflavajn subajn partojn kun nigra flanka strieco, brunajn suprajn partojn, nigran vizaĝon (kie kontrastas la fortika hela beko) kaj brunan strion inter flavaj duonkolumo kaj brusto (de kie venas la nomoj de la specio), kaj rozkoloran al helgrizan suban makzelon. En la brunaj flugiloj videblas blanka flugilstrio el ŝultroj kaj dua iom pli svaga pli sube.
La ino havas tre striecan grizbrunan dorson, kaj malpli intense flavajn subajn partojn. Ŝi havas helan vizaĝon kun malhelbruna krono, okulstrio kaj vango kaj blankecaj superokula strio kaj gorĝareo. Videblas ankaŭ la blankaj markoj en ŝultroj sed multe pli svagaj. Junulo estas simila, sed la fona koloro de la subaj partoj kaj vizaĝo estas sablokolora.
La alvoko estas distinga zik, kaj la kanto estas klara tru-tru, tri-tri.
Kutimaro
[redakti | redakti fonton]La Brunrubanda emberizo reproduktiĝas en malfermaj arbustaroj, ofte ĉe akvo, kaj ĝi estas tre komuna en Siberio. La ino demetas 4-6 ovojn en nesto surgrunda. Ties manĝo konsistas el insektoj dum idomanĝigado, kaj for de la reprodukta sezono semoj.
Disvastiĝo
[redakti | redakti fonton]Ili reproduktiĝas en nordorienta Eŭropo kaj tra norda Azio. Ĝi estas migranta specio, kiu vintrumas en sudorienta Azio, Barato kaj suda Ĉinio. Ĝi estas rara sed regula vaganto en okcidenta Eŭropo.
Ĝi estis iam klasita kiel Preskaŭ Minacata specio fare de la IUCN.[1] Sed nova priserĉado montris, ke ĝi estas pli rara ol supozite. Sekve ĝi estis listita al Vundebla statuso en 2008.[2]
En 2015 oni disvastigis studon de gazeto "Conservation Biology" laŭ kiu tiu specio, estinte unu el plej abundaj en Eŭrazio, malpliigis sian populacion je 90 % kaj sian teritorion en 5 000 km² ekde 1980. Ĉefa minaco estas la neelteneblaj ĉasindicoj ĉefe en Ĉinio, kie la specio estas konata kiel rizbirdo, ĉar ĝi estas same konsumita kiel rizo, kaj tiu konsumo pliiĝis pro la ekonomia kresko kaj prospero de tiu lando.[3]
Notoj
[redakti | redakti fonton]Referencoj
[redakti | redakti fonton]- BirdLife International (BLI) (2004). Emberiza aureola. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006.
- BirdLife International (BLI) (2008): [https://web.archive.org/web/20080914020126/http://www.birdlife.org/action/science/species/global_species_programme/whats_new.html Arkivigite je 2008-09-14 per la retarkivo Wayback Machine [2008 IUCN Redlist status changes]]. Konsultita la 23an de majo 2008.
Eksteraj ligiloj
[redakti | redakti fonton]- OBC Arkivigite je 2018-12-06 per la retarkivo Wayback Machine 24 fotoj (vidu menuon sube)
|