Celio Calcagnini
Caelio Calcagnini (1479-1541) | ||
---|---|---|
![]() Epistolarum criticarum et familiarum libri XVI, verko publikigita en 1608.
| ||
![]() | ||
Persona informo | ||
Celio Calcagnini | ||
Naskiĝo | 17-a de septembro 1479 en Ferrara, ![]() | |
Morto | 24-a de aprilo 1541 en Ferrara, ![]() | |
Lingvoj | itala • latina vd | |
Alma mater | Universitato de Ferrara Universitato de Padovo | |
Profesio | ||
Okupo | astronomo diplomato verkisto ![]() | |
vd | Fonto: Vikidatumoj | |
Caelii Calcagnini ferrariensis (1479-1541) estis Itala humanisto, poeto, filozofo, historiisto, astronomo, diplomato, kanceliero, helenisto, latinisto, profesoro pri la latina kaj la greka en la Universitato de Ferrara, estas menciita en la verko Orlando Furioso[1] de Ludoviko Ariosto (1474-1533) kaj unu el la ĉefaj reprezentantoj de la intelektularo en Ferrara. Krom renoma astronomo li verkis libron pri la terrevolucio ĉirkaŭ la suno, surbaze de la teorioj de Nikolao Koperniko (1473-1543), kvankam li neniam menciis Kopernikon en sia verkaro[2].
Biografio
[redakti | redakti fonton]![](http://178.128.105.246/cars-http-upload.wikimedia.org/wikipedia/commons/thumb/0/0b/Calcagnini_-_Opere%2C_1544_-_1233192.jpg/220px-Calcagnini_-_Opere%2C_1544_-_1233192.jpg)
Li estis filo de apostola protonotario Mario Calcagnino kaj Lukrecia Costantini. Kiam juna, li servis en la armeo de la imperio, sub la komando de Maksimiliano la 1-a (1459-1519) kaj de la militema papo Julio la 2-a (1443-1513) kaj ankaŭ dum la invado de Karlo la 8-a (Francio) (1470-1498), en 1506. Li ricevis siajn unuajn studojn kiel sia patro, kanoniko tre klera, kaj plenumis la universitatajn kursojn en la lernejo pri homsciencoj el sia naskiĝurbo, sub la gvidado de Battista Guarino (1435-1513) en la klasika beletro, Antonio Cittadini[3] (m. 1518) pri filozofio kaj Nikolao Leoniĉeno (1428-1524) pri medicinaj kaj naturaj sciencoj. Liaj kunstudantoj estis Gasparo Sardi [4] kaj Liljo Gregorio Ĝiraldi[5], kiu lin laŭdegos en sia "Carmina".
Kiam li estis 15-jara, kune kun la patro, li partoprenis en la "misio" de Ferrara, kiu devas alporti en Italion la nevon de Beatrico de Aragono (1457-1508), vidvino de Matiaso Korvino (1443-1490), la kardinalon Hipoliton la 2-a (Este) (1509-1572), kiu estis jam ĉefepiskopo de Esztergom kaj primaso de Hungario. En 1517, Hipolito la 2-a, elprenante la postenon de la maljuna Pellegrino Prisciani[6] (1435-1518), proponas al Kalkanjini kiel oficiala historiisto de la duklando de Ferrara kaj de la Domo de la Este-oj. En la 10-a de septembro, laŭpete de la kardinalo kiu estis rekomendinta sian kandidaton, la Konsilio de la Maljunuloj alprenas, per publika decido, konfidi la oficon de historiografo de la kortego al Kalkanjini, kondiĉe ke li neniam rezignu la instruon en la universitato.
En la 4-a de decembro de la sama jaro, li decidas, kune kun aliaj membroj de la kortego de Ferrara, kiel Ludovico di Bagno, sekretario de Hipolito, kaj la poeto Andrea Marone (1475-1528), akompani la kardinalon al Hungario kiu iris tien por ekposedi la diocezon de Eger. Tie li restis unu jaron kaj duonon, administrante la episkopan sekretariejon kaj daŭrigante siajn akademiajn studojn.
Printempe de 1518, li ĉeestis, kune kun la kardinalo Hipolito, la geedziĝon de la reĝo de Pollando Sigismondo la 1-a (1467-1548) kun Bona Sforza (1494-1557), filino de Gian Galeazzo Maria Sforza (1469-1494), Duko de Milano kaj Izabela d'Este (1474-1539). En tiu okazintaĵo, Kalkanjini estas omaĝita per honortitolo de la pola nobelaro. Dum tiu periodo, li profitis la okazon por viziti aliajn polajn teritoriojn ĝis Dnepro kaj konatiĝi kun la vivo de la ukraina popolo: sperto kiun li poste priskribos en sia "De moribus Scytharum".
Dum mallonga periodo li aktivis kiel diplomato ĉe la Duko de Ferrara en Germanio, Pollando kaj Hungario, kaj dum restado, en 1518, en Krakovo -- kie eble li ricevis novaĵojn pri Nikolao Koperniko (1473-1543) --, li fariĝis profesoro pri belartoj en la Universitato de Ferrara, restinte en tiu posteno ĝis sia morto. Ĝis 1525, li estis mentoro de la estonta kardinalo de Ferrara, Hipolito la 2-a (Este) (1509-1572), kiu iam lin ekzaltos en sia "Commentarius in Venetae classis expugnationem", kiel heroon en la Batalo de Polesella (22-a de decembro 1509).
Samtempe li daŭrigis sian diplomatian karieron: post nomumiĝi kiel kanoniko de la Katedralo de Ferrara, li estas altigita al la rango de apostola protonotario kaj vojaĝis tra Eŭropo kiel reprezentanto de la kardinalo de Ferrara. Li restis kelkatempe en Venecio, Romo kaj Krakovo kaj post dum unu jaro en Hungario. Li partoprenis en la elektado de Karlo la 5-a (1500-1558) kiel reprezentanto de la kardinalo, reveninte finfine al Ferrara, en 1520. En 1539, li fariĝis ambasadoro ĉe la papo Paŭlo la 3-a (1468-1549) nome de la duko de Ferrara, Herkulo la 2-a (1508-1559).
Lia influo kaj la humanismaj studoj
[redakti | redakti fonton]En 1519, li rekte partoprenis en la demando pri imperia elekto. Ludoviko la 1-a (1506-1526) efektive estis unu el la sep elektistoj de la imperio kaj li administris kiel neplenaĝa sub la protektado de Sigismondo la 1-a (1467-1548), sia onklo, kiu ŝajne estis influita je la opinio de Hipolito la 2-a. Samcele, diplomatiaj agentoj ĉe Karlo de Habsburgo kaj Francisko la 1-a (1494-1547) estis misie venintaj al Budapeŝto. La kardinalo, kiu jam estis decidinta apogi la unuan konsidere al la privataj interesoj de la Ŝtato de Ferrara, sendis Kalkanjini al Frankfurto, ĉar li tie loĝis dum la tuta periodo pri ellaboraĵo de la Imperia Dieto, defendante la politikon favore de la Habsburgoj.
En la fino de la germana diplomatia misio, Kalkanjini decidas fari vojaĝon al Italio, kie li konatiĝis kun la tiama intelektularo, ĉiuj protektioj de la papo Leono la 10-a (1475-1521), nome, Hieronimo Aleandro (1480-1542), Marco Fabio Calvo (1440-1527), Paulus Giovius (1483-1552) kaj Raffaello Sanzio (1483-1520), kiu estonte li priskribos kiel studantoj de la antikvuloj. En tiu epoko li eldonis: De libero animi motu, De rebus Aegyptiacis, Descriptio Silentii kaj Anteros, sive de mutuo amore.
Sciencaj studoj
[redakti | redakti fonton]Kalkanjini ankaŭ formulis teorion pri la revolucio de la tero similan al tiu proponita de sia samtempulo Nikolao Koperniko (1473-1543). Tia teorio estis publikigita en sia traktaĵo "Quod caelum stet, terra vero moveatur, vel de perenni motu Terrae" (1525), poste enmetita en sia "Opera aliquot" (1544). Kvankam ne estas registraĵoj, tre eble Koperniko konatiĝis kun Kalkanjini, kiam la pola astronomo studis en Ferrara, akirinte la diplomon pri kanonika juro, en 1503, kaj Kalkanjini ankaŭ vojaĝis al Krakovo, en 1518, kie vivis Koperniko.
La teorio de Kalkanjini konsistis je rotacia movado de la Tero, akompanata de oscila movado. La komponiĝo de ĉi du movadoj estus la kaŭzo, interalie, precesio de la ekvinokso kaj de la oscilado de la marakvo, tiele klarigante la formadon de la tajdoj, kies koncepto estis poste reprenita de Galileo Galilei (1564-1642). Sekve, en la traktaĵo, Kalkanjini apogas la dumtagan rotacion de la Tero, sed ne la jarrevolucio ĉirkaŭ la suno. La libreto estis publikigita en Bazelo, en 1544, kaj longatempe ĝis restis nekonata. Tiu teorio de Kalkanjini influis Andrea Cesalpino (1519-1603), kiu defendis ĝin en sia verko "Quaestiones peripateticae" (1569), kiu siaflanke influis Galilejon, kiu eĉ erare kredis, ke la fenomeno de la tajdoj estas pruvo pri la termovado.
Selektita verkaro
[redakti | redakti fonton]- Commentarii a Philippo Beroaldo conditi in Asinum Aureum Lucii Apuleii: Mox in reliqua Opuscula eiusdem Annota-/tiones imprimentur, 1500, Apuleius, Celio Calcagnini, Benedetto Faelli
- Δικη Φωνηεντων I. Judicium Vocalium, Ejusque Translatio C. Calcagnino Interprete. Gr. & Lat, 1510
- De situ orbis: opus studiosis necessarium, 1522, Dionysius (Periegeta), Quintus Remmius Palaemon, Celio Calcagnini
- De situ orbis: opus studiosis necessarium, 1522, Dionysius (Periegeta), Quintus Remmius Palaemon, Celio Calcagnini
- Coelii Calcagnini libellus elegans de libero arbitrio ex philosophiae ..., 1525
- Disquisitiones aliquot in libros officiorum Ciceronis, 1538
- Herculis vita, 1539, Lilio Gregorio Giraldi, Celio Calcagnini, Johannes Sinapius
- Coelii Calcagnini Apologia Festiuissima Pro Ταυ Contra Σιγμα, Lucianicæ Accusationi Respondens, 1539
- Opera aliquot, 1544, Celio Calcagnini, Antonius Musa Brasavolus, Ercole d'Este
- Coelii Calcagnini, Commentarius de rebus Aegyptiacis, 1544
- M. Tulii Ciceronis defensiones contra Celii Calcagnini disquisitionis in ..., 1548, Jacopo Grifoli, Celio Calcagnini, Marcus Tullius Cicero
- Libri VII de urinis, 1548, Joannes Acturarius, Celio Calcagnini, Jacques Goupyl, Ambrogio Leone
- De Officiis Lib. III. Cvm Copiosissimis Viri longè doctißimi commentariis ...[rompita ligilo], 1556, Marcus Tullius Cicero, Veit Amerbach, Desiderius Erasmus, Philipp Melanchthon, Celio Calcagnini
- De Officiis Lib. III. Cvm Copiosissimis Viri longè doctißimi commentariis ...[rompita ligilo], 1556, Marcus Tullius Cicero, Veit Amerbach, Desiderius Erasmus, Philipp Melanchthon, Celio Calcagnini
- Aristotelis Stagiritae operum tomus secundus, 1563, Aristotelo, Jean Frellon, Symphorien Barbier, Simon Grynäus, Theodōros Gazēs, Leonardo Bruni, Celio Calcagnini
- Epistolae criticae et familiar. Caelii Calcagnini epistolarum criticarum ..., 1608, Celio Calcagnini, Martin Geyßlinger
- Epistolae criticae et familiar. Caelii Calcagnini epistolarum criticarum ..., 1608, Celio Calcagnini, Martin Geyßlinger
- Epistolarum criticarum et familiarum libri XVI, 1608, Celio Calcagnini, Martin Gaysslinger
- Lettera a sua eccelenza reverendissima monsignor Tommaso Guido Calcagnini ..., 1818, Francesco Cancellieri, Tommaso-Guido Calcagnini, Celio Calcagnini
- Lettera a sua eccelenza reverendissima monsignor Tommaso Guido Calcagnini ..., 1818, Francesco Cancellieri, Tommaso-Guido Calcagnini, Celio Calcagnini
- De Re Nautica Commentatio
Literaturo
[redakti | redakti fonton]- Contemporaries of Erasmus: A Biographical Register of the ..., Volumes 1-3, Peter G. Bietenholz, Thomas Brian Deutscher
- Ciceronian Controversies, JoAnn DellaNeva
- Della vita e degli scritti di Monsignor Celio Calcagnini protonotario ..., Tommaso Guido Calcagnini
- Homo Viator: Itineraries of Exile, Displacement and Writing in Renaissance ..., George Hugo Tucker
- Poetes Italiens de La Renaissance Dans La Bibliotheque de La Fondation ..., Jean Balsamo
- The Correspondence of Erasmus: Letters 1535 to 1657, January ..., Volume 11, Desiderius Erasmus
- Bring Out Your Dead: The Past as Revelation, Anthony Grafton
- Copernicus in the Cultural Debates of the Renaissance: Reception, Legacy ..., Pietro Daniel Omodeo
- Biographical Encyclopedia of Astronomers, Thomas Hockey, Katherine Bracher, Marvin Bolt, Virginia Trimble, JoAnn Palmeri, Richard Jarrell, Jordan D. Marché, F. Jamil Ragep
- Dissimulation and the Culture of Secrecy in Early Modern Europe, Jon R. Snyder
- Roman Popes and German Patriots: Antipapalism in the Politics of the German ..., Kurt Stadtwald
- Johannes Sinapius (1505-1560): Hellenist and Physician in Germany and Italy, John L. Flood
- Humanistica Lovaniensia, Gilbert Tournoy
- The Cabinet of Eros: Renaissance Mythological Painting and the Studiolo of ..., Stephen John Campbell
- Verso l'epilogo di una convivenza: gli ebrei a Bologna nel XVI secolo, Maria Giuseppina Muzzarelli
- The Complete Writings of an Italian Heretic, Olympia Morata
- Letters and Letter Fragments[rompita ligilo], Jean de Pins
- Christian Humanism: Essays in Honour of Arjo Vanderjagt, A. Alasdair A. MacDonald, Zweder R. W. M. von Martels, Jan Riepke Veenstra
- Games, Gods, and Gambling: A History of Probability and Statistical Ideas, Florence Nightingale David
- The Literary Gazette: A Weekly Journal of Literature, Science, and ..., Volume 3, Lovell Augustus Reeve, John Mounteney Jephson, Shirley Brooks, Henry Christmas, George Augustus Frederick Fitzclarence (1-a Grafo de Munster)
- Doctor Copernicus, John Banville
- Women and the Reformation, Kirsi Stjerna
- The King of Court Poets
- The Flowering Of The Renaissance, Vincent Cronin
- A Universal Biography: 3d series. [15th-16th cent, John Platts
- Retrying Galileo, 1633-1992, Maurice A. Finocchiaro
- A History of Classical Scholarship: From the Revival of Learning to the End ..., John Edwin Sandys
- The Correspondence of Reginald Pole: A biographical companion: the British Isles, Reginald Pole
Vidu ankaŭ
[redakti | redakti fonton]Referencoj
[redakti | redakti fonton]- ↑ The Orlando Furioso; Tr. Into English Verse, by W.S. Rose, Volume 8, Lodovico Ariosto
- ↑ The Life of Copernicus (1473-1543), Pierre Gassendi, Oliver Thill
- ↑ Auscultationes in parvam artem Galeni, Antonio Cittadini
- ↑ Epistolarum liber ... ejusdem de triplici philosophia commentariolus ..., Gasparo Sardi
- ↑ Lilivs Gregorivs Gyraldvs de Poetis Nostrorvm Temporvm, Liljo Gregorio Ĝiraldi, Cinzio Giraldi, 2009.
- ↑ Visual Cultures of Secrecy in Early Modern Europe, Timothy McCall, Sean Roberts, Giancarlo Fiorenza