Cuevas de San Marcos (Kavoj de Sankta Marko) estas hispana municipo de la provinco Malago, regiono Andaluzio. Estas en la plej norda parto de la marborda provinco Malago, kiu siavice estas en la Costa del Sol, borde de la Mediteranea Maro kaj sur la deklivaro de montaro.
Cuevas de San Marcos en la provinco Malago.
Ĝi estas ene de la Comarca Nororiental de Málaga, nome en la norda zono de la komarko de Antequera, lime kun la provinco Kordovo, el la valo de la rivero Genil ĝis la montaroj Sierra de Malnombre kaj Camorro de Cuevas Altas. Tiu municipo estas je altitudo de 420 metroj super la marnivelo.
Laŭ ŝoseo ĝi estas je 88 km de Malago kaj je 487 km de Madrido. Temas pri vilaĝo de agrikultura ekonomio, kun dominado de la kultivo de la olivarboj kaj la produktado de la olivoleo de la varianto "Hojiblanca" [oĥiBLANka].
La nomo derivas el la katolika patrono, la Evangeliisto Sankta Marko kaj el la konata kavo de Belda, kun granda profundo kaj impresaj formaĵoj de stalaktitoj kaj stalagmitoj. En la interno de la kavo loĝas kolonio de endemiaj vespertoj pro kio ĝi estas vizitebla nur dum kelkaj monatoj en la jaro. La municipo havas areon de ĉirkaŭ 37'50 km².