Esperanto-Asocio de Britio
Esperanto-Asocio de Britio | |
---|---|
Esperanto Association of Britain | |
![]() | |
Lando | ![]() |
Tipo | landa Esperanto-asocio |
Fondiĝo | 1904 / 1976 |
Interretejo | www |
Esperanto-Asocio de Britio (EAB; angle Esperanto Association of Britain) estas la plej granda Esperanto-asocio en tiu lando. Ĝi fondiĝis en 1976 kiel registrita bonfara asocio surbaze de la Brita Esperanto-Asocio. EAB tiel estas la heredanto de iama BEA, kiu fondiĝis en 1904, kaj rigardis la jaron 2004 kiel sian propran centjariĝon.
Agadoj
[redakti | redakti fonton]EAB eldonas du revuojn:
- EAB Ĝisdate (pli ofte konata laŭ sia angla nomo "Update"), kiu enhavas novaĵojn kaj diversajn artikolojn kaj en Esperanto kaj en la Angla;
- La Brita Esperantisto, literatura kaj kultura revuo, tute en Esperanto.
EAB ankaŭ eldonas librojn en kaj pri Esperanto, instruas la lingvon per kursoj, kaj organizas ĉiujaran landan kongreson.
Strukturo
[redakti | redakti fonton]Regionaj federacioj
[redakti | redakti fonton]![](http://178.128.105.246/cars-http-upload.wikimedia.org/wikipedia/commons/thumb/9/92/1988_Esperanto_Asocio_de_Britujo.jpeg/220px-1988_Esperanto_Asocio_de_Britujo.jpeg)
![](http://178.128.105.246/cars-http-upload.wikimedia.org/wikipedia/eo/thumb/6/6f/Anglalingva_emblemo_de_Esperanto-Asocio_de_Britio.png/220px-Anglalingva_emblemo_de_Esperanto-Asocio_de_Britio.png)
Tradicie la Esperanto-Asocio de Britio dividis tutan Brition inter regionaj federacioj, el kiuj tamen iuj pro tro grandaj geografiaj distancoj komence de la 21-a jarcento ne plu funkciis.[1] La Esperanto-Federacio de Yorkshire kaj Humberside kune kun la Nordokcidenta Esperanto-Federacio kaj iuj aliaj apartenas al la kontinue funkciantaj regionaj sekcioj.
Estraro
[redakti | redakti fonton]En 2021 la membroj de la komitato estas[2]:
- Simone Davis (Vicprezidanto)
- Edmund Grimley Evans (Prezidanto)
- Clare Hunter (Kasisto)
- Anna Langley
- Lajo Miller (Sekretario)
Sidejo
[redakti | redakti fonton]![](http://178.128.105.246/cars-http-upload.wikimedia.org/wikipedia/eo/thumb/9/91/Esperanto-domo_Barlaston_%28memortabulo%29.jpg/220px-Esperanto-domo_Barlaston_%28memortabulo%29.jpg)
Ekde 2001 la sidejo de EAB troviĝas en la vilaĝo Barlastono (angle: Barlaston), kelkajn kilometrojn sude de la urbo Stoke-on-Trent, en Okcidentmezlanda Anglio. Ĝi havas rilaton kun la apuda Wedgwood Memorial College, kiun ĝi uzas por kursoj kaj kunvenoj. Ankaŭ la Biblioteko Butler (kiu enhavas la kolekton de Montague Butler) troviĝas en la samaj konstruaĵoj.
Antaŭaj oficejoj estis ĉe 17 Hart St, Londono, WC1 tiam 140 Holland Park Avenue, Londono, WC11.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Precipa retejo Arkivigite je 2012-06-02 per la retarkivo Wayback Machine
- Aktualaĵoj el EAB (precipe anglalingvaj) Arkivigite je 2011-07-08 per la retarkivo Wayback Machine
- EAB sur la retejo de UEA
- Junularo Esperantista Brita Arkivigite je 2006-06-12 per la retarkivo Wayback Machine
- Orienta Esperanta Federacio (arkivigite laŭ la stato de julio 2012)
- Okcident-mezlanda Federacio
- Sud-Orienta Esperanta Federacio
- Kimra Federacio
- Esperanto-Asocio de Skotlando
Referencoj
[redakti | redakti fonton]- ↑ Paul Gubbins pri la regionaj Esperanto-federacioj en La Brita Esperantisto, aŭtuno 2002
- ↑ angle “EAB People„ en la retejo de EAB
|