El Vikipedio, la libera enciklopedio
La federacia vojo 28 - germane Bundesstraße 28 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Ĝi vojas 218 kilometrojn plejparte tra la federacia lando Baden-Virtembergo kaj tre mallonge tra Bavario. La plej okcidenta punkto estas la urbo Kehl ĉe la limo al Alzaco, proksime de Strasburgo, kaj la plej orienta la komunumo Senden proksime de Ulm ĉe la limo inter Baden-Virtembergo kaj Bavario. Gravaj urboj survojaj estas Freudenstadt, Rottenburg am Neckar, Bühl, Reutlingen, Blaubeuren kaj Ulm. Dum la plej okcidentaj 12 kilometroj ekde la rejna ponto inter Strasburgo kaj Kehl la vojo estas ankaŭ la eŭropa ŝoseo 35, tiam ĝi konektiĝas al la germana aŭtovojo A5, ĉe Rottenburg al la germana aŭtovojo A81, kaj tute oriente ĉe la komunumo Senden enfluas la aŭtovojon A7.
![](http://178.128.105.246/cars-http-upload.wikimedia.org/wikipedia/commons/thumb/b/b4/Beginn_der_B28_in_kehl.JPG/360px-Beginn_der_B28_in_kehl.JPG)
plej okcidenta punkto de la vojo en la urbo
Kehl
|
Ĉi tiu artikolo ankoraŭ estas ĝermo pri vojo.
|