Konuro
![](http://178.128.105.246/cars-http-upload.wikimedia.org/wikipedia/commons/thumb/1/15/Birds_Sun_Conure.jpg/220px-Birds_Sun_Conure.jpg)
![](http://178.128.105.246/cars-http-upload.wikimedia.org/wikipedia/commons/thumb/f/f9/NandayConure-Jack.jpg/220px-NandayConure-Jack.jpg)
Konuroj (angle kaj france conure) estas netaksona grupo de malgrandaj kaj mezgrandaj papagoj kun mallonga korpo kaj relative longa vosto. Oni ĝenerale uzas tiun ĉi terminon por anoj de kelkaj genroj en familio de neotropisaj papagoj el subfamilio Arinae. Estiel nescienca termino, la vorto "konuro" estas plejparte uzata en birdobredada kulturo, sed ĝi jes aperas en sciencaj verkoj, aparte kiel parto de kutimaj nomoj de certaj genroj kaj specioj.[1]
Genroj
[redakti | redakti fonton]Iam ĉiuj birdoj nomataj konuroj estis unuigitaj en unu parafiletikan genron Conuropsis.[2] Poste pro disvolvo de metodoj de filogenetiko, aparte de molekula filogenetiko, la genro estis dispartigita je kelkaj novaj genroj, iuj el kiuj eĉ ne estas tre parencaj. Jen la (probable nekompleta) listo de genroj kies specioj estas nomataj konuroj:
- Aratinga — aratingoj aŭ veraj konuroj
- Pyrrhura — ruĝavostaj konuroj
- Eupsittula — brungorĝaj aratingoj aŭ konuroj
- Psittacara — palbekaj aratingoj aŭ konuroj
- †Conuropsis — unu specio, Karolina konuro (formortinta)
- Cyanoliseus — unu specio, Patagonia konuro
- Enicognathus — smeraldaj konuroj
- Guarouba — unu specio, ora aratingo aŭ konuro
- Leptosittaca — unu specio, Anda konuro
- Ognorhynchus — unu specio, ororela konuro
- Thectocercus — unu specio, blukrona aratingo aŭ konuro
Referencoj
[redakti | redakti fonton]- ↑ (2008) “Individual recognition and selective response to contact calls in foraging brown-throated conures, Aratinga pertinax”, Animal Behaviour 76 (5), p. 1715–1725. doi:10.1016/j.anbehav.2008.08.007.
- ↑ Newton, Alfred (1911). "Parrot". In: Chisholm, Hugh (ed.). Encyclopædia Britannica. 20 (11th ed.). Cambridge University Press. pp. 863–864.