Nigrabeka aremono
![]() | ||||||||||||||
---|---|---|---|---|---|---|---|---|---|---|---|---|---|---|
![]() Nigrabeka aremono
| ||||||||||||||
Biologia klasado | ||||||||||||||
| ||||||||||||||
Arremon taciturnus (Hermann, 1783) | ||||||||||||||
Konserva statuso | ||||||||||||||
![]() | ||||||||||||||
Aliaj Vikimediaj projektoj
| ||||||||||||||
La Nigrabeka aremono (Arremon taciturnus) estas specio de birdo de la familio de Emberizedoj kaj genro de Aremonoj.
Ĝi troviĝas en Bolivio, Brazilo, Kolombio, Gujanoj, Peruo kaj Venezuelo. Ties natura habitato estas subtropikaj aŭ tropikaj humidaj arbaroj de malaltaj teroj. Ĝi distribuiĝas en la tuta Amazona Baseno escepte en la okcidentaj partoj kaj en nordorienta kaj orienta Brazilo. Ĝi estas kutime malfacile videbla kaj troviĝas en subkreskaĵaro de arbaroj.
La Nigrabeka aremono, kiel sia nomo sugestas, havas nigran bekon, dum plej parto de la aliaj aremonoj havas flavajn bekojn. Sed por ioma konfuzigo tamen la subspecio A. t. axillaris de nordorienta Kolombio kaj okcidenta Venezuelo havas flavan suban makzelon. La Nigrabeka aremono havas ankaŭ kompletan nigran brustozonon, kiel la Nigrakrona aremono, la Oranĝbeka aremono kaj la Flavbeka aremono, anstataŭ nur flankajn makulojn kiel la Franciska aremono, la Orflugila aremono kaj la Duonkoluma aremono. Krome la nigrablanka kapobildo estas bele preciza, kun blankaj kronostrio kaj superokulaj strioj, krom la gorĝareo, dum estas nigraj subkronaj strioj kaj vizaĝozonoj. La nigra brustozono sekvas kiel griza nukozono, kaj sub tiu la subaj partoj estas tre helgrizaj, dum la dorso estas olivverdeca kun tre sulfurflavaj ŝultrareoj. Vosto kaj flugilplumoj estas grizaj. La kruroj estas rozgrizaj kaj la beko, krom la menciita koloro, estas tre fortika kaj pli dika ĉebaze ol ĉe aliaj samgenranoj.
Referencoj
[redakti | redakti fonton]- BirdLife International 2004. Arremon taciturnus[rompita ligilo]. 2006 IUCN Ruĝa Listo de Minacataj Specioj. Konsultita la 25an de julio 2007.
|