Rokburgo
![](http://178.128.105.246/cars-http-upload.wikimedia.org/wikipedia/commons/thumb/5/58/Burgspangenbergrp.jpg/220px-Burgspangenbergrp.jpg)
Rokburgo estas mezepoka burgo, ĉe kiu naturaj rokaĵoj estis utiligata por konstrui la burgon. Topografe rokburgo apartenas al la grupo de altaĵburgoj.
Instalaĵo
[redakti | redakti fonton]La diferenco al ordinara altaĵburgo estas, ke tiu uzas la naturan rokon nur kiel fundamento por la konstruaĵoj. Ĉe rokburgo la kompleta roko estas uzata kaj la kompleta burgo au aprton de lab urgo estas ĉizelita en la rokon.
La roko ĉiamestas integrita en la burga instalaĵo. Se la rokaĵo estas facile prilaborebla (ekzemple sabloŝtono) ĉambroj, koridoroj, ŝtuparoj, putoj kaj akvosisternoj estas konstruitaj en ĝi. La el ligno konstruitaj konstruaĵoj uzis la rokon kiel fundamento kaj vando. Restaĵoj de lignoj ne konserviĝis, sed situo kaj aspekto estas rekonstruitaj pro la trabaj truoj.
Rokburgoj ekzistas relative ofte en suda Palatinato (Palatinata Arbaro), en norda Alzaco (Nordvogezoj) krome en norda Bohemio kaj la Saksa Svislando, kie troviĝas sabloŝtonaj rokoj, kiuj estas kondiĉo por relative facila konstruo de rokburgo.
La plej multaj rokburgoj ne plu ekzistas hodiaŭ. Ofte la instalaĵoj estis malkonstruitaj kaj ili estis uzataj de la apudaj homoj kiel ŝtonminejo. Krom la ŝpuroj en la roko ne restis multe. Kelkaj rokburgoj ankoraŭ estas imponaj ruinoj, ekzemple Burgo Neuwindstein. Nur malmultaj rokburgoj estis rekonstruitaj en la antaŭlasta jarcento, kiel ekzemple la burgon Berwartstein fine de la 19a jarcento kaj la regnan burgon Trifels, kiu estis plivastigita en la tempo de la Nacisocialismo al „nacia konsekrejo“. En ambaŭ kazoj ne temas pri rekonstruo, sed pri novtempa kreado.
Elĉizita burgo
[redakti | redakti fonton]![](http://178.128.105.246/cars-http-upload.wikimedia.org/wikipedia/commons/thumb/e/ed/Burg_Rotenhan.jpg/220px-Burg_Rotenhan.jpg)
Por tiaj burgoj oni ankaŭ povas uzi la terminon elĉizita burgo.[1] Ekzemploj de tiu konstrutipo estas burgo Fleckenstein, regna burgo Trifels kaj burgo Altwindstein. Estas certa simileco al la kavernburgoj, kiuj ofte estas pligrandigitaj de artefaritaj ĉamboj.
Gravaj Rokburgoj
[redakti | redakti fonton]![](http://178.128.105.246/cars-http-upload.wikimedia.org/wikipedia/commons/thumb/4/4a/Basteibr%C3%BCcke_morgens_%28Zuschnitt%29.jpg/220px-Basteibr%C3%BCcke_morgens_%28Zuschnitt%29.jpg)
en Francio:
En Germanio:
- Burgo Altdahn, Palatinata Arbaro
- Burgo Grafendahn, Palatinata Arbaro
- Burgo Tanstein, Palatinata Arbaro
- Burgo Scharzfels, piede de la Harco
- Rokburgo Neurathen, Saksa Svislando
- Neuer Wildenstein, Saksa Svislando
- Winterstein, Saksa Svislando
- Burgo Regenstein, Harzvorland
- burgo Buchfart, Turingio
En Ĉeĥio:
- Burgo Frýdštejn, Bohemia paradizo
- Rokburgo Rotštejn, Bohemia paradizo
- Rokburgo Valečov, Bohemia paradizo
- Rokburgo Vranov, Bohemia paradizo
- Burgo Helfenburk, Duba Svislando
- Rokburgo Sloup, Luzacia montaro
- Rokburgo Šaunštejn, Bohemia Svislando
En Italio:
- fortikaĵo Covolo (Covolo di Butistone), Venetio
Referencoj
[redakti | redakti fonton]- ↑ Piper, Otto: Burgenkunde. Bauwesen und Geschichte der Burgen. München 1912, S. 559.
Literaturo
[redakti | redakti fonton]- Marco Bollheimer: Felsenburgen im Burgenparadies Wasgau–Nordvogesen,, 3a eldono, Selbstverlag, Karlsruhe, 2011 ISBN=978-3-9814506-0-6
- Walter Herrmann: Auf rotem Fels. G. Braun Buchverlag Karlsruhe, ISBN 978-3765085659