Ruĝkapa pinikolo
![]() | ||||||||||||||
---|---|---|---|---|---|---|---|---|---|---|---|---|---|---|
![]() Ruĝkapa pinikolo, masklo
![]() Ruĝkapa pinikolo, ino (La inoj havas flavan kapon, male al la maskloj kiuj havas ruĝan.)
| ||||||||||||||
Biologia klasado | ||||||||||||||
| ||||||||||||||
Pinicola subhimachala (Hodgson, 1836) | ||||||||||||||
Konserva statuso | ||||||||||||||
Aliaj Vikimediaj projektoj
| ||||||||||||||
La Ruĝkapa pinikolo aŭ Himalaja pinikolo (Pinicola subhimachala) estas unu el la du birdospecioj de la genro de Pinikoloj en la familio de Fringedoj. Ĝi estis foje lokita en la monotipa genro Propyrrhula, kaj povus esti kunigita kun la karpodakoj (Carpodacus kaj aliaj).
Ĝi troviĝas ĉe Himalajo (kio pravigas nomigojn laŭ la alternativa komuna nomo kaj laŭ la latina scienca nomo), precize en Butano, sudokcidenta Ĉinio, norda Barato, norda Birmo kaj Nepalo. Ties natura habitato estas moderklimataj arbaroj kaj arbustaroj.
Ĝi estas mezgranda fringedo, ĉirkaŭ 20 cm longa. Ĝi estas simila al la ununura samgenrano, la Pinikolo, sed ne tiom markate ĉu en la malhelaj partoj ĉu per la ĝenerala rozruĝa koloro kaj tiele plenkreskuloj havas longan forkoforman brunan voston, brunajn flugilojn (kaj ne nigrecajn) sen videblaj blankaj flugilstrioj kaj grandan fortikan malhelgrizan bekon sed ne tiom fortikan kiom la amerika samgenrano kaj la supra makzelo ne estas tiom hokeca. Masklaj plenkreskuloj havas pli rimarkindajn skarlatruĝajn kapon (kun bruna traokula strio, ne tiom videbla superokula kaj tre markataj kronaj) kaj gorĝareon, dum estas pli rozkolorecaj la subaj partoj (kun grizbrunaj flankoj) kaj ĉefe la pugo, dum la dorso estas ne rozeca sed brune strieca.
Referencoj
[redakti | redakti fonton]- BirdLife International 2009. Pinicola subhimachala Arkivigite je 2011-06-05 per la retarkivo Wayback Machine. 2009 IUCN Ruĝa Listo de Minacataj Specioj. Konsultita la 20an de marto 2007.
|