Universitato de Kentukio
![](http://178.128.105.246/cars-http-upload.wikimedia.org/wikipedia/commons/thumb/0/00/UKMillerHall.jpg/220px-UKMillerHall.jpg)
La Universitato de Kentukio (angle University of Kentucky; mallongige UK) estas usona publika, gestudanta universitato en Leksingtono en la ŝtato Kentukio. Ĝi estas la plej granda universitato en la ŝtato, kun 27.209 studentoj.
John Arkisto fondis la universitaton en 1865. La urbo donis por ĝi 52 akreojn (21,04 hektarojn). La nuna areo de la universitato estas 270 akreoj (109,2 hektaroj).
Komence, la universitato enregistrigis nur virojn kiel lernantojn, sed en 1880, la unuaj lernantinoj ekpartoprenis ĝin.
Organizo
[redakti | redakti fonton]La universitato konsistas el pluraj kolegioj kaj lernejoj:
- kolegio de Agrikulturo , Manĝaĵo kaj Medio - fondita en 1908
- kolegio de Artoj kaj Sciencoj - fondita en 1908
- kolegio de Juro - fondita en 1908
- kolegio de Inĝenieristiko - fondita en 1918
- kolegio de Dezajno - fondita en 1923
- kolegio de Eduko - fondita en 1923
- kolegio de Komercadministracio kaj Ekonomiko - fondita en 1925
- kolegio de Apoteko - fondita en 1947
- kolegio de Medicino - fondita en 1954
- kolegio de Dentokuracado - fondita en 1956
- kolegio de Flegado - fondita en 1956
- kolegio de Socia Laboro - fondita en 1969
- kolegio de Sansciencoj - fondita en 1966
- kolegio de Belartoj - fondita en 1976
- kolegio de Komunikado kaj Informadiko - fondita en 1993 (surbaze de la Kolegio pri Informadiko fondita en 1970 kaj la Kolegio pri Komunikado fondita en 1976)
- kolegio de Popolsano - fondita en 2004
- lernejo de Altnivelaj Studoj - fondita en 1917
- lernejo de Diplomatio kaj Internacia Komerco - fondita en 1959
- lernejo de Publika Politiko kaj Administracio - fondita en 1976
Basketbalo
[redakti | redakti fonton]La universitato estas fama pro ĝia basketbala teamo, sporto tre populara en Usono. La basketbala teamo komencis ludi en 1903. La teamo ludas sub la kromnomo Kentucky Wildcats (Kentukiaj Sovaĝaj Katoj). Laŭ statistikaĵoj, tiu estas la plej ofte venkinta universitata basketbala teamo en la mondo.
Rimarkindaj diplomitoj
[redakti | redakti fonton]- Steve Beshear, nuna ŝtatestrode Kentukio
- Ashley Judd, aktorino
- Jean Ritchie, popolmuzika kantistino
- Ernie Flecher,eksŝtatestro de Kentukio
- William Lipscome, kiu ricevis la Nobel-premion pri kemio en 1976.
- A.B. Chandler, eks-prezidento de la Usona Granda Ligo de Basbalo
- Thomas Hunt Morgan kiu ricevis la Nobel-premion pri fiziologio aŭ medicino en 1933
- John Scopes, persekutita en 1925 pro akuzo, ke li instruis la kontraŭbiblian Darvinan teorion de evoluismo ĉe publika lernejo en Tenesio.