Wikipedia, Entziklopedia askea
1955eko Espainiako Itzulia Itzuli Handi honen 10. edizioa izan zen. 1955eko apirilak 23 eta maiatzak 8 artean ospatu zen, 15 etapatan banatutako 2740 kilometroko ibilbidea eginez eta Bilbaon hasi eta amaituz.
Lau urtez proba hau ospatu gabe egon ondoren, El Correo egunkaria arduratu zen Vueltaren antolakuntzaz, Itzulia berrabiaraztea lortuz eta txirrindularien kopurua eta kalitatea handituz.
Beste berrikuntza bat maillot horia sartu izana da sailkapen nagusiko liderra bereizteko.
106 txirrindularik parte hartu zuten 18 taldetan banatuta, eta 63 izan ziren proba amaitu zutenak.
Garailea Jean Dotto frantziarra izan zen, eta proba, batez beste, 33,799 kilometro orduko abiaduran bete zuen. Puntukako sailkapena Fiorenzo Magnirentzat izan zen, mendikoa Giuseppe Burattirentzat eta taldekakoa Frantziako talde nazionalarentzat.
Etapa gehien irabazi zituen Fiorenzo Magni izan zen, 3 etaparekin. Jesus Galdeano izan zen etapa bat irabazi zuen euskal txirrindulari bakarra.
Lau sailkapen jokatu ziren eta honakoak izan ziren emaitzak: