An Daingean
An Daingean | |
---|---|
![]() | |
Administrazioa | |
Estatua | ![]() |
Probintzia | ![]() |
Konderria | ![]() |
Geografia | |
Koordenatuak | 52°08′24″N 10°16′18″W / 52.139915°N 10.27153°W |
![]() | |
Altuera | 1 metro |
Demografia | |
Biztanleria | 1.965 (2011) |
Bestelako informazioa |
An Daingean (ingelesez Dingle, irlanderaz Daingean Uí Chúis ere deitu ohi zaio, azken honen esanahia "O'Cuisen Gotorlekua" da) Irlandako hego-mendebaldean dagoen Kerryko konderrian kokatzen udalerria da, izenbereko Dingle penintsulan dago eta honen hiriburua edo udalerri nagusia da. Bestalde, izen bereko Dingle badian ere badago. Dingle herria Kerryko Gaeltacht eremuaren bihotz-bihotzean dago, honenbestez, irlandera edo gaelerar hiztunen lur eremuan.
Udalerri honetako jarduera ekonomiko garrantzitsuenak turismoa, arrantza eta inguruko baserrietako nekazaritza dira. 2006ko erroldaren arabera Dingle udalerriak 1.920 biztanle zituen[1].
Leku interesgarriak
[aldatu | aldatu iturburu kodea]Dingle udalerriko St. Mary eliza J. J. McCarthy eta O'Connell arkitektoek neogotiko eran eraiki zuten. Bere eraikitze hastapeneko harria 1862. urtekoa da.
Udalerri honetan irlandar musika herrikoia entzuteko aukera ugari eta bikainak daude, bereziki udako turismo garaian. Dingle udalerriak hainbat pub edo taberna ditu, bai eta jatetxea eta kafetegiak ere. Dingle Oceanworld izeneko Aquarium bat ere badago. Udalerriko arte eszena edo giroa ere handituz doa, mota askotako artisauak daudelarik: Brian de Staic bitxigileak bere egoitza bertan du, bai eta Louis Mulcahy buztingile eta Sean Daly kristalari maisuak ere.
Azkenik Kerry Camino Donejakue bidearen antzera eginiko ibilbideak Tralee eta Dingle elkartzen ditu.
Fungi, Dingle udalerriko izurdea
[aldatu | aldatu iturburu kodea]1984tik aurrera Dingle badian izurde bat agertu ohi da. Bertakoek Fungi izena eman eta bisitarien ikuskizun gogokoenetakoa bilakatu da[2]. Izurdea portutik ateratzen diren antolatutako biretako itsasontzien aurrean ageri ohi da. Normalki bere motako izurdeak bakarrik edo multzo txikietan igeri egin ohi dute, halere bere motako izurdeek ez bezala Fungik gizakiekin hartu-emana izatea gustokoa duela dirudi[3]. Batzuek dioetenez Fungi izurdea 1970. hamarkada erdialdera jaioko zen eta bere 25 urtetako adinerako bizi esperientzia normala edukiko luke, gaur egun bere motako izurdearen adinarentzako oso zaharra litzateke[4]. Gaur egun Dingle udalerrian Fungi izurdearen omenezko brontzezko irudi edi eskultura bat dago[5]
Herritar ezagunak
[aldatu | aldatu iturburu kodea]- Mícheál Ó Muircheartaigh (1930- ), Joko Gaelikoetako telebista eta irratiko esataria.
-
Dingle udalerrian dagoen Fungi izurdearen brontzezko irudia
-
Fungi izurdea Dinglego badian jauzika
-
Turistak itsasontzitik Fungi izurdeari begira
Iruditegia
[aldatu | aldatu iturburu kodea]-
Dingle udalerriko John Street kalea
-
John Benny Moriarty taberna
-
St. Mary eliza
-
Dinglego etxe koloreanitzak
-
Dingle badia, udalerria eta bere portuaren ikuspegia
-
Harbour Street
-
Hezkuntza eta Zeltiar Kulturaren Institutua
Herri senidetuak
[aldatu | aldatu iturburu kodea]Santa Barbara (AEB)
Tolfa (Italia)
Ikus gainera
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ 2006ko errolda – 1.go bilduma – Eremuaren arabera sailkatutako populaketa. 2006ko Estatistika Bulego Naguziaren Txostena. 2007ko apirila. (Ingeleraz).
- ↑ Dingle udalerriko Fungi izurdeari buruzko artikulua
- ↑ Ahaztu Fungi, Flipper behar dugu. The Irish Independent.
- ↑ RTE kateak ekoiztutako dokumentala.
- ↑ Fungiren izurdea.