Pasaje Begoñako sarekada handia
Pasaje Begoñako sarekada handia | |
---|---|
![]() | |
Mota | polizia sarekada |
Honen parte da | Homosexuality in Francoist Spain (en) ![]() |
Denbora-tarte | 1971ko ekainaren 25a - 1971ko ekainaren 26a |
Kokaleku | Pasaje Begoña (en) ![]() |
Herrialdea | Frankoren diktadura |
Atxilotu kopurua | 119 |
![](http://178.128.105.246/cars-http-upload.wikimedia.org/wikipedia/commons/thumb/a/a0/Pasaje_Bego%C3%B1a_3.jpg/250px-Pasaje_Bego%C3%B1a_3.jpg)
Pasaje Begoñako sarekada handia Espainiako poliziak LGBT kolektiboen aurka egin zuen sarekada handia izan zen, 1971ko ekainaren 25ean eta 26an gertatua, Espainiako hegoaldeko Torremolinos hirian, Andaluziako hegoaldeko Malagako probintzian. 119 pertsona atxilotu zituzten.[1] Sarekada une garrantzitsutzat erreibindikatu da Espainiako LGBT kolektiboen historian.
Sarekada
[aldatu | aldatu iturburu kodea]Erasoaldian, polizia frankistak L formako kalexkan zeuden 300 pertsona identifikatu eta 119 inguru atxilotu zituen. Urte horietan, kalexkak Pasaje Begoña izena zuen —geroago, 1981eko martxoaren 1ean, Pasaje Gil Vicente izena jarri zioten—, eta gutxienez 50 taberna eta zuzeneko musika-lokal zeuden bertan. Horietako asko izan ziren herrialdeko LGBT publikoarentzako lehen establezimenduak.
Pasartean sarekadak izan ziren aurretik, baina Poliziaren esku-hartze txikiak izan ziren. Hala ere, Víctor Arroyo Malagako gobernadore zibilaren aginduak, pertsonak identifikatu eta atxilotzeaz gain, lokalei isunak eta itxiturak ezarri zizkien. Guztira, gaueko 23 lokal ixtea erabaki zen Torremolinosen. Sarekadaren aurreko egunean, «Caramela» jai-aretoa eta «Evans» eta «Noe» gaueko tabernak ixteko agindua eman zen.[2] 1971ko sarekadaren lekukoetako bat Manolita Chen artista izan zen.[3]
Sara Montiel, Massiel, John Lennon, Amanda Lear edo Coccinelle bezalako pertsona ospetsuak joaten ziren bertara. Francisco Franco jeneralaren diktadura betean askatasunen oasia izatearen ospea zuen pasarteak. Tabernarik ezagunenetako bat The Blue Note taberna izan zen, Pia Beck abeslari holandar eta jazz pianistak eta Marga Samsonowskik osatutako bikoteak sortua eta zuzendua.[4]
Memoriaren lekua
[aldatu | aldatu iturburu kodea]2018an, Andaluziako Juntak eta Diputatuen Kongresuak Begoña Pasartea Memoria Historikoaren Leku eta LGTBI Eskubide eta Askatasunen Sorleku izendatu zuten.[5]
2019ko ekainaren 1eko ONCE erakundearen loteria-zozketan, kupoietan Pasaje Begoñari egindako omenaldi bat egin zen. Estatuko Loteriak, bestetik, Begoña Pasaiari eskaini zioten urte bereko ekainaren 22ko loteria-zozketarako txartelen diseinua, bertan hasitako LGBT eskubideen aldeko sarekada eta borroka oroituz.[6]
2020ko ekainaren 15ean, Espainiako Correosek Pasaje Begoñako sarekada oroitzeko posta-emisio bat egin zuen, LGBT banderaren koloreak erakusten zituen zigilu batekin.[7]
Erreferentziak
[aldatu | aldatu iturburu kodea]- ↑ https://hemeroteca.lavanguardia.com/preview/1971/06/27/pagina-8/33605560/pdf.html
- ↑ https://pasajebegona.com/la-gran-redada-del-24-de-junio-de-1971/
- ↑ https://www.eldiario.es/andalucia/testigos-redada-franquista-pasaje-begona-reviven-libertad-alegria-cuna-derechos-lgtbi-espana_1_8066461.html
- ↑ https://www.eldiario.es/andalucia/pasaporte/pasaje-begona-torremolinos-lgtbi-pasaje-begona_1_1444845.html
- ↑ https://web.archive.org/web/20230629075755/https://viajes.nationalgeographic.com.es/lifestyle/pasaje-begona-stonewall-espanol-que-convirtio-torremolinos-ciudad-libre_15665
- ↑ https://andaluciainformacion.es/torremolinos/833009/loterias-dedica-el-decimo-del-22-de-junio-al-pasaje-begona/
- ↑ https://www.dosmanzanas.com/2020/06/correos-lanza-por-primera-vez-un-sello-postal-en-homenaje-al-orgullo-lgtbi-y-el-pasaje-begona-cuna-de-los-derechos-y-libertades-del-colectivo.html
Kanpo estekak
[aldatu | aldatu iturburu kodea]- (Gaztelaniaz):Pasaje Begoña Elkartea.
- (Gaztelaniaz):José María Valcuende irakaslearekin elkarrizketa.
- (Gaztelaniaz):Gaiari buruzko dokumentala Youtuben.