ThyssenKrupp
ThyssenKrupp AG (alemanez ˈtʏsn̩ˌkʁʊp ahoskatua) alemaniar siderurgia-industriako enpresa bat da, altzairua galdatzen eta forjatzen herrialdeko enpresarik garrantzitsuena dena.
Enpresa transnazional honek hiru dibisio korporatiboren bidez jarduten du: altzairua, inbertsio-ondasunak eta zerbitzuak. Lehenengoak eraikuntzako altzairua eta altzairu herdoilgaitza ekoizten ditu. Bigarren dibisioa, berriz, hiru segmentutan banatzen da: igogailuak, automobilgintza (mihiztatzeko zatiak) eta teknologia (erremintak, findegietarako produktuak eta ate industrialak). Hirugarren dibisioa ingeniaritzako produktuen manufakturaz arduratzen da.
Bilboko metrorako eta Renferako igogailuak egiten dituen enpresetako bat da. 2004. urtea baino lehen instalatutako igogailu gehienak hidraulikoak ziren, hau da, pistoi batek mugitzen zituen, gaur egun instalatuta dauden igogailuak ez bezala, makina-gelarik gabeko trakziozkoak baitira.
Egoitzak Essen eta Duisburg hirietan daude. 1999an sortu zen, Thyssen AG eta Krupp metalurgia-enpresa alemaniarren fusiotik abiatuta.
Gaur egun 8 ekoizpen planta ditu: Ilsenburg eta Chemnitz, Alemania; Eschen, Liechtenstein; Dalian eta Changzhouu, Txina; Danville, AEB.; Sagunto, Espainia; eta beste bat Pocos de Caldas, Brasil. Konpainiaren bezero nagusiak hauek dira: Ford, Volkswagen, Mercedes-Benz eta BMW.
Kanpo estekak
[aldatu | aldatu iturburu kodea]
![]() |
Artikulu hau ekonomiari buruzko zirriborroa da. Wikipedia lagun dezakezu edukia osatuz. |