Tosca Musk
Tosca Musk | |
---|---|
![]() (2008) | |
Bizitza | |
Jaiotza | Hegoafrika, 1974 (49/50 urte) |
Herrialdea | ![]() |
Familia | |
Aita | Errol Musk |
Ama | Maye Musk |
Anai-arrebak | ikusi
|
Hezkuntza | |
Heziketa | Columbia Britainiarreko Unibertsitatea |
Jarduerak | |
Jarduerak | film-zuzendaria eta zinema ekoizlea |
![]() ![]() ![]() ![]() ![]() ![]() |
Tosca Musk Haldeman (Pretoria, Hegoafrika; 1974ko uztailaren 20a) Hego Afrikako eta Kanadako zinemagilea da. Produktorea, produktore exekutiboa eta zinemako filmen, telebistako programen eta webgunerako edukiaren zuzendaria da. Tiki Bar TV web serieetan aitzindaria izan zen. Holiday Engagement[1] telebista-filma Hallmarken film-kanalaren historiako ikusgarrienetakoa izan zen.[2][3][4] Tosca Passionflix streaming bidezko film-zerbitzuaren fundatzaileetako bat eta CEO da.[5] Passionflix hedatu nahi du, lekuan lekuko pelikulak egin, bertako liburuetan oinarritutako pelikulak egin, hala nola, 2023an Nerja (Malaga) Costa del Solen grabatzea aztertzen ari dira.[6]
Tosca Errol Musken ingeniariaren eta dietista-nutrizionistaren eta Maye Musk modeloaren alaba da. Elon Musk-en eta Kimbal Musk-en arreba da.[7]
Lehen urteak
[aldatu | aldatu iturburu kodea]Amaren familia, bizimodua
[aldatu | aldatu iturburu kodea]Toscaren ama, Maye eta Kaye ahizpa bikia 1948ko apirilaren 18an jaio ziren Reginan, Saskatchewan, Kanadan. Mayek lau neba-arreba ditu: Scott, Lynne, Kaye eta Angkor Lee.[8][9]
1950ean, Mayeren familia Pretoriara (Hegoafrika) joan zen bizitzera. Joshua Norman Haldeman aitak eta haren ama Winnifred Josephine "Wyn" (Fletcher) kirurgia-kontsulta arrakastatsua izan zuten, abentura-bidaiak egiteko aukera ematen ziena.[10] 1952an, 35.000 kilometro egin zituzten munduan zehar, aitak Kanadatik ekarritako hegazkin batean. Hegoafrikatik Australiara hegazkin pribatuan tresna elektronikorik gabe hegan egiten lehena izan zen.[9]
Hamar urtez baino gehiagoz, Mayeren familiak neguko hiru aste igaro zituen Kalahari basamortuan barrena, Kalahari hiri galduaren bila. Gurasoek bidaiei buruzko hainbat aurkezpen eta hitzaldi egin zituzten. Mayerren hitzetan:
"Gurasoak oso ospetsuak ziren, baina inoiz ez ziren esnobak izan".[8]
Hamabost urte zituela, Maye amaren lagun baten modelo-eskolara joan zen, eta asteburuetan ibiltoki- eta katalogo-ereduetan lan egin zuen.[8] 20 urte zituela, 1969 Miss Hegoafrika edertasun-lehiaketara aurkeztu zen Maye, eta finalista izan zen.[11] 1970ean, Maye Errol Musk hegoafrikar ingeniariarekin ezkondu zen. Errol bigarren hezkuntzan ezagutu zuen. Hiru urte igaro ondoren, hiru seme-alaba izan zituzten: Elon Musk, Kimbal Musk eta Tosca Musk. Mayek dietetikako maistratza (masterra) lortu zuen Hego Afrikako Orangeko Estatu Libreko Unibertsitatean.[8] Mayek etxean lan egin zuen, bezeroentzako nutrizio-aholkulari gisa. Asteburuetan modelo gisa lan egiten zuen. 1979an, senarraren tratu txarretatik ihes egiteko, Maye dibortziatu eta Durbanera joan zen. Errolek dibortzioaren nondik norakoak eskatu zituen epaitegietan.[12] Dibortzioaren ondoren, Mayek 20 kilo gizendu zen eta 32 urterekin neurri handien eredu gisa hasi zen lanean. Dieta egin zuen eta urte batean 20 kilo galdu zituen aurreko tallara itzultzeko.[11]
Elon Musk neba
[aldatu | aldatu iturburu kodea]1981ean, Elon Muskek aitarekin Johannesburg-era bizitzera joatea erabaki zuen, triste eta bakarti ikusten zuelako. Kimbalek lau urte zituen.[8] Ingeniari bikaina zen Errol, eta diru asko egin zuen eraikuntzako negozio ilunetan eta esmeralda-meatzaritzan. Elonek uste zuen ona zela ingeniaritzan, aitarengandik jaso baitzuen. Baina Errol oso pertsona txarra zen. Elonek hauxe esan zuen:
'Gizaki gaiztoa zen. Ez duzu pentsatu ere egingo. Aitak kontu handiz prestatzen zituen plan gaiztoak. Gaizkia prestatzen zuen. Ezin duzu pimajinatu zer txarra zen. Pentsa ditzakezun ia delitu guztiak egin ditu. Pentsa ditzakezun gaiztakeria guztiak egin ditu.’[13]
Teknologian zuen interesaren bila, eta Bigarren Hezkuntzan graduatu ondoren, Elonek Kanadara joatea erabaki zuen; han, senideak baitzituen, eta amak nazionalitate kanadarra baitzuen.
Tosca eta familia Kanadara
[aldatu | aldatu iturburu kodea]Maye Kanadara joan zen bizitzeko leku bila. Hegoafrikara itzultzean, 14 urteko Tosca alabak, autoa saldu eta etxea eta altzariak salgai zituela ikusi zuen.
‘Ez dago atzera egiteko beharrik. Atera gaitezen hemendik.’
Tosca Musk [14]
1989an, Mayek, Kimbalek eta Toscak Kanadara emigratu zuten.[15]
![](http://178.128.105.246/cars-http-upload.wikimedia.org/wikipedia/commons/thumb/a/a9/Maye_Musk.jpg/300px-Maye_Musk.jpg)
Maye Kanadara iritsi zenean, aurrezki guztiak blokeatuta zeuden, eta Errol senar ohiak ez zion dirurik bidali seme-alabak mantentzeko.
Mayek apartamentu txiki bat alokatu zuen Toronton. 3 aste eman zituen zoruko grapak eta hormetako paper pintatua kentzen . Prozesuan eskua moztu zuenez, esku modelo gisa egiten zituen lanak arriskuan jarri zituen.[12] Zorionez, modelo izaten jarraitu ahal izan zuen Kanadan.[15] Irabazi zuen lehen diruarekin alfonbra lodia erosi zuen, apartamentuaren zoruan lo egin zezaten, eta Elon Musk-entzat ordenagailua.[16]
Mayek ikertzaile gisa lan egin zuen Torontoko Unibertsitatean. Aldi berean, elikadura- eta modelatze-eskolak eman zituen astean bi gautan, eta, gainera, nutrizio-aholkulari gisa lan egiten zuen, eta bigarren dieta-masterrerako ikasten zuen.[16] Hiru seme-alabek bekak lortu, maileguak eskatu eta unibertsitatean ikasteko lan egin behar izan zuten. Hilabete askotan ezin izaten zuten haragi gorria jan, ezta astean behin ere.[16]
1997an Tosca British Columbiako Unibertsitateko (Bachelor of Arts B.A, Filma/Zinema/Video Studies) zinema-eskolan graduatu zen.[5]
Ibilbidea
[aldatu | aldatu iturburu kodea]Grand Illusions: The Story of Magic (50 kapituluko telesaila Discovery Channelentzat) filmeko idazkari-lanetan hasi zen Tosca. Ikaskuntza-esperientzia handia izan zen, eta 10 hilabeteren buruan hasi zen lehen filmaren gidoia idazten.[17]
1995ean, Toscaren nebek, Elonek eta Kimbalek, Zip2 izeneko software-enpresa sortu zuten, komunikazio- eta merkataritza elektronikoko enpresentzako gidak eta mapak ezartzen zituena. Tosca Torontotik San Frantziskora joan zen bizitzera eta haiekin lan egin zuen Zip2n.[17]
1996an, Mayek bere aurrezki guztiak bildu zituen, 10.000 USD guztira, eta seme-alabei eman zizkien Zip2ren gastuak ordaintzeko. 1997an eta 1998an Mayek Zip2ren asteroko bileretan parte hartu zuen. Mayeren 50. urtebetetzerako, seme-alabek, dirurik ez zutenez, jostailuzko egurrezko etxetxo bat eta pospolo-kaxa baten tamainako zurezko auto bat oparitu zizkioten, eta hauxe esan zioten: Egun batean, benetan erosiko dizkizugu. Geroago Zip2 saldu zioten Compaq Computerri 307 milioi USDgatik, eta haien seme-alabek beren hitza bete egin zuten.[16]
Tosca Musk Zip2-ren salmentaren ondoren, Los Angelesera joan zen Alliance Atlantis-en lan egitera; Degrassi, Trailer Park Boys eta CSI: Crime Scene Investigation telebista-programak egiten zituen. 1999ko urtarriletik 2000ko maiatzera bitartean, Magnolia Pictures-en Garapeneko zuzendari lan egin zuen. Bertan, Sela Ward zegoen, Urrezko Globoa irabazi zuen ABC Once and Again kateko serie dramatikoan protagonista izateagatik ezaguna.[5] Ward ekoizle exekutiboa izan zedin filmak bilatzen zituen. Aurrerago, TV Guiderako ekoizle-lanetan aritu zen, baina laster utzi zuen, Discovery Channel-en zegoela idatzitako filma zuzentzeko.[17]
2001ean, Puzzled, bere lehen filma egin eta zuzendu zuen MuskEntertainment eta Puzzled Productions LLC produkzio-etxearekin.[18][19]
![](http://178.128.105.246/cars-http-upload.wikimedia.org/wikipedia/commons/thumb/c/c0/SXSW_Facebook_Party_-_Tosca_Musk_and_Jeff_Macpherson_aka_Dr._Tiki_of_TikiBarTV.jpg/250px-SXSW_Facebook_Party_-_Tosca_Musk_and_Jeff_Macpherson_aka_Dr._Tiki_of_TikiBarTV.jpg)
2004an The Truth About Miranda filma egin zuen, bideo-artista gazte bati buruzko komedia erromantikoa. 2005ean Simple Things beldurrezko komedia kaleratu zuen, eta urte batzuk geroago Country Remedy izennaz berrizendatua izan zen. Filma Ipar Carolinan filmatu zen, eta bertan Tiki Bar tv-ren sortzailea, Jeff McPherson, ezagutu zuen. Garai hartan, YouTube milioika bideo jartzen hasi zen Interneten, eta ekoizleak beren lana monetizatzeko modua ikusten saiatzen ziren. Tosca Jeff McPhersonekin elkartu zen eta 2005eko martxoaren 15ean Vancouver-eko apartamentu batean TikiBar-en lehen agertokia sortu zuten.[17]
Programaren kontzeptua oso sinplea zen: bost minutuko atal bakoitzak bere edukia zuen, Tiki taberna magikoan kokatzen zen, eta bertan hiru pertsonaia aritzen ziren: Tiki doktorea (Jeff McPherson), Johnny Johnny (Kevin Gamble) eta Lala (lara Doucette). Normalean, atal bakoitza dantza batekin eta arazoren batekin hasten zen, eta arazoaren konponbidea koktel-errezeta bat zen. Atal bat filmatzeko 8 ordu inguru behar izaten zituzten. Web serie baterako musika originala, surround soinua, ikus-efektuak eta soinu-efektuak eskaintzen lehenak izan ziren. Berrikuntza bakoitzarekin atalak minipelikula bihurtzen ziren. Dirua irabazteko, elastikoak, katiluak eta beste objektu batzuk saltzen zituzten beren web orrian, eta, batzuetan, babesleak zituzten.[17] iPod-a bideoz eman zuen Macworld 2005 aurkezpenean, Steve Jobs-ek TikiBar TV audientziari bideo podcastaren adibide gisa (formatu berri bat garai hartan) erakutsi zion iPod-era deskarga zitekeela Apple iTunes-en plataforma erabiliz. 2005ean, TikiBar tv-ren lehen atala iTunes plataforman jarri zen martxan, eta hiru hilabetez gehien jaitsi zena izan zen.[19] 2006an, munduko Apple denda guztietan erakusten zen seriea.
TikiBar tv-ri buruz hitz egin zuten Wired aldizkarian, baita beste komunikabide batzuetan web-serieen aitzindaria zela ere.[20][21] Toscak Casino (2007) eta Gypsy (2009) ataletan parte hartu zuen.[22][23]
2009an, Tiki Bar TV Streamy Awards sarietarako izendatu zuten. 2009an atzeraldia iritsi zenean, Jeff Vancouver-era joan zen bizitzera, eta TikiBar TV proiektua amaitu egin zen.
2010etik 2011ra Polite in Public, Inc.-eko aholkularia izan zen.[5] 2010etik 2012ko irailera, Johnson Management Group-eko produktorea eta produktuaren garapenaren arduraduna izan zen.[5] 2012ko urritik 2015eko abendura Protocol Entertainment, Inc.-eko produkzio-zuzendaria izan zen.[5]
Pina Panebiancorekin batera MPS Entertainment Group sortu zuen.[17] 2013ko abuztuan, Cystic Fibrosis Foundation-en Kontseiluko kide izan zen.[5]
PassionFix
[aldatu | aldatu iturburu kodea]2015. urtean, Joany Kanek film erromantikoak elikatzeko streaming plataforma bidez ekoiztetxe bat sortzeko ideia izan zuen. 2016ko otsailean, Jina Panebianco eta Tosca Musk-i kontatu zien ideia. Urte eta erdian negozio plan bat sortu zuten, finantziazioa lortu zuten, egileekin komunikatu ziren, plataforma diseinatu, eraiki eta eduki-lizentziak negoziatu zituzten estudio handiekin. Eleberri erromantikoetan oinarritutako eduki originalak ere filmatu zituzten.
![](http://178.128.105.246/cars-http-upload.wikimedia.org/wikipedia/commons/thumb/0/08/Tosca-Musk_Founder-CEO_Passionflix_March_1_2019.jpg/250px-Tosca-Musk_Founder-CEO_Passionflix_March_1_2019.jpg)
Toscak Alessandra Torreren Hollywood Dirt, Sylvia Dayren Afterburn/Aftershock, Rachel van Dykenen The Matchmaker's Playbook, K. Brombergen Driven eta Jodi Ellen Malpas-en The Protection filmak zuzendu zituen plataformarako.[24] 2017an, Tosca Musk-ek, Jina Panebianco produkzio-etxeak eta Joany Kane idazleak Passionflix streaming-plataforma sortu zuten. Pantailan gehien saltzen diren nobela erromantikoak ditu plataformak. Estatu Batuetan nobela erromantikoa fikziozko bigarren liburu-genero salduena zen. Tosca PassionFlix-eko CEO da. Dana Guerin, Patrick Cheung, Jason Calacanis, Bill Lee, Lyn eta Norman Lear inbertitzaileek (All in the Family eta telebistako beste klasiko batzuk ekoitzi zituzten) eta Kimbal Musk-ek, besteak beste, 4.75 milioi usd-ren inbertsioarekin sortu zuten Passionflix.[24]
Hasieran, streaming zerbitzua eskuragarri zegoen webgunean eta telebista adimendunerako aplikazioetan, hilean 5.99 USD ordainduta.[2]
PassionFlix-en katalogoan, Amelie, Pride and Aurrediceren (Pride and Prejudice/ Orgullo eta aurreiritzia) 2005eko bertsioa, Moonstruck, Crown Affair, Clueless, Last Holiday, Overboard, BabyBoom, Roman Holiday, Strictly Ballroom, Love Story, Like Water for Chocolate (Txokolaterako ur gisa), Bride and Prejudice, Jane Eyre, Mansfield Park, Kate & Leopold, She’s All That, Sabrina y Wuthering Heights (Gailur ekaiztsuak).[24] PassionFlix-ek ere ekoizten ditu bere filmak, milioi bat USD kostatu ohi direnak, ez baitute izarrik kontratatzen haiek interpretatzeko.[25] Film edo telesail berri bat egiten dute bi hilabetean behin.[24]
Zinema emakumeen ikuspegitik
[aldatu | aldatu iturburu kodea]Edukia zenbait kategoriatan antolatuta dago, hala nola 'zapiak eta izozkia', negarraldi ona behar dutenentzat, edo ‘Hutzpah And Hoohah’ ekintza handiagoetarako. Gainera, pikardia-termometro batek, ‘Barometer Of Naughtiness’ (BON), sexu-intentsitatea adierazten du batetik bostera.[2] Passionflag-en helburua gizonen eta emakumeen arteko harreman positiboetan oinarritzen da, LGBTQ taldeetan, edozein arrazatako eta adinetako azpigenero erromantikoak barne.[25] Ikuspuntua funtsean emakumezkoa da.[24] Tosca Musken iritziz:
‘Uste dut emakumeak munduari begiratzeko modu bakarra duela. Eta uste dut hemen zinemagile gisa emakumeari begira jartzeko aukera dugula. Film eta telesail gehienak gizonezkoen begirada mentalarekin eginak daude (nahita edo nahi gabe). Istorio hauek eta plataforma honek hori desegin edo aldatu nahi dute. Maitasuna gure ikuspegitik ikustea nahi dugu: konexioa, sentsualitatea eta komunikazioa hasteko.’[24]
Bizitza pertsonala
[aldatu | aldatu iturburu kodea]Tosca ezkondu egin zen eta bi seme biki ditu in vitro ernalketaren bidez:[6] Isabeau eta Grayson.[26] Los Angelesen bizi da, Kalifornian, Estatu Batuetan. 2020ko ekainaren 22an lortu zuen estatubatuar nazionalitatea.[27]
Lanak
[aldatu | aldatu iturburu kodea]Ekoizle
[aldatu | aldatu iturburu kodea]- 2020 The Will (produkzio-etxe exekutiboa)
- 2019 The Naughty List (TV Special) (ekoizle exekutiboa)
- 2019 A Brother's Honorer (telebistako filma) (ekoizle exekutiboa)
- 2019 The Protector (ekoizle exekutiboa)
- 2018 Wrapped Up In You (Short) (ekoizle exekutiboa)
- 2018 Mr. 365 (telebistako filma) (ekoizle exekutiboa)
- 2018 Driven (TV Series) (ekoizle exekutiboa)
- 2018 The Matchmaker's Playbook (ekoizle exekutiboa)
- 2017 La fuente de los deseos/ Desioen iturria (ekoizle exekutiboa)
- 2017 Afterburn/Aftershock (ekoizle exekutiboa)
- 2017 Hollywood Dirt (ekoizle exekutiboa)
- 2016 Cenicienta se enamora/ Cenicienta maitemindu egin da (telebistako filma) (ekoizlea)
- 2016 La lista de Jessica Darling/ Jessica Darling-en zerrenda (ekoizlea)
- 2016 Havenhurst (ekoizlea)
- 2015 Maitasun-sorginkeria (ekoizlea)
- 2015 Mac Dre: Legend of the Bay (Dokumentala) (ekoizle exekutiboa)
- 2014 The Acting Teacher (Short) (ekoizlea)
- 2013 El secretos de Clara (telebistako filma) (ekoizle exekutiboa)
- 2013 Desaparecida/ Desagertua (ekoizlea)
- 2012 Inozentzia gaiztoa (telebistako filma) (ekoizlea)
- 2012 Allanamiento de morada (telebista-filma) (produktore elkartua)
- 2012 Walking the Halls (ekoizlea)
- 2011 Compromiso en vacaciones/ Konpromisoa oporretan (telebistako filma) (ekoizlea)
- 2011 Rescate millonario/ Erreskate milioiduna (telebistako filma) (ekoizlea)
- 2011 Asesinato en la frontera (telebistako filma) (ekoizlea)
- 2011 Tres semanas, tres niños/ Hiru aste, hiru haur (telebistako filma) (ekoizlea)
- 2011 La donante/ Emailea (ekoizlea)
- 2010 Encerrada/ Itxia (produkzio-etxe exekutiboa)
- 2009 The Heavy (produktore elkartua)
- 2008 Evilution (produkzio-zuzendaria)
- 2007 9 Lives of Mara (produkzio-zuzendaria)
- 2007 El remedio de la naturaleza/ Naturaren erremedioa (ekoizlea)
- 2005 Freezerburn (ekoizlea)
- 2005 Cruel World (produkzio-zuzendaria)
- 2005 Tiki Bar (TV Series) (ekoizlea)
- 2004 The Truth About Miranda (ekoizlea)
- 2001 Puzzled (ekoizlea)
- 1999 TV Guide Television (TV Series dokumentala) (ekoizlea)[28]
Zuzendari
[aldatu | aldatu iturburu kodea]- 2020 Gabriel's Rapture (filmaketa)
- 2020 Gabriel's Inferno (postprodukzioa)
- 2019 Dirty Sexy Saint
- 2019 Babeslea
- 2018 Wrapped Up In You (film laburra)
- 2018 Driven (TV Series) (6 atal)
- 2018 The Matchmaker's Playbook
- 2017 Afterburn/Aftershock
- 2017 Hollywood Dirt
- 2016 Cenicienta se enamora/ Cenicienta maitemindu egin da (telebistako filma)
- 2015 Maitasun-sorginkeria
- 2001 Puzzlea[29]
Gidoilari
[aldatu | aldatu iturburu kodea]- 2019 Dirty Sexy Saint
- 2019 A Brother's Honorer (telebistako filma) (gidoia)
- 2001 Puzzlea[30]
Aktore
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ Meet Elon Musk’s Rather Impressive Family. .
- ↑ a b c Tosca Musk Launches Streaming Service That Celebrates The Female Gaze - Tubefilter. 1 de febrero de 2018.
- ↑ Kee, Tameka. (19 de mayo de 2009). paidContent.org - Tiki Bar TV Tests The Pay-To-Watch Webisode Model. .
- ↑ Robert Seidman. (30 de noviembre de 2011). Hallmark Channel Closes Out de noviembre de on Top Continuing to Deliver The #1 & #2 Movies of the Week. .
- ↑ a b c d e f g Tosca Musk. .
- ↑ a b (Gaztelaniaz) «Tosca Musk: «El dinero solo saca a relucir quién eres, la madurez te permite ganar confianza»» Diario ABC 2023-06-01 (Noiz kontsultatua: 2023-07-14).
- ↑ Model Maye Musk On Defying The Odds And Her Influence On Elon. 4 de octubre de 2018.
- ↑ a b c d e Laura M. Holson. (30 de abril de 2016). At 68, Maye Musk, the Mother of Elon, Is Reclaiming the Spotlight. .
- ↑ a b Fox, Emily Jane. (21 de octubre de 2015). «How Elon Musk’s Mom (and her Twin Sister) Raised the First Family of Tech» The Hive (Vanity Fair).
- ↑ «Elon's Mother» www.elonmusk.info.
- ↑ a b Kathleen Hou. (17 de marzo de 2016). «Elon Musk’s Mom Is a 67-Year-Old Model and Dietitian With Great Wellness Advice» New York.
- ↑ a b Third Row Tesla Podcast - Episode 11 - Tosca and Maye Musk's Story. 17 de marzo de 2020.
- ↑ Strauss, Neil. (15 de noviembre de 2017). «Elon Musk: The Architect of Tomorrow» The Rolling Stone.
- ↑ (Ingelesez) Vance, Ashlee. (2015-05-21). Elon Musk: How the Billionaire CEO of SpaceX and Tesla is Shaping our Future. Ebury Publishing ISBN 978-0-7535-5066-3. (Noiz kontsultatua: 2022-11-02).
- ↑ a b Kirsten Fleming. (2 de mayo de 2016). Elon Musk’s model mom will have to wait for her Model 3. .
- ↑ a b c d Meet Maye Musk, the glamorous model mother of billionaire Elon Musk. .
- ↑ a b c d e f The Untold Story of Tosca Musk and the Rise of Internet Television. 20 de noviembre de 2015.
- ↑ Puzzled (2001). .
- ↑ a b Tosca Musk: Producer/Founder. .
- ↑ Doctor! I need a triple. 30 de enero de 2006.
- ↑ Scott Woolley. (3 de julio de 2006). Who Needs a Network?. .
- ↑ «TikiBarTv - 31 Casino» Tiki Bar TV.
- ↑ «TikiBarTv - 44 Gypsy» Tiki Bar TV.
- ↑ a b c d e f «Tosca Musk raises $4.75M for Passionflix, a streaming service that's all about romance – TechCrunch» techcrunch.com.
- ↑ a b «Tosca Musk raises $4.75M for Passionflix, a streaming service that's all about romance – TechCrunch» techcrunch.com.
- ↑ Colleen Leahey. (22 de noviembre de 2013). «Elon Musk's mom on raising the Businessperson of the Year» fortune.com.
- ↑ Txantiloi:Cita tuit
- ↑ Tosca Musk. .
- ↑ Tosca Musk. .
- ↑ Tosca Musk. .
- ↑ «TikiBarTv - 44 Gypsy» Tiki Bar TV.
- ↑ «TikiBarTv - 31 Casino» Tiki Bar TV.
- ↑ Tosca Musk. .