Esteatopigia
![](http://178.128.105.246/cars-http-upload.wikimedia.org/wikipedia/commons/thumb/7/71/Woman_with_steatopygia.jpg/200px-Woman_with_steatopygia.jpg)
La esteatopigia [ɛhtheatopɪˈɦɪa] (del griegu στέαρ, -ατος [stéar] "manteca, grassa" i πυγή [pygɛ́ː] "culu") es el comuelgu grassa enas escachas que se destiendi polos muslus, puyendu arcançal a las ruillas.
Estória
[Edital | Editá'l códigu]Esti rasgu es própiu la genética los cóisan, prencipalmenti entri las mugeris, anque tamién s’osselva entri los pimeus, nel África central i la tribu onge enas Islas Adamán. Ena huerça las razas el Homo sapiens, las mugeris suelin muestral una tendencia mayol al hacinamientu tecius adiposus ena region las escachas, frenti a los ombris.
El fenóminu arranca ena infáncia i se desarrolla pol compretu nel primel estádiu el embraçu. Es nolmal tamién que se produça Sinus pudoris u alargaeru los lábius menoris la vulva. Nel casu los cóisan, la esteatopigia es considerá un sinu belleza. Esti rasgu la genética los cóisan hizu que a los ojus ocidentalis se convirtiera nuna cosa imprópia, comu angún marru la naturaleza. Güena muestra velequí destu hue Saartjie Baartman, mugel coicoi, enmotá la Venu Hottentot, a quien dessibierun comu atración féria nel sigru XIX pol Uropa tras sel hecha escrava pol mé de la su esteatopigia.
Representación artística
[Edital | Editá'l códigu]La esteatopigia en dambus sessus se destendió entri las curturas antíguas. La hallaura enas cuevas el sul Fráncia de fegurinas en marfil con una presentera representación el desarrollu los muslus i de los lábius menoris corroboran el hechu. Unu los ejemprus mas sonaus es la Venu de Willendorf.